وَصِيَّةْ لِكَبِيرْ الْغَنَّايِينْ: مَزْمُورْ، غِنَيْ، لِيِغَنُّوهْ بِجِقِنْدِيَّةْ
٦٧
١ يَا رَبّ!
حِنّ فَوْقنَا وَ بَارِكْنَا
وَ وَجِّهْ عَلَيْنَا نُورْ وِجْهَكْ.
وَقْفَةْ.
٢ وَ بَيْدَا،
كُلَّ الْأُمَمْ فِي الْأَرْض يَعَرْفُوا دَرْبَكْ
وَ يَعَرْفُوا كَدَرْ النَّجَاةْ جَايَةْ مِنَّكْ.
٣ يَا رَبّ!
خَلِّي كُلَّ الشُّعُوبْ يَشْكُرُوكْ!
أَيْوَى،
كُلُّهُمْ يِمَجُّدُوكْ!
٤ يَا رَبّ!
خَلِّي الشُّعُوبْ يِغَنُّوا لَيْك بِفَرَحْ
أَشَانْ إِنْتَ قَاعِدْ تَحْكِمْ فِي النَّاسْ بِالْعَدَالَةْ
وَ تُقُودْ كُلَّ شُعُوبْ الْأَرْض.
وَقْفَةْ.
٥ يَا رَبّ!
خَلِّي كُلَّ الشُّعُوبْ يِمَجُّدُوكْ!
أَيْوَى،
كُلُّهُمْ يِمَجُّدُوكْ!
٦ وَ بَيْدَا،
الْأَرْض تَنْطِي نَتِيجِتْهَا
وَ اللّٰهْ إِلٰـهْنَا يِبَارِكْنَا.
٧ أَيْوَى،
الرَّبّ يِبَارِكْنَا
وَ بَيْدَا،
كُلَّ الْعَالَمْ يَخَافَوْا مِنَّهْ.