ⵃⴰⴱⴰⵇⵇⵓⵇ 3

ⵜⴰⵥⴰⴵⵉⵜ ⵏ ⵃⴰⴱⴰⵇⵇⵓⵇ

1 ⵜⴰⵥⴰⴵⵉⵜ ⵏ ⵃⴰⴱⴰⵇⵇⵓⵇ, ⴰⵏⴰⴱⵉ, ⴷⴻⴳ ⵡⴰⵟⵟⴰⵙ ⵏ ⵜⵎⵉⵊⵊⵉⵡⵉⵏ.

2 ⴰ ⵙⵉⴷⵉ, ⵓⵎⵉ ⵙⵍⵉⵖ ⵍⴻⵅⴱⴰⵔ ⵏⵏⴻⴽ, ⵜⵓⵖⴰ ⵜⵜⴻⴳⴳⵯⴻⴷⴻⵖ.

ⴰ ⵙⵉⴷⵉ, ⵙⵏⴻⴷⴷⴰⵔ ⵍⵅⴻⴷⵎⴻⵜ ⵏⵏⴻⴽ ⵄⴰⵡⴻⴷ ⴷⵉ ⵍⵡⴻⵙⵜ ⵏ ⵉⵙⴻⴳⴳⵯⵓⵙⴰ,

ⵙⴻⵛⵛⴻⵏ ⵉ-ⵜⵜ ⴷⵉ ⵍⵡⴻⵙⵜ ⵏ ⵉⵙⴻⴳⴳⵯⵓⵙⴰ,

ⴷⴻⴳ ⵡⴻⵖⴹⴰⴱ ⵄⵇⴻⵍ ⵅ ⵍⴻⵃⵏⵓⵏⴻⵛⵜ ⵏⵏⴻⴽ.

3 ⴰⵔⴻⴱⴱⵉ ⵢⵓⵙⴰ-ⴷⴷ ⵥⵉ ⵜⴰⵢⵎⴰⵏ ⵓ ⴰⵎⵇⴻⴷⴷⴰⵙ ⵥⴻⴳ ⵡⴻⴷⵔⴰⵔ ⵏ ⴼⴰⵔⴰⵏ. ⵙⵉⵍⴰⵀ.

ⵍⵄⴰⴹⴰⵎⴰ ⵏⵏⴻⵙ ⵜⴻⴷⵍⴰ ⵉⵊⴻⵏⵡⴰⵏ

ⵓ ⴰⵚⴻⴱⴱⴻⵃ ⵏⵏⴻⵙ ⵉⵛⵛⵓⵔ ⵜⴰⵎⵎⵓⵔⵜ.

4 ⵜⵓⵖⴰ ⴷⵉⵏ ⴰⵎⴻⵛⵏⴰⵡ ⵜⵉⵙⵙⵉⵇⵜ ⵏ ⵜⴼⴰⵡⵜ,

ⵜⵓⵖⴰ ⵖⴰⵔⴻⵙ ⴼⵍⵉⵜⵛⴰⵜ ⵏ ⵡⴰⵙⵙⴰⵎ ⴷⴻⴳ ⵓⴼⵓⵙ ⵏⵏⴻⵙ,

ⵓ ⴷⴰⵢⴻⵙ ⵜⵏⵓⴼⴼⴰⵔ ⵜⵥⴻⵎⵎⴰⵔ ⵏⵏⴻⵙ.

5 ⵟⵟⴰⵄⵓⵏ ⵉⵜⵜⵉⵥⵡⴰⵔ ⵉ ⵡⵓⴷⴻⵎ ⵏⵏⴻⵙ,

ⵍⵃⴰⴷⵓⵇ ⵏ ⵜⵎⴻⵙⵙⵉ ⵉⴼⴼⴻⵖ-ⴷⴷ ⵥⴻⴳ ⵉⴹⴰⵔⴻⵏ ⵏⵏⴻⵙ.

6 ⵏⴻⵜⵜⴰ ⵉⴽⴽⴰⵔ ⵓⵛⴰ ⵢⴰⵔⵔⴰ ⵜⴰⵎⵎⵓⵔⵜ ⵜᵉⵜⵜⴻⵏⵀⴻⵥⵥⴰ,

ⵏⴻⵜⵜⴰ ⵉⵥⵔⴰ ⵓ ⵉⴳⴳⴰ ⴰⴷ ⴰⵔⵊⵉⵊⴻⵏ ⵍⴻⴳⵏⵓⵙ,

ⵉⴷⵓⵔⴰⵔ ⵏ ⵥⵉⵛ ⵜⵜⵡⴰⵍⴻⴱⵥⴻⵏ ⴰⵍⴰⵎⵉ ⴷⴻⵡⵍⴻⵏ ⴷ ⵜⴰⵄⴻⵊⵊⴰⵊⵜ,

ⵜⵉⵡⵔⵉⵔⵉⵏ ⵥⵉ ⵎⴻⵛⵃⴰⵍ ⵓⵢⴰ ⵖⴻⵏⵙⴻⵏⵜ!

ⵉⴱⵔⵉⴷⴻⵏ ⵉⵜⵜⴷⵓⵎⴰⵏ ⵉ ⵍⴻⴱⴷⴰ ⴰⵇⴰ ⴰⵜⴻⵏ ⵏⵏⴻⵙ.

7 ⵏⴻⵛⵛ ⵥⵔⵉⵖ ⵉⵇⵉⴹⴰⵏ ⵏ ⴽⵓⵛⴰⵏ ⵜⵜⵡⴰⵃⵚⴰⵔⴻⵏ,

ⵜⵉⵊⴰⵔⵜⵉⵍⵉⵏ ⵏ ⵉⵇⵉⴹⴰⵏ ⵏ ⵜⴻⵎⵎⵓⵔⵜ ⵏ ⵎⵉⴷⵢⴰⵏ ⵉⵜⵜⴰⵡⵉ ⵜⴻⵏⵜ ⵓⵙⴻⵎⵎⵉⴹ ⵙ ⵊⵊⴻⵀⴷ.

8 ⵎⴰ ⵢⴰⵔⵖⴰ ⵡⴻⵖⴹⴰⴱ ⵏ ⵙⵉⴷⵉ ⵅ ⵉⵖⴻⵥⵔⴰⵏ?

ⵎⴰ ⵜⵓⵖⴰ ⴰⵖⴹⴰⴱ ⵏⵏⴻⴽ ⴹⵉⴷⴷ ⵉ ⵉⵖⴻⵥⵔⴰⵏ?

ⵎⴰ ⵜⵓⵖⴰ ⵜⴻⴷⴷⵓⵇⵇⵥⴻⴷ ⵙ ⵓⴼⵓⴳⴻⵎ ⴹⵉⴷⴷ ⵉ ⵍⴻⴱⵃⴰⵔ,

ⵍⴰⵎⵉ ⵜⵏⴻⴷⵀⴻⴷ ⵅ ⵢⴻⵢⵙⴰⵏ ⵏⵏⴻⴽ,

ⵅ ⵉⴽⴰⵔⵔⵓⵜⴻⵏ ⵏⵏⴻⴽ ⵏ ⵓⵙⴻⵏⵊⴻⵎ?

9 ⵍⵇⴻⵡⵙ ⵏⵏⴻⴽ ⵉⵜⵜⵡⴰⵄⴰⵔⵔⴰ ⵎⴰⵔⵔⴰ,

ⵜⵉⵊⴰⴵⵉⵜⵉⵏ ⵉ ⵜⴻⵙⵙⵉⵡⵍⴻⴷ ⴰⵇⴰ-ⵜⴻⵏ ⴷ ⵉⵄⵓⵎⴰⴷ ⵉ ⵓⵙⴻⵇⵙⴰⵃ. ⵙⵉⵍⴰⵀ.

ⵜⴼⴻⴵⵇⴻⴷ ⵜⴰⵎⵎⵓⵔⵜ ⵙ ⵉⵖⴻⵥⵔⴰⵏ.

10 ⵍⴰⵎⵉ ⵛⴻⴽ ⵥⵔⵉⵏ ⵉⴷⵓⵔⴰⵔ, ⵉⵍⵇⴻⴼ ⵉ-ⵜⴻⵏ ⵍⴻⵡⵊⴻⵄ,

ⵍⵃⴻⵎⵍⴻⵜ ⵏ ⵡⴰⵎⴰⵏ ⵜⵓⵖⴰ ⵜⵄⴻⴷⴷⵓ,

ⴰⵎⴰⵏ ⵢⵓⴵⵖⴻⵏ ⴰⵔⵔⵉⵏ ⵜⵎⵉⵊⵊⴰ ⵏⵙⴻⵏ ⵜᵉⵜⵜⵡⴰⵙⴻⵍ,

ⴳⴻⵄⵄⴷⴻⵏ ⵉⴼⴰⵙⵙⴻⵏ ⵏⵙⴻⵏ ⵖⴰⵔ ⵓⵊⴻⵏⵏⴰ.

11 ⵜⴰⴼⵓⵛⵜ, ⵓⵍⴰ ⴷ ⵓⵢⵓⵔ, ⵇⵇⵉⵎⴻⵏ ⴱⴻⴷⴷⴻⵏ ⴷⵉ ⵜⵥⴻⴷⴷⵉⵖⵜ ⵏⵙⴻⵏ.

ⴰⵇⴰ ⵔⵓⵃⴻⵏ ⵥⵉ ⵙⵙⵉⴱⴱⴻⵜ ⵏ ⵜⴼⴰⵡⵜ ⵏ ⴼⵍⵉⵜⵛⴰⵜ ⵏ ⵍⵇⴻⵡⵙ ⵏⵏⴻⴽ,

ⵥⵉ ⵙⵙⵉⴱⴱⴻⵜ ⵏ ⵜⵉⵙⵙⵉⵇⵜ ⵏ ⵍⴰⵏⵙⴰ ⵏⵏⴻⴽ ⵉⵜⵜⴻⵃⴷⵓⴷⵓⵇⴻⵏ.

12 ⵙ ⵡⴻⵙⵅⴻⴹ ⵜⴻⵚⵚⵓⵔⵓⴼⴻⴷ ⵜⵉⵡⴰ ⵉ ⵜⴻⵎⵎⵓⵔⵜ,

ⵙ ⵡⴻⵖⴹⴰⴱ ⵏⵏⴻⴽ ⵜⵄⴻⴼⵙⴻⴷ ⵅ ⵍⴻⴳⵏⵓⵙ.

13 ⵛⴻⴽ ⵜⴻⴼⴼⵖⴻⴷ ⵉ ⵓⵙⴻⵏⵊⴻⵎ ⵏ ⵍⴳⴻⵏⵙ ⵏⵏⴻⴽ,

ⵉ ⵓⵙⴻⵏⵊⴻⵎ ⵏ ⵓⵎⴻⴷⵀⵓⵏ ⵏⵏⴻⴽ.

ⴰⵇⴰ ⵛⴻⴽ ⵜⵇⴻⴵⵄⴻⴷ ⵜⴰⵥⴻⵇⵇⴰ ⵏ ⵜⴰⴷⴷⴰⵔⵜ ⵏ ⵓⵄⴻⴼⴼⴰⵏ,

ⵜⵄⴰⵔⵔⵉⴷ ⴷⵙⴰⵙ ⴰⵍ ⵉⵔⵉ. ⵙⵉⵍⴰⵀ.

14 ⵛⴻⴽ ⵜⴻⵙⵙⵏⵓⵇⵇⴱⴻⴷ ⴰⵥⴻⴵⵉⴼ ⵏ ⴰⵔⵔⴰⵢⵙ ⵏⵏⴻⵙ ⵙ ⵉⵄⵓⵎⴰⴷ ⵏⵏⴻⵙ.

ⵏⵉⵜⵏⵉ ⵓⵙⵉⵏ-ⴷⴷ ⵄⴻⵍⴼⴻⵏ-ⴷⴷ ⵎⴰⵃⴻⵏⴷ ⴰⴷ ⴰⵢⵉ ⵥⴻⴵⵄⴻⵏ.

ⴰⵇⴰ ⴷ ⵎⴻⵥⵔⵉ ⵏⵙⴻⵏ

ⵎⴰⵍⴰ ⵥⴻⵎⵎⴰⵔⴻⵏ ⴰⴷ ⵛⵛⴻⵏ ⵍⵎⴻⵙⴽⵉⵏ ⵙ ⵜⵏⵓⴼⴼⵔⴰ.

15 ⴰⴽ-ⴷ ⵉⵢⵙⴰⵏ ⵏⵏⴻⴽ ⵜᵉⵟⵟⴼⴻⴷ ⴰⴱⵔⵉⴷ ⴷⵉ ⵍⴻⴱⵃⴰⵔ,

ⴰⴽⵓⴼⴼⵓ ⵏ ⵡⴰⵎⴰⵏ ⵉⵎⴻⵇⵇⵔⴰⵏⴻⵏ.

16 ⵍⴰⵎⵉ ⵙⵍⵉⵖ, ⵢⴰⵔⵊⵉⵊ ⵓⵄⴻⴷⴷⵉⵙ ⵉⵏⵓ.

ⵓⵎⵉ ⵙⵍⵉⵖ ⵍⵃⴻⵙⵙ ⵏⵏⵉ, ⴰⵔⵊⵉⵊⴻⵏ ⵉⵢⴻⵏⵛⵉⵛⴻⵏ ⵉⵏⵓ,

ⴰⵅⴻⵙⵙⴰⵔ ⵢⵓⴷⴻⴼ ⵖⴰⵔ ⵉⵅⵙⴰⵏ ⵉⵏⵓ,

ⵓ ⵏⴻⵛⵛ ⴰⵔⵊⵉⵊⴻⵖ ⴷⴻⴳ ⵡⴻⵎⵛⴰⵏ ⵉⵏⵓ.

ⵉⵍⵉ ⴰⴷ ⵔⴰⵊⵉⵖ ⴷⵉ ⵍⵅⴰⴹⴰⵔ ⵅ ⵡⴰⵙⵙ ⵏ ⵍⴻⵃⵚⴰⵔⴻⵜ,

ⵅⵎⵉ ⵉ ⵖⴰ ⵉⵙⵙⴳⴻⵄⵄⴻⴷ ⵅ ⵍⴳⴻⵏⵙ,

ⵓ ⴰⴷ ⴰⵏⴻⵖ ⵉⵃⵚⴰⵔ.

ⵍⴻⴼⵔⴰⵃⴻⵜ ⵏ ⵃⴰⴱⴰⵇⵇⵓⵇ ⴷⵉ ⵙⵉⴷⵉ

17 ⵡⴰⵅⵅⴰ ⵡⴰⵔ ⵉⵜⵜⵏⵓⵡⵡⴰⵔ ⵡⴰⵔⵜⵓ,

ⵓ ⵡⴰⵔ ⴷⵉⵏ ⵜᵉⵜⵜⵉⵍⵉ ⵄⴰⴷ ⵍⵖⵉⴵⴻⵜ ⵖⴰⵔ ⵜⵥⴰⵢⴰⵔⵜ,

ⵡⴰⵅⵅⴰ ⵍⵖⵉⴵⴻⵜ ⵏ ⵥⵥⵉⵜⵓⵏ ⴰⴷ ⵜⴻⴼⵛⴻⵍ

ⵓⵍⴰ ⴷ ⵉⵢⵢⴰⵔⴻⵏ ⵡⴰⵔ ⵜⵜⵖⵉⵎⵉⵏ ⵜⵜⵉⵛⴻⵏ ⵍⵎⴰⵛⵓⵍ,

ⵓ ⴰⴷ ⵜⵜⵡⴰⵇⴻⴹⵄⴻⵏ ⵡⵓⴵⵉ ⵥⵉ ⵍⴽⵓⵍⵉ

ⵓ ⵡⴰⵔ ⵜⵜⵉⵍⵉⵏ ⵄⴰⴷ ⵉⴼⵓⵏⴰⵙⴻⵏ ⴷ ⵜⴼⵓⵏⴰⵙⵉⵏ ⴷⵉ ⵍⴽⵓⵔⵉⵜ,

18 ⵄⴰⴷ ⴰⵎⴻⵏⵏⵉ ⵏⴻⵛⵛ ⴰⴷ ⵙⵍⵉⵡⴻⵍⵡⴻⵖ ⵉ ⵙⵉⴷⵉ,

ⴰⴷ ⴼⴰⵔⵃⴻⵖ ⵥⵉ ⴰⵔⴻⴱⴱⵉ ⵏ ⵓⵙⴻⵏⵊⴻⵎ ⵉⵏⵓ.

19 ⵙⵉⴷⵉ, ⵙⵉⴷⵉ ⵉⵏⵓ, ⵏⴻⵜⵜⴰ ⴷ ⵊⵊⵀⴻⴷ ⵉⵏⵓ.

ⵏⴻⵜⵜⴰ ⵉⵜⵜⴻⴳⴳ ⵉⴹⴰⵔⴻⵏ ⵉⵏⵓ ⴼⵙⵓⵙⴻⵏ ⴰⵎ ⵉⴹⴰⵔⴻⵏ ⵏ ⵜⵓⴷⴰⴷⵉⵏ,

ⵓ ⵏⴻⵜⵜⴰ ⵉⵜⵜⴻⵊⵊⴰ ⴰⵢⵉ ⵚⵚⵓⵔⵓⴼⴻⵖ ⵅ ⵍⴻⴳⵄⵓⴷⵉ.

ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵥⴻⵏⵥⵓⵏ.