مَزْمُورْ لِدَاوُدْ
١٥
١ يَا اللّٰهْ،
يَاتُو يَقْدَرْ يَدْخُلْ فِي بَيْتَكْ؟
يَاتُو يَسْكُنْ فِي جَبَلَكْ الْمُقَدَّسْ؟
٢ هُو النَّادُمْ الْكَامِلْ
الْيِسَوِّي الْعَدَالَةْ
وَ مِنْ قَلْبَهْ يُقُولْ الْحَقّ.
٣ هُو مَا يِعَيِّرْ النَّاسْ
وَ لَا يَخْطَا فِي جِيرَانَهْ
وَ لَا يِعَيِّبْ أَهَلَهْ.
٤ هُو يَحْقِرْ النَّاسْ الْمَبْغُوضِينْ
وَ يِشَرِّفْ النَّاسْ الْمِنْ اللّٰهْ خَايْفِينْ.
وَ مَا يَنْقُضْ عَهَدَهْ
حَتَّى كَنْ يَبْقَى لَيَّهْ قَاسِي كُلَ.
٥ قُرْسَهْ بِرِبَا مَا يِدَيِّنَهْ
وَ مَا يِشِيلْ رَشْوَةْ
وَ لَا يَظْلُمْ الْبَرِي فِي الشَّرِيعَةْ.
النَّادُمْ الْيِسَوِّي مِثِلْ دَا
يِعِيشْ دَايْماً بِأَمَانْ.