Tɔ́rilɔ 33

Isirayɛliyé tóridiʔɛlɛ gèle

1 Tóridiɛyɛ yi n'yɛ nyàa nī siɛnnɛ pe 'tóri bèle, bà pe 'yiri kùlo nī lè nɛ́ taanni pìye nɛ̄ pe kapiɛngbuɔn tòyo nī yè, á nɛ́ sí yé puu pe yiɛgininɛ bèle. 2 Bɛ̀ cé ki juu nɛ̀ gbɛ̀ngɛ, a Misa sí pe tóridiʔɛlɛ nɛ́ pe yéridiʔɛlɛ sɛbɛ gèle gbègele gbègele. Keli gīɛlɛ gàli gèle.

3 Yebelige ki cɛnyɛ kiɛ nɛ́ kogunɔwuʔu nɛ̄ gè, a pe 'yiri Aramisɛsi kàʔa nī gè nɛ̀ kɛ́. Ki yé buu kpìɛnduumɛ mɛ́ bè, a Isirayɛli siɛnnɛ pe 'yiri Ezipiti kùlo siɛnnɛ pe mìɛni nyaamɛ nɛ̄ bè, yiɛyɛ ní yé yɛ̀riyɛ yè, 4 nɛ̀ ki yaʔa Ezipiti siɛnnɛ, peli 'puu nɛ pe jaapelile tɔ́ngi bèle, bàli bīɛlɛ Yewe yé kpúɔn a pe 'kùu bèle, nɛ̀ kàyuʔu juu gè Ezipiti kùlo kulocɛlɛlɛ pe mìɛni nɛ̄ bèle.

5 A Isirayɛli siɛnnɛ pe 'yiri Aramisɛsi kàʔa nī gè nɛ̀ kɛ́ nɛ̀ sɛ́nì pe bùguro kpúɔn dè Sukɔti kàʔa nī gè. 6 A pe ń'nɛ̀ yiri Sukɔti kàʔa nī gè nɛ̀ kɛ́ nɛ̀ sɛ́nì pe bùguro kpúɔn dè Etami tiʔɛ táanni gè, kire gáà ki 'puu waama kùlo táanni lè.

7 A pe ń'nɛ̀ yiri Etami tiʔɛ táanni gè nɛ̀ koli nɛ̀ pɛn Pi Kariyɔti kàʔa táanni gè, gàa ki 'puu Baali Sefɔn kàʔa yiʔɛ mɛ́ gè. A pe 'pe bùguro kpúɔn dè baa Migidɔli kàʔa yiʔɛ mɛ́ gè.

8 A pe ń'nɛ̀ yiri Pi Kariyɔti kàʔa táanni gè, nɛ̀ kuʔɔjii luʔɔ jeli gè nɛ́ kɛ́ nɛ̀ sɛ́nì nɔ̀ waama kùlo nɛ̄ lè, a pe 'cɛnyɛ taanri tánʔana tánʔa Etami waama kùlo nī lè nɛ́ nɛ́ péli nɛ̀ pe bùguro kpúɔn dè Mara tiʔɛ nī gè.

9 A pe ń'nɛ̀ yiri Mara tiʔɛ nī gè nɛ̀ sɛ́nì nɔ̀ Elimi tiʔɛ nɛ̄ gè, baa pìndiʔɛlɛ kiɛ nɛ́ siin yē gèle, nɛ́ támari tiiye togotaanri nɛ́ kpɔrigɔ ní yè. A pe 'pe bùguro kpúɔn dè kire tiʔɛ nī gè.

10 A pe ń'nɛ̀ yiri Elimi tiʔɛ nī gè nɛ̀ sɛ́nì pe bùguro kpúɔn dè táanni wè. 11 A pe ń'nɛ̀ yiri Nyàʔanivɛgɛ Tiire kuʔɔjii tiʔɛ nī gè nɛ̀ sɛ́nì pe bùguro kpúɔn dè Sɛnɛ waama kùlo nī lè.

12 A pe ń'nɛ̀ yiri Sɛnɛ waama kùlo nī lè nɛ̀ sɛ́nì pe bùguro kpúɔn dè Dofika tiʔɛ nī gè. 13 A pe ń'nɛ̀ yiri Dofika tiʔɛ nī gè nɛ̀ sɛ́nì pe bùguro kpúɔn dè Alusi tiʔɛ nī gè.

14 A pe ń'nɛ̀ yiri Alusi tiʔɛ nī gè nɛ̀ sɛ́nì pe bùguro kpúɔn dè Erefidimi tiʔɛ nī gè. Nɛ̀ ki yaʔa luʔɔ sì yé puu baa pe- gbuɔʔ. 15 A pe ń'nɛ̀ yiri Erefidimi tiʔɛ nī gè nɛ̀ sɛ́nì pe bùguro kpúɔn dè nī lè.

16 A pe ń'nɛ̀ yiri Sinayii waama kùlo nī lè nɛ̀ sɛ́nì pe bùguro kpúɔn dè Kibirɔti Taawa tiʔɛ nī gè. 17 A pe ń'nɛ̀ yiri Kibirɔti Taawa tiʔɛ nī gè nɛ̀ sɛ́nì pe bùguro kpúɔn dè Katisɛrɔti tiʔɛ nī gè.

18 A pe ń'nɛ̀ yiri Katisɛrɔti tiʔɛ nī gè nɛ̀ sɛ́nì pe bùguro kpúɔn dè Iritima tiʔɛ nī gè. 19 A pe ń'nɛ̀ yiri Iritima Tiʔɛ nī gè nɛ̀ sɛ́nì pe bùguro kpúɔn dè Irimɔ Pɛrɛzi tiʔɛ nī gè.

20 A pe ń'nɛ̀ yiri Irimɔ Pɛrɛzi tiʔɛ nī gè nɛ̀ sɛ́nì pe bùguro kpúɔn dè Libina tiʔɛ táanni gè.

21 A pe ń'nɛ̀ yiri Libina tiʔɛ táanni gè nɛ̀ sɛ́nì pe bùguro kpúɔn dè Irisa tiʔɛ nī gè. 22 A pe ń'nɛ̀ yiri Irisa tiʔɛ nī gè nɛ̀ sɛ́nì pe bùguro kpúɔn dè Keyelata tiʔɛ nī gè.

23 A pe ń'nɛ̀ yiri Keyelata tiʔɛ nī gè nɛ̀ sɛ́nì pe bùguro kpúɔn dè Sɛfɛri nyagurugo táanni gè. 24 A pe ń'nɛ̀ yiri Sɛfɛri nyagurugo tiʔɛ nī gè nɛ̀ sɛ́nì pe bùguro kpúɔn dè Arada tiʔɛ nī gè.

25 A pe ń'nɛ̀ yiri Arada tiʔɛ nī gè nɛ̀ sɛ́nì pe bùguro kpúɔn dè Makelɔti tiʔɛ nī gè. 26 A pe ń'nɛ̀ yiri Makelɔti tiʔɛ nī gè nɛ̀ sɛ́nì pe bùguro kpúɔn dè Taʔati tiʔɛ nī gè.

27 A pe ń'nɛ̀ yiri Taʔati tiʔɛ nī gè nɛ̀ sɛ́nì pe bùguro kpúɔn dè Tera tiʔɛ nī gè. 28 A pe ń'nɛ̀ yiri Tera tiʔɛ nī gè nɛ̀ sɛ́nì pe bùguro kpúɔn dè Mitika tiʔɛ nī gè.

29 A pe ń'nɛ̀ yiri Mitika tiʔɛ nī gè nɛ̀ sɛ́nì pe bùguro kpúɔn dè Kasimɔna tiʔɛ nī gè. 30 A pe ń'nɛ̀ yiri Kasimɔna tiʔɛ nī gè nɛ̀ sɛ́nì pe bùguro kpúɔn dè Mɔsɛra tiʔɛ nī gè.

31 A pe ń'nɛ̀ yiri Mɔsɛra tiʔɛ nī gè nɛ̀ sɛ́nì pe bùguro kpúɔn dè Bɛnɛ Yakan tiʔɛ nī gè. 32 A pe ń'nɛ̀ yiri Bɛnɛ Yakan tiʔɛ nī gè nɛ̀ sɛ́nì pe bùguro kpúɔn dè Wori Gigadi tiʔɛ nī gè.

33 A pe ń'nɛ̀ yiri Wori Gigadi tiʔɛ nī gè nɛ̀ sɛ́nì pe bùguro kpúɔn dè Yotibata tiʔɛ nī gè. 34 A pe ń'nɛ̀ yiri Yotibata tiʔɛ nī gè nɛ̀ sɛ́nì pe bùguro kpúɔn dè Aburona tiʔɛ nī gè.

35 A pe ń'nɛ̀ yiri Aburona tiʔɛ nī gè nɛ̀ sɛ́nì pe bùguro kpúɔn dè Eziyɔn Gebɛri kàʔa táanni gè. 36 A pe ń'nɛ̀ yiri Eziyɔn Gebɛri kàʔa táanni gè nɛ̀ sɛ́nì pe bùguro kpúɔn dè Kadɛsi kàʔa táanni gè, Zɛnɛ waama kùlo nī lè.

37 A pe ń'nɛ̀ yiri Kadɛsi kàʔa táanni gè nɛ̀ sɛ́nì pe bùguro kpúɔn dè táanni gè, gàa ki yē kùlo táanni lè.

38 Kire tiʔɛ nī gè, a Arawɔn wi 'tánʔa Wori nyagurugo nɛ̄ gè nɛ̀ yɛli nɛ́ Yewe siɛnrɛ ní dè, nɛ̀ kùu baa, yiʔɛlɛ togosiin tórilo kàduʔumɛ gè bà Isirayɛli siɛnnɛ pe 'yiri Ezipiti kùlo nī lè. Kire yé puu yeye kogunɔwuʔu ki cɛnbelige nɛ̄ gè. 39 Arawɔn wi yé yiʔɛlɛ tekɔlini nɛ́ taanri (123) taa, a wi 'kùu Wori nyagurugo nɛ̄ gè.

40 Kire lɛ̀lɛ lire nī, a Aradi kùlofɔli wi 'Isirayɛli siɛnnɛ pɛn wori lúʔu dè, wire ŋáà wi 'puu wuu wè, nɛ́ ní tɛ́niwɛ nī lè, nàa ni 'puu kùlo nī lè.

41 A pe ń'nɛ̀ yiri Wori nyagurugo tiʔɛ nī gè nɛ̀ sɛ́nì pe bùguro kpúɔn dè Zalimɔna tiʔɛ nī gè. 42 A pe ń'nɛ̀ yiri Zalimɔna tiʔɛ nī gè nɛ̀ sɛ́nì pe bùguro kpúɔn dè Punɔ tiʔɛ nī gè.

43 A pe ń'nɛ̀ yiri Punɔ tiʔɛ nī gè nɛ̀ sɛ́nì pe bùguro kpúɔn dè Woboti tiʔɛ nī gè. 44 A pe ń'nɛ̀ yiri Woboti tiʔɛ nī gè nɛ̀ sɛ́nì pe bùguro kpúɔn dè Iye Abarimi tiʔɛ nī gè, kùlo tɛ́nimɛ nī bè.

45 A pe ń'nɛ̀ yiri Iye Abarimi tiʔɛ nī gè nɛ̀ sɛ́nì pe bùguro kpúɔn dè Dibɔni Gadi kàʔa táanni gè. 46 A pe ń'nɛ̀ yiri Dibɔni Gadi kàʔa táanni gè nɛ̀ sɛ́nì pe bùguro kpúɔn dè Alimɔ Dibilatayimi kàʔa táanni gè.

47 A pe ń'nɛ̀ yiri Alimɔ Dibilatayimi kàʔa táanni gè nɛ̀ sɛ́nì pe bùguro kpúɔn dè Abarimi nyaguruyo sunʔɔmɔ nī bè, Nɛbo nyagurugo yiʔɛ mɛ́ gè. 48 A pe ń'nɛ̀ yiri Abarimi nyaguruyo nī yè nɛ̀ sɛ́nì pe bùguro kpúɔn dè Mowabi waama kùlo kpàanjali nɛ̄ wè cáʔa táanni gè, Zeriko kàʔa yiʔɛ mɛ́ gè.

49 Pe bùguro ti 'puu Zurudɛn cáʔa táanni gè, Beti Yesimɔti kàʔa táanni gè fúɔ nɛ̀ sɛ́nì nɔ̀ Abɛli Sitimi tiʔɛ nɛ̄ gè, Mowabi waama kùlo kpàanjali nī wè.

Yewe wi 'Kanaa kùlo líɛgɛnmɛ tìɛ bè

50 Bè pe 'yaʔa baa waama kùlo kpàanjali nɛ̄ wè cáʔa táanni gè, Zeriko kàʔa yiʔɛ mɛ́ gè, a 'ki juu mɛ́ nɛ́ jo: 51 «-Ki juu siɛnnɛ mɛ́ bèle ma pe yɛ:

«A yeli kɛ́nì Zurudɛn cáʔa jeli gè nɛ̀ jíin kùlo nī lè, 52 yeli bé Kanaa kùlo siɛnnɛ cìra bèle bé sí pe yasunro ti mìɛni cúʔɔ, dàa pe 'tɛn dè nɛ́ dàa dī timɔri wori dè, nɛ́ sundiɛyɛ nyáà yī nyaguruyo nɛ̄ yè. 53 Yeli bé kùlo líɛ lè bè tɛ́ni ni nī, nɛ́ ki cɛ́n mi nyɛ́nì kùlo kɛn lè yeli mɛ́, kire ga buu ni- kò yeli woli.

54 «Kùlo ni bé liɛlɛ bè yɛli nɛ́ bìgele wáagɛnmɛ ní bè; yeli bé ni taa kɔrigɔ bè yɛli nɛ́ yeli nariyɛ ní yè. Nariyɛ nyáà yī kpoliyo yè, yeli bé dàakpuɔlɔ kɛn pe mɛ́; nariyɛ nyáà yi 'cɛ̀ri yè, yeli bé dàaciɛlɛ kɛn pe mɛ́. Bìgele keli ke bé kùlo ni liɛlɛgɛnmɛ tìɛ bè; yeli bé yeli liʔɛlɛ taa gèle kɔrigɔ kùlo nī lè bè yɛli nɛ́ yeli saaya tùluyo ní yè.

55 «Nɛ̀ sí ki yaʔa a yeli sì kùlo náà ni siɛnnɛ cìra bèleʔ, bàli yeli bé yaʔa bèle, pe bé kò yeli mɛ́ kànyaʔara yeli nyapigele nī gèle, bé sí ní kò yeli mɛ́ wíiye yeli lìʔɛgɛlɛ nī gèle. Pe bé sí kò yeli wuʔɔfɔlilɔ kùlo nī lè nàa nī yeli yē tɛ́ninɛ bèle. 56 A ki yē mmɛ gè, gàa mi 'puu nɛ caa bè kpíʔile pe nɛ̄ bèle, yeli nɛ̄ m'bé koli ki taʔa.»