ⴰⵢⵓⴱ 25

ⵍⵃⴰⵔⴹ ⵡⵉⵙⵙ ⵜⵍⴰⵜⴰ ⵏ ⴱⵉⵍⴷⴰⴷ

1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴱⵉⵍⴷⴰⴷ, ⵉ ⴷⴷ-ⵢⵓⵙⵉⵏ ⵣⵉ ⵛⵓⵃⴰ, ⵉⵏⵏⴰ:

2 ⵚⵚⵓⵍⵟⴰ ⴷ ⵊⵊⴻⵀⴷ ⵉⵙⵙⴰⴳⴳⵯⴰⴷⴻⵏ 

ⴰⵇⴰ ⴰⵜⴻⵏ ⵖⴰⵔⴻⵙ,

ⵏⴻⵜⵜⴰ ⵉⵜⵜⴻⴳⴳ ⵍⴻⵀⵏⴰ ⴷⵉ ⵍⵓⵄⵍⴰ ⵏⵏⴻⵙ.

3 ⵎⴰ ⵉⵣⴻⵎⵎⴰⵔ ⴰⴷ ⵃⴻⵙⴱⴻⵏ

ⵎⴻⵛⵃⴰⵍ ⵉ ⵖⴰⵔⴻⵙ ⵏ ⵍⵄⴻⵙⴽⴰⵔ?

ⵅ ⵎⴰⵏ ⵡⴰⵔ ⵜᵉⵜⵜⴳⴻⵄⵄⴻⴷ ⵜⴼⴰⵡⵜ ⵏⵏⴻⵙ?

4 ⵎⴰⵎⵎⴻⵛ ⵅⴻⵏⵏⵉ ⵉⵣⴻⵎⵎⴰⵔ ⴱⵏⴰⴷⴻⵎ

ⴰⴷ ⵢⵉⵍⵉ ⴷ ⴰⵎⵙⴻⴳⴳⴻⴷ ⵣⵣⴰⵜ ⵉ ⴰⵔⴻⴱⴱⵉ,

ⵎⴰⵎⵎⴻⵛ ⵉⵣⴻⵎⵎⴰⵔ

ⵡⴻⵏⵏⵉ ⴷⴷ-ⵉⵜⵜⵡⴰⵔⵡⴻⵏ ⵣⵉ ⵜⴻⵎⵖⴰⵔⵜ

ⴰⴷ ⵢⵉⵍⵉ ⴷ ⴰⵎⴻⵣⴷⴰⴳ?   

5 ⵅⵣⴰⵔ, ⵄⴰⴷ ⵜⴰⵣⵉⵔⵉ ⵙⵉⵎⴰⵏⵜ ⵏⵏⴻⵙ

ⵡⴰⵔ ⵜᵉⵜⵜⵡⴻⵙⵙⴻⴳ ⵙ ⵍⴻⵚⴼⴰⵢⴻⵜ,

ⵉⵜⵔⴰⵏ ⵡⴰⵔ ⵚⴼⵉⵏ ⴷⵉ ⵜⵉⵟⵟⴰⵡⵉⵏ ⵏⵏⴻⵙ.   

6 ⴰⵀⵜⴰ ⵄⴰⴷ ⴱⵏⴰⴷⴻⵎ, ⵡⴻⵏⵏⵉ ⴷ ⴰⵡⴻⴽⴽⵉ,

ⵓ ⵎⵎⵉⵙ ⵏ ⴱⵏⴰⴷⴻⵎ, ⵡⴻⵏⵏⵉ ⴷ ⴰⴽⴻⵛⵛⴰⵡ.