ⵉⵥⴻⵀⵀⵉⴷⴻⵏ 149

1 ⵀⴰⵍⵍⵉⵍⵓ-ⵢⴰⵀ!

ⵖⴻⵏⵏⵊⴻⵎ ⵉⵊⵊ ⵏ ⵢⴻⵣⵍⵉ ⵏ ⵊⴷⵉⴷ ⵉ ⵙⵉⴷⵉ,

ⵙⵄⵓⴵⴻⵎ ⵜ ⴷⴻⴳ ⵡⴻⴳⵔⴰⵡ ⵏ ⵉⵎⵜⵉⵇⵇⴰⵏ ⵏⵏⴻⵙ.

2 ⴰⴷ ⵉⴼⴰⵔⵃ ⵉⵙⵔⴰⵉⵍ ⵣⴻⴳ ⵡⴻⵏⵏⵉ ⵜ ⵉⴳⴳⵉⵏ,

ⴰⴷ ⴰⵔⵛⵇⴻⵏ ⵉⵃⴻⵏⵊⵉⵔⴻⵏ ⵏ ⵚⵉⵀⵢⵓⵏ

ⵙ ⵓⵊⴻⴵⵉⴷ ⵏⵙⴻⵏ.   

3 ⴰⴷ ⵚⴻⴱⴱⵃⴻⵏ ⵏⵉⵜⵏⵉ ⵉⵙⴻⵎ ⵏⵏⴻⵙ

ⵙ ⵛⵛⴹⵉⵃ ⵙ ⵏⵏⵓⴱⵜⴰⵜ,

ⴰⴷ ⴰⵙ ⵣⴻⵀⵀⴷⴻⵏ ⵙ ⵓⴱⴻⵏⴷⵉⵔ ⴷ ⵍⴳⴰⵎⴱⵔⵉ,   

4 ⵎⴰⵖⴰⵔ ⵙⵉⴷⵉ ⵢⴰⵔⴹⴰ ⵅ ⵍⴳⴻⵏⵙ ⵏⵏⴻⵙ,

ⴰⴷ ⵢⴰⵡⵉ ⵛⵛⴰⵏ ⵉ ⵉⵎⵡⴰⴹⵄⴻⵏ ⵙ ⵡⴻⵏⵊⴰⵎ.

5 ⴰⴷ ⵙⵍⵉⵡⴻⵍⵡⴻⵏ ⵉⵎⵜⵉⵇⵇⴰⵏ

ⵙ ⵓⵡⴻⵇⵇⴰⵔ ⵢⵓⴵⵖⴻⵏ,

ⴻⵊⵊ ⵉ-ⵜⴻⵏ ⴰⴷ ⵙⵖⵓⵢⴻⵏ ⵙ ⵍⴻⴼⵔⴰⵃⴻⵜ

ⵣⴻⴳ ⵉⵎⵓⵛⴰⵏ ⵏⵙⴻⵏ ⵏ ⴰⵔⵔⴰⵃⴻⵜ.

6 ⵉⵣⵍⴰⵏ ⵏ ⵓⵄⵓⴵⵉ ⵉ ⴰⵔⴻⴱⴱⵉ

ⴷⴻⴳ ⵓⵇⴻⵎⵎⵓⵎ ⵏⵙⴻⵏ

ⵉⵊⵊ ⵏ ⵙⵙⵉⴼ ⵉⵇⴹⴻⵄ ⵙ ⵜⵏⴰⵢⴻⵏ ⵏ ⵡⵓⴷⵎⴰⵡⴻⵏ

ⴷⴻⴳ ⵓⴼⵓⵙ ⵏⵙⴻⵏ,   

7 ⵃⵉⵎⴰ ⴰⴷ ⵏⵜⴰⵇⵎⴻⵏ ⵣⵉ ⵍⴻⴳⵏⵓⵙ,

ⵃⵉⵎⴰ ⴰⴷ ⵄⴰⵇⴱⴻⵏ ⵛⵛⵓⵄⵓⴱ,

8 ⵃⵉⵎⴰ ⴰⴷ ⵛⴰⵔⴼⴻⵏ ⵉⵊⴻⴵⵉⴷⴻⵏ ⵏⵙⴻⵏ ⵙ ⵙⵙⵏⴰⵙⴻⵍ,

ⴰⵢⵜ ⵏ ⵜⴰⵚⵉⵍⴻⵜ ⵏⵙⴻⵏ ⵙ ⵙⵙⵏⴰⵙⴻⵍ ⵏ ⵡⵓⵣⵣⴰⵍ,   

9 ⵃⵉⵎⴰ ⴰⴷ ⵅⴰⵙⴻⵏ ⴳⴳⴻⵏ ⵍⵃⵓⴽⵎ ⵢⵓⵔⴰⵏ.

ⴷ ⵎⴰⵏ ⴰⵢⴰ ⴰⴷ ⵜⵉⵍⵉ ⴷ ⵍⵄⴰⴹⴰⵎⴰ

ⵏ ⵎⴰⵔⵔⴰ ⵉⵎⵜⵉⵇⵇⴰⵏ ⵏⵏⴻⵙ.

ⵀⴰⵍⵍⵉⵍⵓ-ⵢⴰⵀ.