15
Kones lell o Dewel an?
Baro Dewel, koon nai well an tiro kheer?
Kones mukeh tu ap koi berga te djiwell, kai tu khere hal?
2 Koles kokres, kai i djudjo djipen djiwell,
un hako tsiro krell, hoi tchatcho hi.
Kowa, kai kek chochepen rakrella,
3 witar kek djunglepen pral jekeste penella.
Kowa, kai peskro maleske kek tchilatchepen krella,
un kolen gar praassella, kai pash leste djiwenna.
4 Kowa, kai hadell gar kolen, kai kowa krenna, hoi o baro Dewel gar kamella,
Na-a, job hadell kolen, kai o baro Debleha djiwenna.
Job krell, ap hoi job pes sowel das,
ninna te well kowa leske phares.
5 Te patsas lo peskre lowe, lell lo gar budeder lowe pale.
Ninna te denn le les shukar koowa,
anell lo kek chochepen ap koleste, kai kek tchilatchepen kras.
Koon jaake djiwella, kowa hi soreles tardo an peskro djipen.