Debleskri Gili 128

128

I bachteli familja

1 I gili te giwell ap o drom an Jerusalem.

Bachtelo hi hakeno, kai djiwell o baro Debleha, un djal ap leskro drom.

2 Tu chah kolestar, hoi tire wasta budran.

Mishto tuke! Tuke djal latcho.

3 Khere hi tiri romni.

Un joi hi har i drakengro ruk, hoi bud drake hidjrella.

Un tire tchawe hi beshdo trul tiri chapaskri har terne djeteskre ruka.

4 Sawi bacht hi ko murshes, kai djiwell o baro Debleha.

5 O baro Dewel dell tut bacht kotar, kai lo khere hi, ap i berga Zion.

Jaake rah har djiweh, dikeh koi bacht, hoi well dran o foro Jerusalem.

6 Un ninna dikeh i tchawe tire tchawendar.

Bacht te well pral o Israel!