مَزْمُورْ لِدَاوُدْ
٢٣
١ اللّٰهْ هُو رَاعِيِّ
وَ شَيّءْ مَا يِقَصِّرْ لَيِّ.
٢ فِي الْقَشّ الْأَخْضَرْ،
يِوَدِّينِي
وَ فِي الْأَلْمِي الْهَادِي،
يَزْقِينِي.
٣ وَ بِزِيَادَةْ،
يِجَدِّدْ قُدُرْتِي
وَ فِي الدَّرِبْ الْعَدِيلْ،
يُقُودْنِي
فِي شَانْ مَجْد أُسْمَهْ.
٤ حَتَّى كَنْ أَنَا مَاشِي
فِي الضَّلَامْ الْهَالِكْ كُلَ،
مَا خَايِفْ مِنْ شَيّءْ
أَشَانْ إِنْتَ ذَاتَكْ قَاعِدْ مَعَايِ،
عَصَاتَكْ تَحْمِينِي وَ دُقُلَكْ يِسَاعِدْنِي.
٥ يَا اللّٰهْ!
إِنْتَ عَزَمْتِنِي قِدَّامْ عُدْوَانِي
وَ صَبَّيْت لَيِّ دِهِنْ فِي رَاسِي
وَ كَاسِي مَلَانْ وَ أَنَا رَوْيَانْ.
٦ أَيْوَى!
دَايْماً خَيْر اللّٰهْ وَ رَحْمَتَهْ قَاعِدِينْ مَعَايِ
وَ أَنَا نَسْكُنْ فِي بَيْت اللّٰهْ مُدَّةْ حَيَاتِي.