ⵜⴻⵏⵄⴰⵛ ⵏ ⵉⵃⴻⵏⵊⵉⵔⴻⵏ ⵏ ⵉⵙⵔⴰⵉⵍ
2
1 ⵉⵏⴰ ⵜⵓⵖⴰ ⴰⵜⴻⵏ ⴷ ⴰⵢⵜ ⵏ ⵉⵙⵔⴰⵉⵍ: ⵔⵓⴱⵉⵏ, ⵛⵉⵎⵄⵓⵏ, ⵍⴰⵡⵉ ⴷ ⵢⴰⵀⵓⴷⴰ, ⵉⵙⵙⴰⴽⴰⵔ ⴷ ⵣⴰⴱⵓⵍⵓⵏ, 2 ⴷⴰⵏ, ⵢⵓⵙⵓⴼ ⴷ ⴱⵉⵏⵢⴰⵎⵉⵏ, ⵏⴰⴼⵜⴰⵍⵉ, ⵊⴰⴷ ⴷ ⴰⵛⵉⵔ.3 ⴰⵔⵔⴰⵡⴻⵏ ⵏ ⵢⴰⵀⵓⴷⴰ ⵜⵓⵖⴰ ⴰⵜⴻⵏ ⴷ ⵄⵉⵔ ⴷ ⵓⵏⴰⵏ ⴷ ⵛⴰⵢⵍⴰ. ⴰⵇⴰ ⵜⵍⴰⵜⴰ-ⵢⴰ ⵜⵜⵡⴰⵔⵡⴻⵏ ⴰⵙ-ⴷⴷ ⵣⴻⴳ ⵢⴻⴵⵉⵙ ⵏ ⵛⵓⵄⴰ, ⵜⴰⴽⴻⵏⵄⴰⵏⵉⵜ. ⵄⵉⵔ, ⴰⵎⴻⵏⵣⵓ ⵏ ⵢⴰⵀⵓⴷⴰ, ⵜⵓⵖⴰ ⴷ ⴰⵄⴻⴼⴼⴰⵏ ⴷⵉ ⵜⵉⵟⵟⴰⵡⵉⵏ ⵏ ⵙⵉⴷⵉ. ⵙ ⵓⵢⴻⵏⵏⵉ ⵉⵏⵖⴰ ⵉ-ⵜ.
4 ⵜⴰⵎⴰⵔ, ⵜⴰⵙⵍⵉⵜ ⵏⵏⴻⵙ, ⵜⵓⵔⵓⵡ ⴰⵙ-ⴷⴷ ⴼⴰⵔⵉⵚ ⴷ ⵣⴰⵔⴰⵃ. ⵢⴰⵀⵓⴷⴰ ⵜⵓⵖⴰ ⵖⴰⵔⴻⵙ ⵙ ⵎⴰⵔⵔⴰ ⵅⴻⵎⵙⴰ ⵏ ⵡⴰⵔⵔⴰⵡⴻⵏ.
5 ⴰⵔⵔⴰⵡⴻⵏ ⵏ ⴼⴰⵔⵉⵚ ⵜⵓⵖⴰ ⴰⵜⴻⵏ ⴷ ⵃⴰⵚⵔⵓⵏ ⴷ ⵃⴰⵎⵓⵍ.
6 ⴰⵔⵔⴰⵡⴻⵏ ⵏ ⵣⴰⵔⴰⵃ ⵜⵓⵖⴰ ⴰⵜⴻⵏ ⴷ ⵣⵉⵎⵔⵉ, ⵉⵜⴰⵏ, ⵀⴰⵢⵎⴰⵏ, ⴽⴰⵍⴽⵓⵍ ⴷ ⴷⴰⵔⴰⵄ. ⵙ ⵎⴰⵔⵔⴰ ⵅⴻⵎⵙⴰ.
7 ⴰⵔⵔⴰⵡⴻⵏ ⵏ ⴽⴰⵔⵎⵉ ⵜⵓⵖⴰ ⴰⵜⴻⵏ ⴷ ⵄⴰⵅⴰⵔ, ⵡⴻⵏⵏⵉ ⵉⵖⴻⴹⵍⴻⵏ ⵉⵙⵔⴰⵉⵍ ⴷⵉ ⵍⴻⵖⴱⴻⵏ, ⵎⵉⵏⵣⵉ ⵉⴳⴳⴰ ⵙ ⵍⴻⵖⴷⴰⵔ ⴰⴽ-ⴷ ⵎⵉⵏ ⵜⵓⵖⴰ ⵉⵜⵜⵡⴰⵃⴰⵔⵔⵎⴻⵏ ⵉ ⵓⵜⴻⵃⵃⵉ.
8 ⴰⵔⵔⴰⵡⴻⵏ ⵏ ⵉⵜⴰⵏ: ⵎⵖⵉⵔ ⵄⴰⵣⴰⵔⵢⴰ.
9 ⴰⵔⵔⴰⵡⴻⵏ ⵏ ⵃⴰⵚⵔⵓⵏ ⵉⵏⵏⵉ ⴷ ⴰⵙ ⴷⴷ-ⵉⵜⵜⵡⴰⵔⵡⴻⵏ ⵜⵓⵖⴰ ⴰⵜⴻⵏ ⴷ ⵢⴰⵔⵃⴰⵎ’ⵉⵍ ⴷ ⵔⴰⵎ ⴷ ⴽⴰⵍⵓⴱⴰⵢ.
10 ⵔⴰⵎ ⵉⵊⵊⴰ-ⴷⴷ ⵄⴰⵎⵎⵉⵏⴰⴷⴰⴱ.
ⵄⴰⵎⵎⵉⵏⴰⴷⴰⴱ ⵉⵊⵊⴰ-ⴷⴷ ⵏⴰⵃⵛⵓⵏ, ⵍⵃⴰⴽⴻⵎ ⵏ ⴰⵢⵜ ⵏ ⵢⴰⵀⵓⴷⴰ.
11 ⵏⴰⵃⵛⵓⵏ ⵉⵊⵊⴰ-ⴷⴷ ⵙⴰⵍⵎⵓ.
ⵙⴰⵍⵎⵓ ⵉⵊⵊⴰ-ⴷⴷ ⴱⵓⵄⴰⵣ.
12 ⴱⵓⵄⴰⵣ ⵉⵊⵊⴰ-ⴷⴷ ⵄⵓⴱⵉⴷ.
ⵄⵓⴱⵉⴷ ⵉⵊⵊⴰ-ⴷⴷ ⵢⴰⵙⵙⴰ.
13 ⵢⴰⵙⵙⴰ ⵉⵊⵊⴰ-ⴷⴷ ⵉⵍⵉⵢⴰⴱ, ⴰⵎⴻⵏⵣⵓ ⵏⵏⴻⵙ, ⵡⵉⵙⵙ ⵜⵏⴰⵢⴻⵏ ⴰⴱⵉⵏⴰⴷⴰⴱ, ⵡⵉⵙⵙ ⵜⵍⴰⵜⴰ ⵛⵉⵎⵄⴰ, 14 ⵡⵉⵙⵙ ⴰⵔⴻⴱⵄⴰ ⵏⴰⵜⴰⵏⴰⵢⵉⵍ, ⵡⵉⵙⵙ ⵅⴻⵎⵙⴰ ⵔⴰⴷⴷⴰⵢ, 15 ⵡⵉⵙⵙ ⵙⴻⵜⵜⴰ ⵓⵚⴰⵎ ⴷ ⵡⵉⵙⵙ ⵙⴻⴱⵄⴰ ⴷⴰⵡⵓⴷ.
16 ⵙⵓⵢᵉⵜⵎⴰⵜⵙⴻⵏ ⵜⵓⵖⴰ ⴰⵜⴻⵏ ⴷ ⵚⴰⵔⵓⵢⴰ ⴷ ⴰⴱⵉⵊⴰⵢⵉⵍ.
ⴰⵔⵔⴰⵡⴻⵏ ⵏ ⵚⴰⵔⵓⵢⴰ ⵜⵓⵖⴰ ⴰⵜⴻⵏ ⴷ ⴰⴱⵉⵛⴰⵢ ⴷ ⵢⵓⵡⴰⴱ ⴷ ⵄⴰⵙⴰ’ⵉⵍ, ⵜⵍⴰⵜⴰ ⵏ ⵡⴰⵔⵔⴰⵡⴻⵏ.
17 ⴰⴱⵉⵊⴰⵢⵉⵍ ⵜⵓⵔⵓⵡ-ⴷⴷ ⵄⴰⵎⴰⵙⴰ ⵓ ⴱⴰⴱⴰⵙ ⵏ ⵄⴰⵎⴰⵙⴰ ⵜⵓⵖⴰ-ⵜ ⴷ ⵢⴰⵜⵔⵓ, ⵡⴻⵏⵏⵉ ⴷ ⴰⵙⵎⴰⵄⵉⵍⵉ.
18 ⴽⴰⵍⵉⴱ, ⵎⵎⵉⵙ ⵏ ⵃⴰⵚⵔⵓⵏ, ⵉⵊⵊⴰ-ⴷⴷ ⴰⴽ-ⴷ ⵄⴰⵣⵓⴱⴰ, ⵜⴰⵎⵖⴰⵔⵜ ⵏⵏⴻⵙ, ⵢⴻⴵⵉⵙ ⵢⴰⵔⵉⵄⵓⵜ.
ⴷ ⵉⵏⴰ ⵜⵓⵖⴰ ⴰⵜⴻⵏ ⴷ ⴰⵔⵔⴰⵡⴻⵏ ⵏⵏⴻⵙ: ⵢⴰⵛⴰⵔ, ⵛⵓⴱⴰⴱ ⴷ ⴰⵔⴷⵓⵏ.
19 ⵓⵎⵉ ⵉⵎⵎⵓⵜ ⵄⴰⵣⵓⴱⴰ, ⵢⵉⵡⵉ ⴽⴰⵍⵉⴱ ⵉⴼⵔⴰⵜⴰ ⴷ ⵜⴰⵎⵖⴰⵔⵜ ⵉ ⵢⵉⵅⴻⴼ ⵏⵏⴻⵙ ⵓ ⵏⴻⵜⵜⴰⵜ ⵜⵓⵔⵓⵡ ⴰⵙ-ⴷⴷ ⵃⵓⵔ.
20 ⵃⵓⵔ ⵉⵊⵊⴰ-ⴷⴷ ⵓⵔⵉ ⵓ ⵓⵔⵉ ⵉⵊⵊⴰ-ⴷⴷ ⴱⴰⵚⴰⵍⵢⵉⵍ.
21 ⴰⵡⴰⵔⵏⵉ ⴰⵙ ⵢⵓⴷⴻⴼ ⵃⴰⵚⵔⵓⵏ ⵅ ⵢⴻⴵⵉⵙ ⵏ ⵎⴰⵅⵉⵔ, ⴱⴰⴱⴰⵙ ⵏ ⵊⵉⵍⵄⴰⴷ, ⵓ ⵏⴻⵜⵜⴰ ⵢⵉⵡⵢⵉ ⵜⵜ ⴷ ⵜⴰⵎⵖⴰⵔⵜ ⵓⵎⵉ ⵖⴰⵔⴻⵙ ⵜⵓⵖⴰ ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ ⵓ ⵏⴻⵜⵜⴰⵜ ⵜⵓⵔⵓⵡ ⴰⵙ-ⴷⴷ ⵙⴰⵊⵓⴱ.
22 ⵙⴰⵊⵓⴱ ⵉⵊⵊⴰ-ⴷⴷ ⵢⴰ’ⵉⵔ. ⵏⴻⵜⵜⴰ ⵜⵓⵖⴰ ⵖⴰⵔⴻⵙ ⵜⵍⴰⵜⴰ ⵓ-ⵄⵉⵛⵔⵉⵏ ⵏ ⵜⵏⴻⴷⴷⴰⵎ ⴷⵉ ⵜⴻⵎⵎⵓⵔⵜ ⵏ ⵊⵉⵍⵄⴰⴷ.
23 ⵊⴰⵛⵓⵔ ⴰⴽ-ⴷ ⴰⵔⴰⵎ ⵉⴽⴽⴻⵙ ⵣⵣⴰⵢⵙⴻⵏ ⴷⵛⵓⵔⴰⵜ ⵏ ⵢⴰ’ⵉⵔ, ⵓⵍⴰ ⴷ ⵇⴰⵏⴰⵜ ⴷ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ, ⵙ ⵎⴰⵔⵔⴰ ⵙⴻⵜⵜⵉⵏ ⵏ ⵜⵏⴻⴷⴷⴰⵎ.
ⵉⵏⴰ ⵎⴰⵔⵔⴰ ⵜⵓⵖⴰ ⴰⵜⴻⵏ ⴷ ⴰⵔⵔⴰⵡⴻⵏ ⵏ ⵎⴰⵅⵉⵔ, ⴱⴰⴱⴰⵙ ⵏ ⵊⵉⵍⵄⴰⴷ. ■
24 ⴰⵡⴰⵔⵏⵉ ⵍⵎⴻⵡⵜ ⵏ ⵃⴰⵚⵔⵓⵏ ⴷⵉ ⴽⴰⵍⵉⴱ-ⵉⴼⵔⴰⵜⴰ, ⵜⵓⵔⵓⵡ ⴰⵙ-ⴷⴷ ⴰⴱⵉⵢⴰ, ⵜⴰⵎⵖⴰⵔⵜ ⵏ ⵃⴰⵚⵔⵓⵏ, ⴰⵛⵃⵓⵔ, ⴱⴰⴱⴰⵙ ⵏ ⵜⴰⵇⵓⵄⴰ.
25 ⴰⵔⵔⴰⵡⴻⵏ ⵏ ⵢⴰⵔⵃⴰⵎ’ⵉⵍ, ⴰⵎⴻⵏⵣⵓ ⵏ ⵃⴰⵚⵔⵓⵏ, ⵜⵓⵖⴰ ⴰⵜⴻⵏ ⴷ ⵔⴰⵎ, ⴰⵎⴻⵏⵣⵓ, ⵅⴻⵏⵏⵉ ⴱⵓⵏⴰ, ⴰⵡⵔⴰⵏ, ⵓⵚⴰⵎ ⴷ ⴰⵅⵉⵢⴰ.
26 ⵢⴰⵔⵃⴰⵎ’ⵉⵍ ⵜⵓⵖⴰ ⵖⴰⵔⴻⵙ ⵄⴰⴷ ⵉⵛⵜ ⵏ ⵜⴻⵎⵖⴰⵔⵜ ⵏⵏⴻⵖⵏⵉⵜ, ⵇⵇⴰⵔⴻⵏ ⴰⵙ ⴰⵟⴰⵔⴰ. ⵏⴻⵜⵜⴰⵜ ⵜⵓⵖⴰ ⴷ ⵢⴻⵎⵎⴰⵙ ⵏ ⵓⵏⴰⵎ.
27 ⴰⵔⵔⴰⵡⴻⵏ ⵏ ⵔⴰⵎ, ⴰⵎⴻⵏⵣⵓ ⵏ ⵢⴰⵔⵃⴰⵎ’ⵉⵍ, ⵜⵓⵖⴰ ⴰⵜⴻⵏ ⴷ ⵎⴰⵄⴰⵚ ⴷ ⵢⴰⵎⵉⵏ ⴷ ⵄⴰⵇⴰⵔ.
28 ⴰⵔⵔⴰⵡⴻⵏ ⵏ ⵓⵏⴰⵎ ⵜⵓⵖⴰ ⴰⵜⴻⵏ ⴷ ⵛⴰⵎⵎⴰⵢ ⴷ ⵢⴰⴷⴰⵄ.
ⴰⵔⵔⴰⵡⴻⵏ ⵏ ⵛⴰⵎⵎⴰⵢ ⵜⵓⵖⴰ ⴰⵜⴻⵏ ⴷ ⵏⴰⴷⴰⴱ ⴷ ⴰⴱⵉⵛⵓⵔ.
29 ⵜⴰⵎⵖⴰⵔⵜ ⵏ ⴰⴱⵉⵛⵓⵔ ⵇⵇⴰⵔⴻⵏ ⴰⵙ ⴰⴱⵉⵃⴰⵢⵉⵍ. ⵏⴻⵜⵜⴰⵜ ⵜⵓⵔⵓⵡ ⴰⵙ-ⴷⴷ ⴰⵃⴱⴰⵏ ⴷ ⵎⵓⵍⵉⴷ.
30 ⴰⵔⵔⴰⵡⴻⵏ ⵏ ⵏⴰⴷⴰⴱ ⵜⵓⵖⴰ ⴰⵜⴻⵏ ⴷ ⵙⴰⵍⴰⴷ ⴷ ⴰⴼⴼⴰⵢⵉⵎ.
ⵙⴰⵍⴰⴷ ⵉⵎⵎⵓⵜ ⴱⵍⴰ ⴰⵔⵔⴰⵡⴻⵏ.
31 ⴰⵔⵔⴰⵡⴻⵏ ⵏ ⴰⴼⴼⴰⵢⵉⵎ: ⵎⵖⵉⵔ ⵢⵉⵛⵄⵉ.
ⴰⵔⵔⴰⵡⴻⵏ ⵏ ⵢⵉⵛⵄⵉ: ⵎⵖⵉⵔ ⵛⵉⵛⴰⵏ.
ⴰⵔⵔⴰⵡⴻⵏ ⵏ ⵛⵉⵛⴰⵏ: ⵎⵖⵉⵔ ⵉⵛⵜ ⵏ ⵢⴻⴵⵉⵙ, ⴰⵃⵍⴰⵢ.
32 ⴰⵔⵔⴰⵡⴻⵏ ⵏ ⵢⴰⴷⴰⵄ, ⵓⵎⴰⵙ ⵏ ⵛⴰⵎⵎⴰⵢ, ⵜⵓⵖⴰ ⴰⵜⴻⵏ ⴷ ⵢⴰⵜⵔⵓ ⴷ ⵢⵓⵏⴰⵜⴰⵏ.
ⵢⴰⵜⵔⵓ ⵉⵎⵎⵓⵜ ⴱⵍⴰ ⴰⵔⵔⴰⵡⴻⵏ.
33 ⴰⵔⵔⴰⵡⴻⵏ ⵏ ⵢⵓⵏⴰⵜⴰⵏ ⵜⵓⵖⴰ ⴰⵜⴻⵏ ⴷ ⴼⴰⵍⴰⵜ ⴷ ⵣⴰⵣⴰ.
ⵉⵏⴰ ⵜⵓⵖⴰ ⴰⵜⴻⵏ ⴷ ⴰⵔⵔⴰⵡⴻⵏ ⵏ ⵢⴰⵔⵃⴰⵎ’ⵉⵍ.
34 ⵛⵉⵛⴰⵏ ⵜⵓⵖⴰ ⵡⴰⵔ ⵖⴰⵔⴻⵙ ⴱⵓ ⵡⴰⵔⵔⴰⵡⴻⵏ ⵎⴰⵛⴰ ⵢⴻⵙⵙⵉⵙ ⵡⴰⵀ. ⵛⵉⵛⴰⵏ ⵜⵓⵖⴰ ⵖⴰⵔⴻⵙ ⵉⵊⵊ ⵏ ⵓⵎⵙⴻⵅⵅⴰⵔ ⴷ ⴰⵎⵉⵚⵔⵉ, ⵇⵇⴰⵔⴻⵏ ⴰⵙ ⵢⴰⵔⵃⴰⵄ. 35 ⵛⵉⵛⴰⵏ ⵉⵡⵛⴰ ⵢⴻⴵⵉⵙ ⴷ ⵜⴰⵎⵖⴰⵔⵜ ⵉ ⵓⵎⵙⴻⵅⵅⴰⵔ ⵏⵏⴻⵙ ⵢⴰⵔⵃⴰⵄ ⵓ ⵏⴻⵜⵜⴰⵜ ⵜⵓⵔⵓⵡ ⴰⵙ-ⴷⴷ ⵄⴰⵜⵜⴰⵢ.
36 ⵄⴰⵜⵜⴰⵢ ⵉⵊⵊⴰ-ⴷⴷ ⵏⴰⵜⴰⵏ,
ⵏⴰⵜⴰⵏ ⵉⵊⵊⴰ-ⴷⴷ ⵣⴰⴱⴰⴷ,
37 ⵣⴰⴱⴰⴷ ⵉⵊⵊⴰ-ⴷⴷ ⵉⴼⵍⴰⵍ,
ⵉⴼⵍⴰⵍ ⵉⵊⵊⴰ-ⴷⴷ ⵄⵓⴱⵉⴷ,
38 ⵄⵓⴱⵉⴷ ⵉⵊⵊⴰ-ⴷⴷ ⵢⴰⵀⵓ,
ⵢⴰⵀⵓ ⵉⵊⵊⴰ-ⴷⴷ ⵄⴰⵣⴰⵔⵢⴰ,
39 ⵄⴰⵣⴰⵔⵢⴰ ⵉⵊⵊⴰ-ⴷⴷ ⵃⴰⵍⴰⵚ,
ⵃⴰⵍⴰⵚ ⵉⵊⵊⴰ-ⴷⴷ ⵉⵍⵄⴰⵙⴰ,
40 ⵉⵍⵄⴰⵙⴰ ⵉⵊⵊⴰ-ⴷⴷ ⵙⵉⵙⵎⴰⵢ,
ⵙⵉⵙⵎⴰⵢ ⵉⵊⵊⴰ-ⴷⴷ ⵛⴰⵍⵍⵓⵎ,
41 ⵛⴰⵍⵍⵓⵎ ⵉⵊⵊⴰ-ⴷⴷ ⵢⴰⵇⴰⵎⵢⴰ
ⵓ ⵢⴰⵇⴰⵎⵢⴰ ⵉⵊⵊⴰ-ⴷⴷ ⵉⵍⵉⵛⴰⵎⴰⵄ.
42 ⴰⵔⵔⴰⵡⴻⵏ ⵏ ⴽⴰⵍⵉⴱ, ⵓⵎⴰⵙ ⵏ ⵢⴰⵔⵃⴰⵎ’ⵉⵍ: ⵎⵖⵉⵔ ⵎⵉⵛⴰⵄ, ⴰⵎⴻⵏⵣⵓ ⵏⵏⴻⵙ ⵡⴻⵏⵏⵉ ⴷ ⴱⴰⴱⴰⵙ ⵏ ⵣⵉⴼ, ⵓⵍⴰ ⴷ ⴰⵔⵔⴰⵡⴻⵏ ⵏ ⵎⴰⵔⵉⵛⴰ, ⴱⴰⴱⴰⵙ ⵏ ⵃⴰⴱⵔⵓⵏ.
43 ⴰⵔⵔⴰⵡⴻⵏ ⵏ ⵃⴰⴱⵔⵓⵏ ⵜⵓⵖⴰ ⴰⵜⴻⵏ ⴷ ⵇⵓⵔⴰⵃ, ⵜⴰⴼⴼⵓⵄ, ⵔⴰⵇⴰⵎ ⴷ ⵛⴰⵎⴰⵄ.
44 ⵛⴰⵎⴰⵄ ⵉⵊⵊⴰ-ⴷⴷ ⵔⴰⵃⴰⵎ, ⴱⴰⴱⴰⵙ ⵏ ⵊⴰⵔⴰⵇⵄⴰⵎ,
ⵓ ⵔⴰⵇⴰⵎ ⵉⵊⵊⴰ-ⴷⴷ ⵛⴰⵎⵎⴰⵢ.
45 ⵎⵎⵉⵙ ⵏ ⵛⴰⵎⵎⴰⵉ ⵜⵓⵖⴰ-ⵜ ⴷ ⵎⴰⵄⵓⵏ.
ⵎⴰⵄⵓⵏ ⵜⵓⵖⴰ ⴷ ⴱⴰⴱⴰⵙ ⵏ ⴱⴰⵢⵜ-ⵚⵓⵔ.
46 ⵄⵉⵢⴼⴰ, ⵜⴰⵢⵢⴰ ⵏ ⴽⴰⵍⵉⴱ, ⵜⵓⵔⵓⵡ-ⴷⴷ ⵃⴰⵔⴰⵏ, ⵎⵓⵚⴰ ⴷ ⵊⴰⵣⵉⵣ.
ⵃⴰⵔⴰⵏ ⵉⵊⵊⴰ-ⴷⴷ ⵊⴰⵣⵉⵣ.
47 ⴰⵔⵔⴰⵡⴻⵏ ⵏ ⵊⴰⵀ-ⴷⴰⵢ ⵜⵓⵖⴰ ⴰⵜⴻⵏ ⴷ ⵔⴰⵊⴰⵎ, ⵢⵓⵜⴰⵎ, ⵊⵉⵛⴰⵏ, ⴼⴰⵍⴰⵟ, ⵄⵉⵢⴼⴰ ⴷ ⵛⴰⵄⴰⴼ.
48 ⴰⴽ-ⴷ ⵜⴰⵢⵢⴰ ⵏ ⴽⴰⵍⵉⴱ, ⵎⴰⵄⴽⴰ, ⵉⵊⵊⴰ-ⴷⴷ ⵏⴻⵜⵜⴰ ⵛⴰⴱⴰⵔ ⴷ ⵜⴰⵔⵃⴰⵏⴰ.
49 ⵏⴻⵜⵜⴰⵜ ⵜⵓⵔⵓⵡ-ⴷⴷ ⵛⴰⵄⴰⴼ, ⴱⴰⴱⴰⵙ ⵏ ⵎⴰⴷⵎⴰⵏⵏⴰ, ⴷ ⵛⴰⵡⴰ, ⴱⴰⴱⴰⵙ ⵏ ⵎⴰⴽⴱⵉⵏⴰ ⴷ ⴱⴰⴱⴰⵙ ⵏ ⵊⵉⴱⵄⴰ. ⵢⴻⴵⵉⵙ ⵏ ⴽⴰⵍⵉⴱ ⵜⵓⵖⴰ ⵄⴰⴽⵙⴰ.
50 ⵉⵏⴰ ⴷ ⴰⵔⵔⴰⵡⴻⵏ ⵏ ⴽⴰⵍⵉⴱ: ⵎⵎⵉⵙ ⵏ ⵃⵓⵔ, ⴰⵎⴻⵏⵣⵓ ⵏ ⵉⴼⵔⴰⵜⴰ, ⵜⵓⵖⴰ ⵛⵓⴱⴰⵍ, ⴱⴰⴱⴰⵙ ⵏ ⵇⴰⵔⵢⴰⵜ-ⵢⴰⵄⴰⵔⵉⵎ, 51 ⵙⴰⵍⵎⴰ, ⴱⴰⴱⴰⵙ ⵏ ⴱⴰⵢⵜ-ⵍⴰⵃⵎ, ⴷ ⵃⴰⵔⵉⴼ, ⴱⴰⴱⴰⵙ ⵏ ⴱⴰⵢⵜ-ⵊⴰⴷⵉⵔ.
52 ⴰⵔⵔⴰⵡⴻⵏ ⵏ ⵛⵓⴱⴰⵍ, ⴱⴰⴱⴰⵙ ⵏ ⵇⴰⵔⵢⴰⵜ-ⵢⴰⵄⴰⵔⵉⵎ, ⵜⵓⵖⴰ ⴰⵜⴻⵏ ⴷ ⵀⴰⵔⵓⵡⴰ ⴷ ⵃⴰⵚⵉ-ⵀⴰ-ⵎⴰⵏⵓⵃⵓⵜ.
53 ⵜⵉⵡⴰⵛⵓⵏⵉⵏ ⵏ ⵇⴰⵔⵢⴰⵜ-ⵢⴰⵄⴰⵔⵉⵎ ⵜⵓⵖⴰ ⴰⵜⴻⵏ ⴷ ⵉⵢⵉⵜⵔⵉⵢⵢⴻⵏ, ⵉⴼⴼⵓⵜⵉⵢⵢⴻⵏ, ⵉⵛⴰⵎⴰⵜⵉⵢⵢⴻⵏ ⴷ ⵉⵎⴰⵛⵔⴰⵄⵉⵢⵢⴻⵏ. ⵣⵣⴰⵢⵙⴻⵏ ⵉ ⴷⴷ-ⵉⵇⵇⴰⵔⵚⴻⵏ ⵉⵚⴰⵔⵄⵉⵢⵢⴻⵏ ⴷ ⵉⵛⵜⴰⵡⵓⵍⵉⵢⵢⴻⵏ.
54 ⴰⵔⵔⴰⵡⴻⵏ ⵏ ⵙⴰⵍⵎⴰ: ⵎⵖⵉⵔ ⴱⴰⵢⵜ-ⵍⴰⵃⵎ, ⵓⵛⴰ ⵉⵏⴰⵟⵓⴼⴰⵜⵉⵢⵢⴻⵏ ⵜⵓⵖⴰ ⴰⵜⴻⵏ: ⵄⴰⵟⴰⵔⵓⵜ-ⴱⴰⵢⵜ-ⵢⵓ’ⴰⴱ ⴷ ⵃⴰⵚⵉ-ⵀⴰ-ⵎⴰⵏⴰⵃⵜⵉ ⴷ ⵉⵚⵓⵔⵄⵉⵢⵢⴻⵏ.
55 ⵜⵉⵡⴰⵛⵓⵏⵉⵏ ⵏ ⵉⵎⴰⵔⵉⵔⴻⵏ ⵏⵏⵉ ⵉⵣⴻⴷⴷⵖⴻⵏ ⴷⵉ ⵢⴰⵄⴱⵉⵚ, ⵜⵓⵖⴰ ⴰⵜⴻⵏ ⴷ ⵉⵜⵉⵔⵄⴰⵜⵉⵢⵢⴻⵏ ⴷ ⵉⵛⴰⵎⵄⴰⵢⵢⴻⵏ ⴷ ⵉⵙⵓⴽⴰⵏⵉⵢⵢⴻⵏ. ⵏⵉⵜⵏⵉ ⴷ ⵉⵇⵉⵏⵉⵢⵢⴻⵏ ⵉⵏⵏⵉ ⴷⴷ-ⵉⵇⵇⴰⵔⵚⴻⵏ ⵣⵉ ⵃⴰⵎⵎⴰⵜ, ⴱⴰⴱⴰⵙ ⵏ ⵜⴰⴷⴷⴰⵔⵜ ⵏ ⵔⴰⴽⴰⴱ.