F
Farisarja Ap ko tsiro, kai o Jesus djiwas, rikran pen bud biboldengre sikepangre, tchinepangre un tchatchepangre soreles ap o Moseskre laba, ninna ap kol laba, hoi lengre phure lenge penan. Kol mursha wan Farisarja kharedo. Jon rikran pen pale glan hako pale-tchiddo koowa un glan hako pale-tchiddo mensho, te wenn jon gar pale-tchiddo. I tsele bibolde shunan ap lende. Lauter, hoi i Farisarja i menshenge penan, te krenn jon, his har i pharo koowa ap kol menshende tchiddo. O Jesus penas ap i Farisarja, kai jon mukan o Debleskro drom (dik: Mateo 23:13-34 un ninna Marko 7:6-23).
Felix Antonio Felix his i Remarjengro baro rai an o them Israel an i bersha 52 bis 60 pal o Jesus Kristo.
Festo Kowa his i Remarjengro baro rai an o them Israel an i bersha 60 bis 62 pal o Jesus Kristo.
Fingsta (Gadjkenes: Pfingsten) Kowa his i biboldengro baro diwes, hoi was pantch-deesh diwessa pal ko festo Passa. Ap ko baro diwes was i biboldenge o Debleskro baro latchepen an o shero, te nai anan le penge bud djob dren. Un o Dewel kamas, te wenn le bachtelo pral kowa.