Neɓiɗi keeh-keehi
1
1 Ɓoyii,a neɓɗiɗ de !
Ɓoyi hunɗi na añaandiɗ ci,
tufukɗi na bakaaɗoh ci,
ɓoofɗi na ɓi na njembtohe.
2 Waaye,
a raak neɓiɗ ŋ waasiŋ Nikiɗi,
a liiɓsiɗohee nga noha na weka.
Ɓoyii,
a neɓɗiɗ de !
3 A kiɗig ŋ sero masuɓ ;
wi rimang ŋ jamanooniŋ wa,
te saaf ci na leeɓeeɗi.
In nu a haɓiɗ ɗah, wa tiind.
Ɓoyii,
a neɓɗiɗ de !
4 Añaandiɗ ci
mandɗi ɗaa, ɓa fuñind,
wi puuɗsi na coottohe.
5 Weɗi tah,
ali añaandiɗ
jaɗtukanɗi ŋ mbaɗnaŋ atteena.
Ali bakaaɗoh
nikanɗi ŋ saangnaŋ yurhiɗ ca.
6 Laam,
Nikiɗi degiɗ waasiŋ yurhiɗ ci has,
waaye,
wiŋ añaandiɗ ci na kee na ɓa ŋ sooƴ.