ⵉⵥⴻⵀⵀⵉⴷⴻⵏ 120

1 ⵉⵣⵍⵉ ⵏ ⵓⴳⴻⵄⵄⴻⴷ.

ⵏⴻⵛⵛ ⵍⴰⵖⵉⵖ ⵖⴰⵔ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵉⵏⵓ

ⵓ ⵏⴻⵜⵜⴰ ⵉⵙⵍⴰ ⴰⵢⵉ.

2 ⴰ ⵙⵉⴷⵉ, ⴼⴻⴽⴽ ⵍⴻⵄⵎⴰⵔ ⵉⵏⵓ

ⵣⴻⴳ ⵉⵢⴻⵏⵛⵉⵛⴻⵏ ⵉⵙⵙⵅⴰⵔⵔⵉⵇⴻⵏ,

ⵣⴻⴳ ⵉⵍⴻⵙ ⵉⵛⴻⵎⵎⵜⴻⵏ.   

3 ⵎⵉⵏ ⴷ ⴰⵛ ⵉ ⵖⴰ ⵢⴻⵡⵛ,

ⵎⵉⵏ ⴷ ⴰⵛ ⵉ ⵖⴰ ⵢⴰⵔⵏⵉ ⵉⵍⴻⵙ

ⵏⵏⵉ ⵉⵛⴻⵎⵎⵜⴻⵏ?

4 ⴼⵍⵉⵜⵛⴰⵜ ⵏ ⵍⵇⴻⵡⵙ ⵇⴻⴹⵄⴻⵏⵜ

ⵣⴻⴳ ⵓⴼⵓⵙ ⵏ ⵉⵊⵊ ⵏ ⵓⵎⵊⴰⵀⴻⴷ,

ⴰⴽ-ⴷ ⵍⴻⴼⵃⴻⵎ ⵏ ⵜⵛⴻⵊⵊⴰⵔⵜ ⵏ ⵜⴰⴳⴳⴰ.   

5 ⵓⵛⵜ ⵉⵏⵓ, ⴰⵇⴰ ⵏⴻⵛⵛ ⴷ ⴰⴱⴰⵔⵔⴰⵏⵉ ⴷⵉ ⵎⴰⵛⵉⴽ,

ⴰⵇⴰ ⵣⴻⴷⴷⵖⴻⵖ ⵖⴰⵔ ⵉⵇⵉⴹⴰⵏ ⵏ ⵇⵉⴷⴰⵔ!

6 ⴰⵟⵟⴰⵙ ⵉ ⵉⵣⴷⴻⵖ ⵍⴻⵄⵎⴰⵔ ⵉⵏⵓ

ⵖⴰⵔ ⵢⵉⵏⵏⵉ ⵉⵛⴰⵔⵔⵀⴻⵏ ⵍⴻⵀⵏⴰ.

7 ⵏⴻⵛⵛ ⴷ ⴰⵀⴻⴷⴷⴰⵏ,

ⵎⴰⵛⴰ ⵅⵎⵉ ⵖⴰ ⵙⵙⵉⵡⵍⴻⵖ,

ⵅⴻⵏⵏⵉ ⴰⵔⴻⵣⵣⵓⵏ ⴰⵎⴻⵏⵖⵉ.