M
Manna O Mose anas i Israelitarjen dran o them Egiptia win. Har jon an o mulo them trujel djan, his len tchi te chal. Koi das len o Dewel ko ‘maro dran o bolepen’ te chal, hoi kharella ap o hebretikro rakepen Manna.
Matchengre gone (Gadjkenes: Fischernetze)
Melchisedek Kowa his i baro rashai an o foro Jerusalem ap ko tsiro, kai o Abraham djiwas. Job his kek Israelitari. O Abraham das les o deshto kotar lauterestar, hoi job i bare rajendar dran o them Mesopotamia an o kurepen krik las (dik: 1. Mose 14). An o liil ap i Hebrearja (dik: Hebrearja 7) well pral o Jesus tchinlo, kai job o baro rashai hi, jaake har o Melchisedek kowa his.
Menshengro Tchawo Menshengro Tchawo hi ko lab, hoi das o Jesus pes kokres. Ko lab sikrell men, kai o Jesus kowa hi, pral koleste o Debleskro rakepaskro, o Daniel, tchinas, kai kowa rakrell o tchatchepen win pral i tsele menshende ap i phub, un kai koles well o Deblestar i tseli soor un o tselo railepen (dik: Daniel 7:13-14).
Mesopotamia Kau them hi kau diwes o them Irak. Ko lab Mesopotamia kamell men te sikrell, kai kau them mashkral dui bare lengste panja tchiddo hi.
Messias Messias hi o hebretikro lab ko baro rajeske, kolestar o Dewel glan i rah tsiro penas, te well job, te lell lo i menshen dran o tchilatchepen un o merepen win (dik: Daniel 7:13-14).
Momelengri
Moseskre laba Kolla hi kol laba, hoi o Mose pre tchinas, te djinenn i Israelitarja, har te djiwenn le. Ap ko tsiro, kai o Esra un o Nehemia djiwan (450 bersha glan o Jesus Kristo), kran i tsele Israelitarja penge win, te djiwenn le pal kol laba. Ap ko tsiro, kai o Paulo djiwas, penas job i menshenge, kai o patsepen ap o Jesuseste kokres nai dell len o Debleskro djipen, un kai o Moseskre laba nashte krenn kowa gar (jaake 50 bersha pal o Jesus Kristo).
Mulengre khera I bibolde kran pengre menshenge, kai meran, i tikno kheer, kai jon tchiwan len dren. Kowa, kai i mules an-tapras, his jek tsiro pale-tchiddo.
Mulni platsa An o phuro tsiro his i ‘mulni platsa’ i platsa, kai menshe paskedo his, un i mule an-mangedo wan. Pal i tsiro was dran kowa i platsa, kai chochene debla an-mangedo wan.
Myrrhe
