Ḥuciɛa ad iseɣ ict n temɣart izennan uca ad tt yarr ɣar uɣezdis weḥḥdes
3
1 SIDI inna ayi: “Ruḥ ict n twařa nneɣni, exs tamɣart nni ittwasɛizzen zeg umeddukkeř nnes n wuř, maca waxxa amenni tezna, amecnaw SIDI ittexs ayt n Israil am nitni xezzaren ɣar irebbiten nneɣni u ttexsen ṣṣedqet n weɣrum s zzbib.” □ 2 S uyenni sɣiɣ tt i necc s xemmesṭac n uqiyyat n nnuqart u s ijj n ‘uḥumir’ n imendi u s řqedd n ijj n ‘latax’ n imendi. 3 Necc nniɣ as: “Cem ad ɣari teqqimed aṭṭas n wussan. War ttegg ca farq-ccɣeř u war ttiři n ijj n weryaz nneɣni u uřa d necc ad iřiɣ i cem amenni.” ■ 4 Maɣar ayt n Israil ad qqimen aṭṭas n wussan břa ajeǧid, břa řḥakem, břa taɣarṣt, břa amayḍu iqeddsen, břa apalṭu n ukehhan d řexyařat n l’aṣnam. ■ 5 Awarni as ad dd-dewřen ayt n Israil¸ ad arzun x SIDI, AREBBI nsen u x Dawud, ajeǧid nsen. Deg uneggar n wussan ad dd-asen ttarjijjin ɣar SIDI d tcuni nnes. ■