ⵉⵥⴻⵀⵀⵉⴷⴻⵏ 2

1 ⵎⴰⵢⴻⵎⵎⵉ ⵜⵜⵀⴰⵊⴻⵏ ⵍⴻⴳⵏⵓⵙ,

ⵜⵜⵅⴰⵔⵔⵉⵚⴻⵏ ⵛⵛⵓⵄⵓⴱ ⴷⵉ ⵍⴱⴰⵟⴻⵔ?   

2 ⴽⴽⴰⵔⴻⵏ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ,

ⴰⵢⵜ ⵏ ⴱⵓ-ⵚⵚⵓⵍⵟⴰ ⵎⵛⴰⵡⴰⵔⴻⵏ ⴹⵉⴷⴷ ⵉ ⵙⵉⴷⵉ,

ⵓ ⴹⵉⴷⴷ ⵉ ⵍⵎⴰⵙⵉⵃ ⵏⵏⴻⵙ:

3 ‘ⴻⵊⵊ ⴰⵏⴻⵖ ⴰⴷ ⵏⵇⴻⵙⵙ ⵉⵛⴻⴷⴷⵉⵢⵢⴻⵏ ⵏⵙⴻⵏ,

ⴰⴷ ⵅⴰⵏⴻⵖ ⵏⴻⵙⵙⴱⴻⵄⵄⴻⴷ ⵜⵉⵙⴻⵖⵡⵉⵏ ⵏⵙⴻⵏ!’

4 ⵡⴻⵏⵏⵉ ⵉⵥⴻⴷⴷⵖⴻⵏ ⴷⴻⴳ ⵓⵊⴻⵏⵏⴰ, ⵉⴹⴻⵃⵃⴻⵛ,

ⵙⵉⴷⵉ ⵉⵏⵓ ⴰⴷ ⵥⵥⴰⵢⵙⴻⵏ ⵉⵙⵙⵜⴻⵀⵥⴰ.

5 ⵅⴻⵏⵏⵉ ⴰⴷ ⴽⵉⴷⵙⴻⵏ ⵉⵙⵙⵉⵡⴻⵍ ⵙ ⵡⴻⵖⴹⴰⴱ ⵏⵏⴻⵙ,

ⵙ ⵍⵃⴰⴷⵓⵇ ⵏ ⵡⴻⵖⴹⴰⴱ ⵏⵏⴻⵙ ⴰⴷ ⵜⴻⵏ ⵉⵙⵙⵉⴳⴳⵯⴻⴷ.

6 ‘ⵏⴻⵛⵛ ⴰⵇⴰ ⴷⴻⵀⵏⴻⵖ ⴰⵊⴻⴵⵉⴷ ⵉⵏⵓ,

ⵅ ⵚⵉⵀⵢⵓⵏ, ⴰⴷⵔⴰⵔ ⵉⵏⵓ ⵉⵇⴻⴷⴷⵙⴻⵏ!’

7 ⵏⴻⵛⵛ ⴰⴷ ⴱⴰⵔⵔⵃⴻⵖ ⵜⵉⴽⴽⴻⵙⵜ ⵏ ⵡⴰⵡⴰⵍ!

ⵙⵉⴷⵉ ⵉⵏⵏⴰ ⴰⵢⵉ

“ⵛⴻⴽ ⴷ ⵎⵎⵉ, ⴰⵙⵙ-ⴰ ⵊⵊⵉⵖ-ⴷⴷ ⵛⴻⴽ!”   

8 ⵜⵜⴰⵔ ⵥⵥⴰⵢⵉ ⵓ ⵏⴻⵛⵛ ⴰⴷ ⴰⵛ ⵡⵛⴻⵖ ⵍⴻⴳⵏⵓⵙ ⴷ ⵍⵡⴰⵔⵜ,

ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ ⴰⴷ ⵖⴰⵔⴻⴽ ⵉⵍⵉⵏⵜ ⴷ ⴰⴳⵍⴰ ⵉ ⵛⴻⴽ.   

9 ⴰⴷ ⵜⴻⵏ ⵜⵍⴻⴱⵥⴻⴷ ⵙ ⵢⵉⵊⵊ ⵏ ⵡⴻⵇⴹⵉⴱ ⵏ ⵡⵓⵥⵥⴰⵍ,

ⴰⴷ ⵜⴻⵏ ⵜⴰⵔⵥⵉⴷ ⴷ ⵜⴰⵔⴻⵥⵥⵉⵜ ⴰⵎⴻⵛⵏⴰⵡ ⵉⵊⵊ ⵏ ⵓⵖⴰⵔⵔⴰⴼ ⵏ ⵜⵍⴰⵅⵜ.   

10 ⵍⴻⵅⵅⵓ ⵅⴻⵏⵏⵉ, ⴰ ⵉⵊⴻⴵⵉⴷⴻⵏ, ⵉⵍⵉⵎ ⴷ ⵉⴼⴻⵀⵀⴰⵎⴻⵏ,

ⵜⴻⴱⴱⵜⴻⵎ ⵉⵅⴻⴼ ⵏⵡⴻⵎ, ⴰ ⵍⵇⵓⴹⴰⵜ ⵏ ⵜⴻⵎⵎⵓⵔⵜ!   

11 ⵙⴻⵅⵅⴰⵔⴻⵎ ⵉ ⵙⵉⴷⵉ ⵙ ⵜⴻⴳⴳⵯⵓⴷⵉ,

ⴼⴰⵔⵃⴻⵎ ⵙ ⵜⴰⵔⵊⵉⵊⴻⵜ.

12 ⵙⵓⴷⵎⴻⵎ ⵎⵎⵉⵙ, ⵃⵉⵎⴰ ⵏⴻⵜⵜⴰ ⵡⴰⵔ ⵉⵙⴻⵄⵄⴰⵔ,

ⵓ ⴰⴷ ⵜᵉⵜⵜⵡⴰⵀⴻⵍⵍⴽⴻⵎ ⴷⴻⴳ ⵡⴻⴱⵔⵉⴷ,

ⵡⴰⵅⵅⴰ ⵉⵜⵜⵡⴰⵙⴰⵔⵖⴻⵖ ⵡⴻⵖⴹⴰⴱ ⵏⵏⴻⵙ ⵎⵖⵉⵔ ⴷⵔⵓⵙ ⵡⴰⵀⴰ.

ⵙⵙⴻⵄⴷ ⵏⵙⴻⵏ ⵉ ⵢⵉⵏⵏⵉ ⵖⴰⵔⴻⵙ ⴷⴷ-ⵢⴰⵔⴻⵡⵍⴻⵏ.