غِنَيْ هَنَا الْحَجّ لِمَدِينَةْ الْقُدُسْ، لِدَاوُدْ
١٣٣
١ دَا عَدِيلْ وَ سَمَحْ لِلْأَخْوَانْ
كَنْ يُكُونُوا سَوَا!
٢ وَ دَا مِثِلْ دِهِنْ الْمَسَحَانْ
الصَّبَّوْه فِي رَاسْ رَاجِلْ الدِّينْ هَارُونْ
وَ يِدَلِّي لَحَدِّي دِقْنَهْ،
يِدَلِّي لَحَدِّي قَبَّةْ خَلَقَهْ.
٣ وَ دَا مِثِلْ الْكَرَنْج
الْيَنْزِلْ فِي جَبَلْ حَرْمُونْ
وَ يَنْزِلْ فِي جَبَلْ صَهْيُون.
وَ فِي صَهْيُون،
اللّٰهْ قَرَّرْ الْبَرَكَةْ
وَ هِي الْحَيَاةْ الْأَبَدِيَّةْ.