ⵉⵥⴻⵀⵀⵉⴷⴻⵏ 67

1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵣⴻⵏⵣⵓⵏ ⵅ ⵉⴼⵉⵍⴰⵏ. ⴰⵣⴻⵀⵀⴻⴷ. ⵉⵣⵍⵉ.

2 ⴰⴷ ⵅⴰⵏⴻⵖ ⵉⵃⵉⵏⵏ ⴰⵔⴻⴱⴱⵉ.

ⵏⴻⵜⵜⴰ ⵉⵜⵜⴻⵊⵊⴰ ⵓⴷⴻⵎ ⵏⵏⴻⵙ

ⴰⴷ ⵅⴰⵏⴻⵖ ⵢⴰⵔⵖ - ⵙⵉⵍⴰⵀ -   

3 ⵎⴰⵃⴻⵏⴷ ⴰⴷ ⵙⵙⵏⴻⵏ ⴰⴱⵔⵉⴷ ⵏⵏⴻⵛ

ⵅ ⵜⴻⵎⵎⵓⵔⵜ,

ⴰⴷ ⵙⵙⵏⴻⵏ ⴰⵙⴻⵏⵊⴻⵎ ⵏⵏⴻⵛ

ⵊⴰⵔ ⵎⴰⵔⵔⴰ ⵍⴻⴳⵏⵓⵙ!

4 ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ, ⴰ ⴰⵔⴻⴱⴱⵉ,

ⵎⴰⵔⵔⴰ ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ.

5 ⵍⴻⴳⵏⵓⵙ ⴰⴷ ⴼⴰⵔⵃⴻⵏ, ⴰⴷ ⵙⵍⵉⵡⴻⵍⵡⴻⵏ,

ⵎⴰⵖⴰⵔ ⵛⴻⴽ ⴰⴷ ⵜⵃⴻⴽⵎⴻⴷ

ⵅ ⵍⴻⴳⵏⵓⵙ ⵏⵉⵛⴰⵏ,

ⵛⴻⴽ ⴰⴷ ⵜⴻⵙⵙⵓⵢⵓⵔⴻⴷ ⵛⵛⵓⵄⵓⴱ

ⵅ ⵜⴻⵎⵎⵓⵔⵜ - ⵙⵉⵍⴰⵀ -

6 ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ, ⴰ ⴰⵔⴻⴱⴱⵉ,

ⵎⴰⵔⵔⴰ ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ.

7 ⵜⴰⵎⵎⵓⵔⵜ ⵜᵉⵜⵜⵉⵛ ⵍⵖⵉⴵⴻⵜ ⵏⵏⴻⵙ.

ⴰⵔⴻⴱⴱⵉ, ⴰⵔⴻⴱⴱⵉ ⵏⵏⴻⵖ,

ⴰⴷ ⴰⵏⴻⵖ ⵉⴱⴰⵔⴻⴽ.

8 ⴰⵔⴻⴱⴱⵉ ⴰⴷ ⴰⵏⴻⵖ ⵉⴱⴰⵔⴻⴽ

ⵓ ⵎⴰⵔⵔⴰ ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ

ⴰⴷ ⵣⵣⴰⵢⴻⵙ ⴳⴳⵯⴻⴷⴻⵏⵜ.