ⵉⵥⴻⵀⵀⵉⴷⴻⵏ 122

1 ⵉⵣⵍⵉ ⵏ ⵓⴳⴻⵄⵄⴻⴷ. ⵏ ⴷⴰⵡⵓⴷ.

ⵏⴻⵛⵛ ⴼⴰⵔⵔⵃⴻⵖ ⵓⵎⵉ ⴷ ⴰⵢⵉ ⵏⵏⴰⵏ:

“ⵏⴻⵛⵛⵉⵏ ⴰⴷ ⵏⵓⵢⵓⵔ

ⵖⴰⵔ ⵜⴰⴷⴷⴰⵔⵜ ⵏ ⵙⵉⴷⵉ.

2 ⵉⴹⴰⵔⴻⵏ ⵏⵏⴻⵖ ⴱⴻⴷⴷⴻⵏ-ⴷⴷ

ⵖⴰⵔ ⵜⴻⵡⵡⵓⵔⴰ ⵏⵏⴻⵛ,

ⴰ ⵓⵔⵛⴰⵍⵉⵎ!”

3 ⵓⵔⵛⴰⵍⵉⵎ ⵜᵉⵜⵜⵡⴰⴱⵏⴰ ⴰⵎ ⵢⵉⵛⵜ ⵏ ⵜⴻⵏⴷⵉⵏⵜ

ⵏⵏⵉ ⵉⵜⵜⵡⴰⵛⴻⴱⴱⴰⵔⴻⵏ ⵎⵍⵉⵃ

ⴰⴽ-ⴷ ⵢⵉⵅⴻⴼ ⵏⵏⴻⵙ.

4 ⵖⴰⵔ ⴷⵉⵏⵏⵉ ⵜⵜⴳⴻⵄⵄⴰⴷⴻⵏⵜ ⵜⵇⴻⴱⴱⴰⵍ,

ⵜⵉⵇⴻⴱⴱⴰⵍ ⵏ ⵙⵉⴷⵉ,

ⵄⵍⴰⵃⵙⴰⴱ ⵍⴼⴰⵔⵉⴹⴰ ⵉ ⵉⵙⵔⴰⵉⵍ,

ⵃⵉⵎⴰ ⴰⴷ ⵇⴰⴷⴰⵏ ⵉⵙⴻⵎ ⵏ ⵙⵉⴷⵉ.

5 ⵎⴰⵖⴰⵔ ⴷⵉⵏⵏⵉ ⴱⴻⴷⴷⴻⵏ ⵍⴻⴽⵔⴰⵙⵉ ⵏ ⵛⵛⵔⴻⵄ

ⵍⴻⴽⵔⴰⵙⵉ ⵏ ⵜⴰⴷⴷⴰⵔⵜ ⵏ ⴷⴰⵡⵓⴷ.

6 ⵜⵜⴰⵔⴻⵎ ⵉ ⵍⴻⵀⵏⴰ ⵏ ⵓⵔⵛⴰⵍⵉⵎ:

“ⴰⵇⴰ ⴰⴷ ⴼⴻⵍⵃⴻⵏ ⵉⵏⵏⵉ ⵛⴻⵎ ⵉⵜⵜⴻⵅⵙⴻⵏ,

7 ⵃⵉⵎⴰ ⴰⴷ ⴷⵉⵏ ⵢⵉⵍⵉ ⵍⴻⵀⵏⴰ

ⵖⴰⵔ ⵍⵃⵉⴹ ⵏ ⵣⵣⴰⵜ ⵏⵏⴻⵎ,

ⵓⵍⴰ ⴷ ⵍⵀⵓⴷⵏⴻⵜ ⴷⵉ ⵍⴻⵇⵚⵓⵔ ⵏⵏⴻⵎ.”

8 ⴷⵉ ⵟⵟⵡⴻⵄ ⵏ ⴰⵢⵜⵎⴰ

ⴷ ⵉⵎⴻⴷⴷⵓⴽⴽⴰⵍ ⵉⵏⵓ ⴰⴷ ⵉⵏⵉⵖ:

“ⴰⴷ ⴷⴰⵢⴻⵎ ⵢⵉⵍⵉ ⵍⴻⵀⵏⴰ!”

9 ⴷⵉ ⵟⵟⵡⴻⵄ ⵏ ⵜⴰⴷⴷⴰⵔⵜ ⵏ ⵙⵉⴷⵉ,

ⴰⵔⴻⴱⴱⵉ ⵏⵏⴻⵖ,

ⴰⴷ ⴰⵛ ⴰⵔⵣⵓⵖ ⵅ ⵎⵉⵏ ⵉⵛⵏⴰⵏ.