Debleskri Gili 131

131

Pash tute hom tchalo har i tikno tchawo

1 I gili o Davidestar te giwell ap o drom an Jerusalem.

Baro Dewel, me hom gar pre-phurdo,

un mire jaka dikenn gar tele ap i wawarende.

Me kamau gar baro koowa, witar gar sawo koowa, hoi dur pral mande hi.

2 Na-a, miro dji hi pokones^a un tchalo,

jaake har i tikno tchawo tchalo hi an i mussi peskri datar,

awa, jaake tchalo hi miro dji.

3 Israel, dik ap o baro Debleste, kanna un hako tsiro.