Matiye 2

Kacɛ́nminɛ 'kɛ́ bè sa nyaa Zezi nɛ̄ wè

1 Ki 'nyaa Betilɛmi kàʔa nī Zezi wi cé sii, tɛ́nimɛ nī; kùlofɔli cɛnyɛ nī ki 'puu. A ki 'nyaa kacɛ́nminɛ pálì 'yɛ̀ cɛngɛnyɛnifolimɛ kùlo mɛ́ lè, nɛ̀ pɛn kàʔa mɛ́ gè, peli cé ŋɔgɔlɔ ke yérigɛnmɛ cɛ́n bè nyìʔɛnɛ nī lè. 2 A pe pɛ́nì yúgolo kpíʔile nɛ́ jo: «Zuufulo kùlofɔli ŋáà wi 'sii wè, sétiʔɛni wi yē ? Ki 'nyaa weli nyɛ́nì wi ŋɔnɔ̀ nyaa lè cɛngɛnyɛnifoligɔli mɛ́ gè, a weli sí pɛn bè pa wi .»

3 Bà kùlofɔli Erodi wi 'siɛnrɛ dáà lúʔu dè, a ti 'wi fungo nyaʔami gè, wire nɛ́ Zerizalɛmi kàʔa wuulo pe mìɛni ní bèle. 4 A wi sí yeri bèle nɛ̀ pɛ́nì gbuʔulo, nɛ́ ní bèle, nɛ̀ pe yúgo sé wi yé je ga sii wè. 5 A pe 'wi yɛ Betilɛmi kàʔa mɛ́, Zude tɛ́nimɛ nī. Ki 'nyaa wi 'ki sɛbɛ nɛ́ jo:

6 Muɔ wè Betilɛmi wè tɛ́nimɛ nī bè,

muɔ bɛ̀ʔ ma 'cɛ́ri nɛ̀ tóri

kàliɛyɛ yi mìɛni nɛ̄ yè

kùlo nī lèʔ,

nɛ̀ taʔa gíi nɛ̄, yiɛginiwɛ wáà

bága yɛ̀ baa muɔ tiʔɛ nī gè;

wire wi bé mi kùlo nàʔa lè,

kùlo lè.

7 A Erodi wi 'kacɛ́nminɛ yeri bèle làrimɛ nī, nɛ̀ sɛ́nì pe sɔ́migɔ nɛ̀ yúgo, bè ki cɛ́n lɛ̀lɛ níì nī ŋɔnɔ̀ ni cé'yiri á pe 'ni nyaa lè. 8 Nɛ́ sí pe tórigo Betilɛmi kàʔa mɛ́ gè, nɛ́ siɛnrɛ juu pe mɛ́, nɛ́ pe yɛ: «Yeri waa, ye sa ki caa yɛ́rirɛ funnyige nɛ̄, ye- pùɔ wi tiʔɛ cɛ́n. A ye sɛ́nì wi caa nɛ̀ nyaa wè, ye pa ti juu m'mɛ́; mi míɛni bé kɛ́ bè sa wi gbùʔɔrɔ.»

9 Bà pe 'kùlofɔli wi siɛnrɛ dáà lúʔu dè mmɛ gè, a pe 'yiri nɛ̀ kɛ́. Cígini, ŋɔnɔ̀ náà pe cé kíni nɛ̀ nyaa lè, a ni 'pe yiʔɛ kíni fúɔ nɛ̀ sɛ́nì nɔ̀ tiʔɛ gíì nī pùɔ wi 'puu wè, a ni 'yéri baa. 10 Bà kacɛ́nminɛ bálì pe 'ki nyaa gè, a ki 'pe dɛ́ni, pe fundaanra kpínʔini kpuʔɔ. 11 A pe 'jíin saʔa nī gè, nɛ̀ pùɔ nyaa wè baa nɛ́ ní wè, wi yàa wè. A pe 'tìgi nɛ̀ káguro wáa, nɛ̀ taʔa wi nɛ̄. Nɛ́ fali nɛ̀ pe tugoro sáʔala dè, nɛ̀ yɛrɛ yige nɛ̀ kpuʔɔrɔ kpíʔile pùɔ mɛ́ wè: tiɛ, nɛ́ wusuna, nɛ́ . 12 A Kulocɛliɛ wi 'juu nɛ́ pe ní ŋɔ́nigɔ nɛ̄ nɛ́ pe yɛ pe fǎga ní koli baa Erodi tiʔɛ nī gèʔ. A pe sí koligo káà kiiyɛ líɛ nɛ̀ kɛ́ pe kùlo mɛ́ lè.

Zezi siivɔlilɔ pe 'fɛ̀ nɛ̀ kɛ́ nɛ́ wi ní Ezipiti kùlo mɛ́

13 Bà pe 'kɛ́ bèle, a wi wáà pɛ́nì wìi tìɛ nɛ̄ wè nɛ́ wi yɛ̀: «Yɛ̀ ma pùɔ líɛ wè nɛ́ wi yàa ní wè, mari fé mari waa kùlo mɛ́, ye sa kò baa kire tiʔɛ nī gè, fúɔ bè taa mi ga juu nɛ́ muɔ ní. Ki 'nyaa wiī nɛ ki caa bè pùɔ kpúu wè.»

14 A Yusufu wi 'yɛ̀ pìlige nī, nɛ̀ pùɔ líɛ wè nɛ́ wi yàa ní wè, nɛ̀ kɛ́ Ezipiti mɛ́. 15 A pe sɛ́nì kò baa kire tiʔɛ nī gè fúɔ nɛ̀ taa a Erodi wi pɛ́nì kùu. A kire 'kpíʔile siɛnrɛ dáà Kàfɔli Kulocɛliɛ wi cé juu wi nyuɔ nī gè, a ti 'fori nɛ̀ paʔa; wi cé jo:

Mi 'mi jaa yeri wè wi ní Ezipiti kùlo mɛ́.

Kùlofɔli Erodi wi 'pìile kpúu bèle

16 Bà kɛ́nì ki 'nyaa kacɛ́nminɛ pe 'wire fáanni wī wè, a wi fungo ki 'yɛ̀ kacɛ́nmɛ fùn. A wi 'tunduro tórigo pe- sa pìile pe mìɛni kpúu, bìli bīɛlɛ yiʔɛlɛ siin siin bèle, nɛ́ bìli ní piyè cé fìɛ yiʔɛlɛ siin taa gèleʔ, Betilɛmi kàʔa nī gè nɛ́ kàʔa tɛ́nimɛ tiɛrɛ ti mìɛni nī dè. Wi cé kele kpíʔile gèle nɛ̀ pìile pe yiʔɛlɛ tɔ́nminɔ gèle nɛ̀ yɛli nɛ́ lɛ̀lɛ náà ní kacɛ́nminɛ pe cé tìɛ wi nɛ̄ lè. 17 A ki 'kpíʔile a wi siɛnrɛ ti 'fori, Zeremii wori dè. Wi cé jo:

18 Pe 'kòkuulo lúʔu

Arama kàʔa nī gè,

kɔnwaara nɛ́ cáaduu kɔnrɔ

láʔalafun wori;

Arasɛli wi nyɛ́ni wi pìile

kùugo kɔngɔ wáari;

wiǐ ní nɛ̀ je pìiri bè nyaaʔ,

bà wi pìile pe ní wè tíin bèleʔ.

Zezi siivɔlilɔ pe 'koli nɛ̀ kɛ́ Isirayɛli kùlo mɛ́

19 Bà kɛ́nì kùu wè, a wi nyìʔɛnɛ tundunwɔ wáà sɛ́nì yiri nɛ̄ wè ŋɔ́nigɔ nɛ̄, wi ní baa kùlo nī lè, 20 nɛ̀ wi yɛ: «Yɛ̀ ma pùɔ kɔ́ri wè nɛ́ wi yàa ní wè, yeri waa kùlo mɛ́ lè; bàli pe 'puu nɛ pùɔ caa wè nɛ́ kpúumɔ ní wè, pe ní wè tíinʔ.»

21 A Yusufu wi 'yɛ̀ nɛ̀ pùɔ kɔ́ri wè nɛ́ wi yàa ní wè, a pe 'kɛ́ Isirayɛli kùlo mɛ́ lè. 22 Bà sí wi cé ki lúʔu dí Arikelawusi wi 'puu kùlofɔli wè wi tuu larigɛ nī gè Erodi wè tɛ́nimɛ nī bè, a Yusufu wi 'yɛ̀ nɛ fìʔɛ́ bè kɛ́ baa kàʔa mɛ́ gè. A ŋɔ́nigɔ 'tuu wi nɛ̄ nɛ̀ wi yɛ wi- yiri wi sa kò tɛ́nimɛ nī. 23 A wi 'yiri nɛ̀ sɛ́nì tɛ́ni kàʔa káà nī, pe 'ki ye . A kire 'ki kɛn a wi siɛnrɛ ti 'fori nɛ̀ paʔa; wi cé jo: Pe bága de wi ye Nazarɛti kàʔa wuu.