ⵉⵥⴻⵀⵀⵉⴷⴻⵏ 11

1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵏ ⴷⴰⵡⵓⴷ.

ⵖⴰⵔ ⵙⵉⴷⵉ ⴰⵔⴻⴽⴽⵡⴰⵍⴻⵖ.

ⵎⴰⵎⵎⴻⵛ ⵜⴻⵇⵇⴰⵔⴻⵎ ⵉ ⵍⴻⵄⵎⴰⵔ ⵉⵏⵓ:

“ⴹⵡⵓ ⵖⴰⵔ ⵡⴻⴷⵔⴰⵔ ⵏⵡⴻⵎ, ⴰ ⵉⵊⴹⴰⴹ!”   

2 ⵎⴰⵖⴰⵔ ⵅⵣⴰⵔ,

ⵉⵄⴻⴼⴼⴰⵏⴻⵏ ⴰⵇⴰ ⵎⴻⵃⵃⴹⴻⵏ ⵍⵇⴻⵡⵙ,

ⵙⵙⵔⵓⵙⴰⵏ ⴼⵍⵉⵜⵛⴰⵜ ⵏⵙⴻⵏ ⵖⴰⵔ ⵓⴼⵉⵍⵓ,

ⵃⵉⵎⴰ ⴰⴷ ⵡⵜⴻⵏ ⴷⵉ ⵜⴰⴵⴻⵙⵜ

ⴷⴻⴳ ⵉⵏⵏⵉ ⵓⵎⵉ ⵉⵙⴻⴳⴳⴻⴷ ⵡⵓⵍ.

3 ⵡⴰⵀ, ⴷⵙⵓⵙⴰ ⵏ ⴷⴷⵓⵏⴻⵛⵜ ⵜⵜⵡⴰⵔⴻⴷⴷⴵⴻⵏ!

ⵎⵉⵏ ⵉⵣⴻⵎⵎⴰⵔ ⵅⴻⵏⵏⵉ ⴰⴷ ⵢⴻⴳⴳ ⵓⵎⵙⴻⴳⴳⴻⴷ?

4 ⵙⵉⴷⵉ ⵉⵣⴻⴷⴷⴻⵖ

ⴷⵉ ⵣⵣⴰⵡⴻⵛⵜ ⵏⵏⴻⵙ ⵜⴰⵎⴻⵇⵇⵔⴰⵏⵜ ⵉⵇⴻⴷⴷⵙⴻⵏ,

ⵍⵄⴰⵔⵛ ⵏ ⵙⵉⴷⵉ ⴰⵇⴰ-ⵜ ⴷⴻⴳ ⵉⵊⴻⵏⵡⴰⵏ.

ⵜⵉⵟⵟⴰⵡⵉⵏ ⵏⵏⴻⵙ ⵜⵜⵡⴰⵍⴰⵏⵜ,

ⵍⵅⴻⵣⵔⴰⵜ ⵏⵏⴻⵙ ⴰⵔⴻⵣⵣⵓⵏⵜ ⴷⵉ ⵜⴰⵔⵡⴰ ⵏ ⴱⵏⴰⴷⴻⵎ.

5 ⵙⵉⴷⵉ ⵉⵜⵜⴱⴻⵇⵇⴻⵛ ⴰⵎⵙⴻⴳⴳⴻⴷ,

ⵎⴰⵛⴰ ⵍⴻⵄⵎⴰⵔ ⵏⵏⴻⵙ ⵉⵜⵜⵄⵉⴼⴼⴰ ⴰⵄⴻⴼⴼⴰⵏ

ⴷ ⵡⴻⵏⵏⵉ ⵉⵜⵜⴻⵅⵙⴻⵏ ⵍⵄⵓⵏⴼ.

6 ⵏⴻⵜⵜⴰ ⴰⴷ ⵉⵡⵡⴻⵜ ⵉⵄⴻⴼⴼⴰⵏⴻⵏ

ⵙ ⵉⵊⵊ ⵏ ⵡⴻⵏⵥⴰⵔ ⵏ ⵍⴻⴼⵅⵓⵅ,

ⵜⵉⵎⴻⵙⵙⵉ ⴷ ⵍⴻⵛⴱⴰⵔⵉⵢⵢⴻⵜ

ⴷ ⵜⵃⴰⵔⵢⴰⴹⵜ ⵜⴰⵎⴻⵇⵇⵔⴰⵏⵜ

ⴰⴷ ⵉⵍⵉⵏⵜ ⴷ ⵜⴰⵙⵖⴰⵔⵜ ⵏ ⵍⴽⴰⵙ ⵏⵙⴻⵏ.

7 ⵎⵉⵏⵣⵉ ⵙⵉⴷⵉ ⴷ ⴰⵎⵙⴻⴳⴳⴻⴷ,

ⵉⵜⵜⴻⵅⵙ ⵜⵉⵎⴻⴳⴳⴰ ⵉⵙⴻⴳⴳⴷⴻⵏ.

ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ

ⴰⴷ ⵥⴰⵔⴻⵏ ⵓⴷⴻⵎ ⵏⵏⴻⵙ.