Ŋáa wi bé gbɛ̀ kò nɛ́ Yewe ní wè ?
15
1 Dawuda ŋúnudanʔa gī gàa pe ŋú nɛ́ yakpuɔnrɔ ní dè.
Yewe yo, ŋáa wi bé gbɛ̀ súɔn muɔ kòridiʔɛ nī gè ?
Ŋáa wi bé gbɛ̀ kò muɔ nyagurugo wàlidɛngɛgɛ nɛ̄ gè ?
2 Siɛn ŋáà wi tári nɛ́ funviige ní gè,
níɛ kasingele kpínʔini gèle,
níɛ kányiʔɛ nyu nɛ̀ yɛli nɛ́ wi fungo ki mìɛni ní gè,
3 siɛn ŋáà nyinɛ niì wi jáa lèʔ,
ŋàa wiì kapiʔi kpíʔile wi siinyɛni nɛ̄ wèʔ,
ŋàa wi wè wi siɛnnyɛni míʔɛ córi gèʔ.
4 Wi wè fɔ̀ligí siɛncuʔɔwɔ nɛ̄ wèʔ,
nɛ̀ sí ki yaʔa wiī nɛ kpuʔɔrɔ tari bàli nɛ̄ pe Yewe fìʔɛ́ wè.
A wi 'kàli nɛ̀ kɛn siɛn mɛ́, wi nɛ̂ ti fori;
wi nɛ̌ siɛnrɛ yiʔɛ dèʔ a ki cɛ́nì gbɛ̀n gè.
5 A wi 'wali fuʔɔ le siɛn nɛ̄ wè, wi nɛ̌ de tɔ̀ni caa ki nīʔa.
Wi nɛ̌ fɔ̀li bè wali nùʔɔrɔ suɔʔ,
bè sí jo kanaasingbiʔiliwe wi 'finɛ.
A siɛn wiī nɛ tári kɛnmɛ báà nɛ̄ bè, yakaa sǐ gbɛ̀ wi cúungoʔ.