ⴰⵍⴰⵖⵉ ⵏ ⵃⵓⵛⵉⵄⴰ ⵉ ⵜⵜⵓⴱⴻⵜ
6
1 “ⴰⵙⴻⵎ-ⴷⴷ, ⴰⴷ ⴷⴷ-ⵏⴻⴷⵡⴻⵍ ⵖⴰⵔ ⵙⵉⴷⵉ, ⵎⴰⵖⴰⵔ ⵏⴻⵜⵜⴰ ⵉⵇⴻⵣⵣⴰⵔ, ⵎⴰⵛⴰ ⴰⴷ ⴰⵏⴻⵖ ⵉⵙⵙⴳⴻⵏⴼⴰ, ⵏⴻⵜⵜⴰ ⵉⵡⵜⴰ, ⵎⴰⵛⴰ ⴰⴷ ⴰⵏⴻⵖ ⵉⵛⴼⴻⵏ. 2 ⴰⵡⴰⵔⵏⵉ ⵜⵏⴰⵢⴻⵏ ⵏ ⵡⵓⵙⵙⴰⵏ ⴰⴷ ⴰⵏⴻⵖ ⵢⴰⵔⵔ ⵖⴰⵔ ⵜⵓⴷⴰⵔⵜ, ⴷⴻⴳ ⵡⴰⵙⵙ ⵡⵉⵙⵙ ⵜⵍⴰⵜⴰ ⴰⴷ ⴰⵏⴻⵖ ⵉⵙⵙⵏⴻⴽⴽⴰⵔ ⵓ ⵏⴻⵛⵛⵉⵏ ⴰⴷ ⵏⴻⴷⴷⴰⵔ ⵣⵣⴰⵜ ⵉ ⵡⵓⴷⴻⵎ ⵏⵏⴻⵙ. 3 ⵅⴻⵏⵏⵉ ⴰⴷ ⵏⴻⵙⵙⴻⵏ, ⴰⴷ ⵏⴻⴹⴼⴰⵔ ⵎⴰⵃⴻⵏⴷ ⴰⴷ ⵏⴻⵙⵙⴻⵏ ⵙⵉⴷⵉ. ⴰⴹⵀⴰⵔ ⵏⵏⴻⵙ ⵉⵎⵜⴻⵏ ⴰⵎ ⵜⵓⴼⴼⵓⵜ ⵏ ⵍⴻⴼⵊⴰⵔ. ⴰⴷ ⵖⴰⵔⵏⴻⵖ ⴷⴷ-ⵢⴰⵙ ⴰⵎ ⵡⴻⵏⵥⴰⵔ, ⴰⵎ ⵡⴻⵏⵥⴰⵔ ⵏ ⴰⵔⴱⵉⵄ ⵏⵏⵉ ⵉⵙⵙⴰⵔⴹⴰⴱⴻⵏ ⵜⴰⵎⵎⵓⵔⵜ.” □ ■ 4 “ⵎⵉⵏ ⴰⴽⵉⴷⴻⴽ ⵖⴰ ⴳⴳⴻⵖ, ⴰ ⵉⴼⵔⴰⵢⵉⵎ, ⵎⵉⵏ ⴰⴽⵉⴷⴻⴽ ⵖⴰ ⴳⴳⴻⵖ, ⴰ ⵢⴰⵀⵓⴷⴰ. ⵜⴰⵎⴻⵅⵙⵉⵡⵜ ⵏⵡⴻⵎ ⵉⵛⴻⵡⵡⴰⵔⴻⵏ ⵜᵉⵜⵜⴻⴳⴳ ⴰⵎ ⵓⵙⴻⵢⵏⵓ ⵖⴰⵔ ⵜⴻⴼⴼⵓⵜ ⵓ ⴰⵎ ⵏⵏⴷⴰ ⵉⴳⴻⵄⵄⴷⴻⵏ ⵓⵛⴰ ⵅⴻⵏⵏⵉ ⵉⵇⴻⵟⵟⴰ. 5 ⵅ ⵓⵢⴰ ⵏⴻⵛⵛ ⵇⴻⵙⵙⴻⵖ ⵜⴻⵏ ⵙ ⵜⵎⵉⵊⵊⴰ ⵏ ⵉⵏⴰⴱⵉⵢⵢⴻⵏ ⴰⵎ ⵙ ⵉⵊⵊ ⵏ ⵓⵢⴻⵍⵣⵉⵎ. ⵏⴻⵛⵛ ⵏⵖⵉⵖ ⵜⴻⵏ ⵙ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ. ⵍⴻⵃⴽⴰⵎⴰⵜ ⵅⴰⴽ ⴰⵎⴻⵛⵏⴰⵡ ⵜⴼⴰⵡⵜ ⵉⵏⵏⵓⴼⵙⵍⴻⵏ. 6 ⵎⵉⵏⵣⵉ ⵜⵜⴻⵅⵙⴻⵖ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ, ⵡⴰⵔ ⵉⴵⵉ ⵜⴰⵖⴰⵔⵚⵜ, ⵓ ⵜⵓⵙⵙⵏⴰ ⵏ ⵙⵉⴷⵉ ⵜⵜⴻⵅⵙⴻⵖ ⵜⵜ ⵅ ⵜⵖⴰⵔⵚⴰ ⵏ ⵡⴻⵛⵎⴰⴹ.” ■
7 “ⵏⵉⵜⵏⵉ ⵄⴻⴷⴷⴰⵏ ⵅ ⵍⵄⴰⵀⴷ ⴰⵎ ⴰⴷⴰⵎ. ⴷⵉⵏⵏⵉ ⵉ ⴷ ⴰⵢⵉ ⵖⴷⴰⵔⴻⵏ. ■ 8 ⵊⵉⵍⵄⴰⴷ ⴷ ⵉⵛⵜ ⵏ ⵜⴻⵏⴷⵉⵏⵜ ⵏ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ, ⵜⴻⵛⵛⵓⵔ ⵙ ⵉⴷⴰⵎⵎⴻⵏ. 9 ⴰⵎ ⵢⵉⵊⵊ ⵏ ⴱⴰⵏⴷⵉⵢⵢⴰ ⵏ ⵉⵅⴻⵡⵡⴰⵏⴻⵏ ⵉ ⵉⵜⵜⵔⴰⵊⴰⵏ ⵛⴰ ⵏ ⵢⵉⵊⵊⴻⵏ, ⴰⵎⵎⵓ ⵉ ⵜⴻⴵⴰ ⵜⴻⵔⴼⵉⵇⵜ ⵏ ⵉⴽⴻⵀⵀⴰⵏⴻⵏ. ⵏⵉⵜⵏⵉ ⵏⴻⵇⵇⴻⵏ ⴷⴻⴳ ⵡⴻⴱⵔⵉⴷ ⵉ ⴷⴷ ⵉⵜⵜⴰⵡⵢⴻⵏ ⵖⴰⵔ ⵛⴰⴽⵉⵎ, ⵎⴰⵖⴰⵔ ⵏⵉⵜⵏⵉ ⵜⵜⴻⴳⴳⴻⵏ ⵍⴻⴼⴹⴰⵢⴻⵃ ⵡⴰⵀⴰ. 10 ⵏⴻⵛⵛ ⵜⵜⵡⴰⵍⵉⵖ ⵜⴰⵎⴻⵙⵍⴰⵛⵜ ⵜⴻⵙⵙⵏⴻⵅⵍⴰⵄ ⴷⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ, ⵅⵣⴰⵔ, ⴼⴰⵔⵇ-ⵛⵛⵖⴻⵍ ⵏ ⵉⴼⵔⴰⵢⵉⵎ, ⵉⵙⵔⴰⵉⵍ ⵜⴻⵙⵙⴻⵅⵎⴻⵊ ⵉⵅⴻⴼ ⵏⵏⴻⵙ.”
11 “ⵡⴰⵅⵅⴰ ⴰⵎⴻⵏⵏⵉ, ⴰ ⵢⴰⵀⵓⴷⴰ, ⴰⵇⴰ ⵜⴻⵎⵎⴰⵔⵙ ⵉⵛⵜ ⵏ ⵚⵚⴰⴱⴻⵜ ⵉ ⵛⴻⴽ, ⵅⵎⵉ ⴷⴷ ⵖⴰ ⵙⵙⵄⴻⵇⴱⴻⵖ ⵉⵎⴻⵃⴱⴰⵙ ⵏ ⵍⴳⴻⵏⵙ ⵉⵏⵓ.”