الناس السكنوا في المدينة
١١
١ وَ كُبَارَاتْ الشَّعَبْ سَكَنَوْا فِي مَدِينَةْ الْقُدُسْ وَ الْبَاقِي مِنْ شَعَبْهُمْ قَاعِدِينْ فِي حِلَّالْهُمْ.
وَ سَوَّوْا أَمْ عِيَيْدَاتْ أَشَانْ 10 فِي الْمِيَةْ مِنْ الشَّعَبْ يَمْشُوا يَسْكُنُوا فِي مَدِينَةْ الْقُدُسْ وَ 90 فِي الْمِيَةْ كَمَانْ يَقْعُدُوا فِي حِلَّالْهُمْ.
٢ وَ وَاحِدِينْ مِنْ النَّاسْ قَدَّمَوْا نُفُوسْهُمْ قِدَّامْ الشَّعَبْ أَشَانْ يَمْشُوا يَسْكُنُوا فِي مَدِينَةْ الْقُدُسْ وَ الشَّعَبْ بَارَكَوْهُمْ.
٣ وَ بِمِثِلْ دَا،
بَنِي إِسْرَائِيلْ مَعَ رُجَالْ الدِّينْ وَ اللَّاوِيِّينْ وَ الْخَدَّامِينْ هَنَا بَيْت اللّٰهْ وَ ذُرِّيَّةْ عَبِيدْ الْمَلِكْ سُلَيْمَانْ،
كُلُّهُمْ قَعَدَوْا فِي حِلَّالْ بَلَدْ يَهُوذَا،
أَيِّ وَاحِدْ فِي حِلِّتَهْ.
وَ كُبَارَاتْهُمْ كَمَانْ سَكَنَوْا فِي مَدِينَةْ الْقُدُسْ.
٤-٥ وَ وَاحِدِينْ مِنْ قَبِيلَةْ يَهُوذَا وَ وَاحِدِينْ مِنْ قَبِيلَةْ بَنْيَامِينْ كُلَ مَشَوْا فِي مَدِينَةْ الْقُدُسْ وَ سَكَنَوْا فَوْقهَا. وَ مِنْ قَبِيلَةْ يَهُوذَا الْمَشَوْا سَكَنَوْا هِنَاكْ، هُمَّنْ عَتَايَا وَ مَعَسِيَّا. وَ جُدُودْ عَتَايَا، هُمَّنْ فَارِصْ وَ مَهْلَلِيلْ وَ شَفَطْيَا وَ أَمَرْيَا وَ زَكَرِيَّا وَ عُزِّيَّا. وَ جُدُودْ مَعَسِيَّا، هُمَّنْ شِيلَوْه وَ زَكَرِيَّا وَ يُيَارِبْ وَ عَدَايَا وَ حَزَايَا وَ كُلْحُوزَى وَ بَرُوكْ.
٦ وَ مِنْ ذُرِّيَّةْ فَارِصْ،
468 رُجَالْ سَاكْنِينْ فِي مَدِينَةْ الْقُدُسْ وَ كُلُّهُمْ عَسْكَرْ.
٧-٨ وَ مِنْ قَبِيلَةْ بَنْيَامِينْ الْمَشَوْا سَكَنَوْا هِنَاكْ، هُمَّنْ سَلُّو وَ قَبَّايْ وَ سَلَايْ وَ 928 رُجَالْ. وَ جُدُودْ سَلُّو، هُمَّنْ يَشَعْيَا وَ إِتِيِيلْ وَ مَعَسِيَّا وَ قُلَايَا وَ فَدَايَا وَ يُعِيدْ وَ مَشُلَّامْ.
٩ وَ يُوِيلْ وِلَيْد زِكْرِي،
هُو مُرَاقِبْهُمْ.
وَ يَهُوذَا وِلَيْد هَسْنُو كَمَانْ بِقِي نَايِبْ مَسْؤُولْ الْمَدِينَةْ.
١٠ وَ رُجَالْ الدِّينْ السَّكَنَوْا فِي مَدِينَةْ الْقُدُسْ،
هُمَّنْ يَدَعْيَا وِلَيْد يُيَارِبْ وَ يَاكِينْ
١١ وَ سَرَايَا.
وَ جُدُودْ سَرَايَا،
هُمَّنْ أَخِطُوبْ الْمَسْؤُولْ فِي بَيْت اللّٰهْ وَ مَرَيُوتْ وَ صَدُوقْ وَ مَشُلَّامْ وَ حِلْقِيَّا.
١٢-١٤ وَ مَعَ أَخْوَانْهُمْ الْآخَرِينْ الْيَخْدُمُوا سَوَا فِي بَيْت اللّٰهْ، كُلُّهُمْ عَدَدْهُمْ 822 رَاجِلْ. وَ فِيَّهْ عَدَايَا كُلَ مَعَ أَخْوَانَهْ الْهُمَّنْ مَسْؤُولِينْ فِي خُشُومْ بُيُوتْهُمْ، عَدَدْهُمْ 242 رَاجِلْ. وَ جُدُودْ عَدَايَا، هُمَّنْ مَلْكِيَّا وَ فَشْحُورْ وَ زَكَرِيَّا وَ أَمْصِي وَ فَلَلْيَا وَ يَرُوحَامْ. وَ فِيَّهْ عَمَشْسَايْ كُلَ مَعَ أَخْوَانَهْ الْعَسْكَرْ الْفُرَّاسْ، عَدَدْهُمْ 128 رَاجِلْ. وَ جُدُودْ عَمَشْسَايْ، هُمَّنْ إِمِّيرْ وَ مَشِلِّمُوتْ وَ أَخْزَايْ وَ عَزَرِيلْ. وَ مُرَاقِبْهُمْ، هُو زَبْدِيِيلْ وِلَيْد هَقْدُولِيمْ.١٥-١٦ وَ كُبَارَاتْ اللَّاوِيِّينْ السَّكَنَوْا فِي مَدِينَةْ الْقُدُسْ، هُمَّنْ شَمَعْيَا وَ شَبْتَايْ وَ يُوزَبَادْ. وَ هُمَّنْ مُكَلَّفِينْ فِي الْخِدْمَةْ فِي بَيْت اللّٰهْ بِبَرَّا. وَ جُدُودْ شَمَعْيَا، هُمَّنْ بُنِّي وَ حَشَبْيَا وَ عَزْرِقَامْ وَ حَشُوبْ.
١٧ وَ فِيَّهْ مَتَّنْيَا كُلَ،
الْجُدُودَهْ أَسَافْ وَ زَبْدِي وَ مِيكَا.
وَ هُو بَسْ مُكَلَّفْ بِغِنَيْ الشُّكُرْ وَ الصَّلَاةْ.
وَ فِيَّهْ بَقْبُقْيَا كُلَ،
الْبِسَاعِدْ أَخْوَانَهْ.
وَ فِيَّهْ عَبْدَا كُلَ،
الْجُدُودَهْ يَدُوتُونْ وَ قَلَالْ وَ شَمُّوعْ.
١٨ وَ مِثِلْ دَا،
كُلَّ اللَّاوِيِّينْ السَّكَنَوْا فِي مَدِينَةْ الْقُدُسْ،
عَدَدْهُمْ 284 رَاجِلْ.
١٩ وَ حُرَّاسْ الْبِيبَانْ هَنَا بَيْت اللّٰهْ،
هُمَّنْ عَقُوبْ وَ طَلْمُونْ مَعَ أَخْوَانْهُمْ وَ عَدَدْهُمْ 172 رَاجِلْ.
٢٠ وَ بَنِي إِسْرَائِيلْ الْآخَرِينْ مَعَ رُجَالْ الدِّينْ اللَّاوِيِّينْ،
كُلُّهُمْ سَاكْنِينْ فِي حِلَّالْ بَلَدْ يَهُوذَا،
أَيِّ وَاحِدْ فِي أَرْض وَرَثَةْ هَنَا جِدَّهْ.
٢١ وَ الْخَدَّامِينْ هَنَا بَيْت اللّٰهْ سَاكْنِينْ فِي مَدِينَةْ الْقُدُسْ فِي حَارَةْ عُفَلْ.
وَ الْمُرَاقِبِينْ فَوْقهُمْ صِيحَا وَ قِشْفَا.
٢٢ وَ مُرَاقِبْ اللَّاوِيِّينْ الْفِي مَدِينَةْ الْقُدُسْ أُسْمَهْ عُزِّي الْجُدُودَهْ أَسَافْ وَ مِيكَا وَ مَتَّنْيَا وَ حَشَبْيَا وَ بَانِي.
وَ هُمَّنْ كُلُّهُمْ مِنْ ذُرِّيَّةْ أَسَافْ وَ غَنَّايِينْ فِي بَيْت اللّٰهْ.
٢٣ وَ الْمَلِكْ دَاوُدْ أَنْطَى أَمُرْ وَ سَوَّى نِظَامْ لِلْغَنَّايِينْ فِي بَيْت اللّٰهْ وَ مِثِلْ دَا،
قَاعِدِينْ يِسَوُّوا خِدْمِتْهُمْ كُلَّ يَوْم.
٢٤ وَ فِيَّهْ فَتَحْيَا كُلَ،
الْجُدُودَهْ يَهُوذَا وَ زَارَحْ وَ مَشِزَبِيلْ.
وَ فَتَحْيَا دَا،
الْمَلِكْ الْكَبِيرْ الْفِي بَلَدْ فَارِسْ خَطَّاهْ جَنْبَهْ أَشَانْ يِمَثِّلْ بَنِي إِسْرَائِيلْ.
الناس السكنوا في حِلّال آخرين
٢٥ وَ فِي الْحِلَّالْ وَ الزِّرَاعَةْ الْمُجَاوِرِينْهُمْ،
وَاحِدِينْ مِنْ قَبِيلَةْ يَهُوذَا جَوْا سَكَنَوْا.
وَاحِدِينْ سَكَنَوْا فِي حِلَّالْ قَرْيَةْ أَرْبَعَةْ وَ دِيبُونْ وَ يَقَبْصِيلْ وَ الْحِلَّالْ التَّابْعِينْ لَيْهُمْ
٢٦ وَ فِي حِلَّالْ يَشُوعْ وَ مُلَادَةْ وَ بَيْت فَالَطْ
٢٧ وَ حَصَرْ شُوعَلْ وَ بِيرْ سَبْعَةْ وَ الْحِلَّالْ التَّابْعِينْ لَيْهَا
٢٨ وَ فِي حِلَّالْ صِقْلَاقْ وَ مَكُونَةْ وَ الْحِلَّالْ التَّابْعِينْ لَيْهَا
٢٩ وَ فِي حِلَّالْ عَيْن رِمُّونْ وَ صَرْعَةْ وَ يَرْمُوتْ
٣٠ وَ زَنُوحْ وَ عَدُلَّامْ وَ الْحِلَّالْ التَّابْعِينْ لَيْهُمْ وَ فِي حِلَّةْ لَكِيشْ بِالزِّرَاعَةْ الْمُجَاوِرِينْهَا وَ فِي حِلَّةْ عَزِيقَةْ وَ الْحِلَّالْ التَّابْعِينْ لَيْهَا.
وَ مِثِلْ دَا،
نَاسْ مِنْ قَبِيلَةْ يَهُوذَا سَكَنَوْا فِي كُلَّ الْبَلَدْ،
مِنْ حِلَّةْ بِيرْ سَبْعَةْ لَحَدِّي وَادِي بَنِي هِنُّومْ.
٣١ وَ نَاسْ قَبِيلَةْ بَنْيَامِينْ كَمَانْ جَوْا سَكَنَوْا فِي حِلَّالْ قَبَعْ وَ مِكْمَاشْ وَ عَيَّةْ وَ بَيْت إِيلْ وَ الْحِلَّالْ التَّابْعِينْ لَيْهَا
٣٢ وَ فِي حِلَّالْ عَنَتُوتْ وَ نُوبْ وَ عَنَنْيَا
٣٣ وَ حَاصُورْ وَ الرَّامَةْ وَ قِتَايِمْ
٣٤ وَ حَدِيدْ وَ صَبُعِيمْ وَ نَبَلَّطْ
٣٥ وَ لُودْ وَ أُونُو وَ فِي وَادِي هَدَّادْ.
٣٦ وَ وَاحِدِينْ مِنْ اللَّاوِيِّينْ الْقَاعِدِينْ فِي تُرَابْ قَبِيلَةْ يَهُوذَا قَمَّوْا حَوَّلَوْا فِي تُرَابْ قَبِيلَةْ بَنْيَامِينْ.