غِنَيْ هَنَا الْحَجّ لِمَدِينَةْ الْقُدُسْ
١٢٨
١ مَبْرُوكْ لِأَيِّ رَاجِلْ الْيَخَافْ مِنْ اللّٰهْ
وَ يِشِيلْ دَرْبَهْ.
٢ وَ إِنْتَ تَفْرَحْ بِالْمَعَاشْ التَّلْقَى مِنْ خِدِمْتَكْ
وَ تِنْبَسِطْ وَ تَلْقَى الْخَيْر.
٣ وَ مَرْتَكْ تَبْقَى مِثِلْ شَدَرَةْ الْعِنَبْ
التَّلْدَ كَتِيرْ فِي لُبّ بَيْتَكْ
وَ عِيَالَكْ يَبْقَوْا مِثِلْ بُذُورْ شَدَرْ الزَّيْتُونْ
وَكِتْ يَقْعُدُوا لِلْأَكِلْ.
٤ وَ دِي بَسْ الْبَرَكَةْ الْيَلْقَاهَا
أَيِّ رَاجِلْ الْيَخَافْ مِنْ اللّٰهْ.
٥ وَ مِنْ صَهْيُون،
اللّٰهْ يِبَارِكَكْ
وَ إِنْتَ تِشِيفْ الْخَيْر فِي مَدِينَةْ الْقُدُسْ
مُدَّةْ كُلَّ أَيَّامْ حَيَاتَكْ.
٦ وَ تِشِيفْ عِيَالْ عِيَالَكْ.
خَلِّي اللّٰهْ يِجِيبْ السَّلَامْ فِي بَنِي إِسْرَائِيلْ!