وَصِيَّةْ لِكَبِيرْ الْغَنَّايِينْ: لِدَاوُدْ، لِيِذَّكَّرَوْا بَيَّهْ اللّٰهْ
٧٠
١ يَا رَبّ،
نَجِّينِي!
يَا اللّٰهْ،
تَعَالْ عَجَلَةْ أَفْزَعْنِي!
٢ الْيِدَوْرُوا مَوْتِي،
خَلِّي الْعَيْب وَ الشَّمَاتَةْ يَكُرْبُوهُمْ!
وَ الْيِحِبُّوا لَيِّ الشَّرّ،
خَلِّي يِعَرُّدُوا وَ يَخْجَلَوْا!
٣ وَ الْيِشَّمَّتَوْا لَيِّ،
خَلِّي يِقَبُّلُوا بِالْعَيْب!
٤ وَ كُلَّ الْيِفَتُّشُوكْ،
خَلِّي يَفْرَحَوْا وَ يِنْبَسْطُوا بَيْك!
وَ كُلَّ الْإِنْتَ نَجَّيْتهُمْ،
خَلِّي يُقُولُوا دَايْماً:
«اللّٰهْ هُو أَكْبَرْ!»
٥ لَاكِنْ أَنَا تَعْبَانْ وَ مِسْكِينْ.
يَا رَبّ،
تَعَالْ لَيِّ عَجَلَةْ،
إِنْتَ فَزَعِي وَ نَجَاتِي!
يَا اللّٰهْ،
مَا تِأَخِّرْ!