J
Jesuseskre bitchepangre Kolla hi kol mursha, kolen o Jesus pash i menshende bitchras, te penenn le lenge lestar. Koi budi das lo len an lengre wasta.
Jesuseskre mala (Gadjkenes: Jünger Jesu) O Jesus rodas peske deesh-te-dui murshen win, kai leha djan un leha djiwan. Job his lengro sikepaskro, un penas lenge o Debleskro lab un bitchras len pash i menshende, te penenn le les lenge dureder (dik: Luka 14:26-33).
Jona Kowa his i Debleskro rakepaskro (trul o bersh 770 glan o Jesus Kristo). Koles bitchras o Dewel an o baro foro Ninive an o them Assur, te penell lo kote i menshenge o Debleskro lab. O Jona kamas gar kote te djal, un djas ap i shiffo, te well lo ap i wawar rig o baro panjestar. Har o pani diwjo was, witsran le o Jona an o pani, un i baro matcho chas les pre. Un job his triin diwessa an leskro per. O Jesus rakras pral leste un penas, kai leske djala jaake har o Jona (dik: Mateo 12:38-41).