ثَاسْغُونْثْ جَارْ ورْيَازْ ذ ثمْغَارْثْ ذِي ڒمْڒَاشْ
3
1 أَمُّو عَاوذْ كنِّينْثْ، أَ ثِيمْغَارِينْ، طَاعنْثْ إِ يرْيَازنْ نْكنْثْ، إِنِّي وَارْ إِطِّيعنْ إِ وَاوَاڒْ، حِيمَا أَذْ ثنْ أَربْحنْثْ بْڒَا أَوَاڒْ س ثِيشْڒِي نْكنْثْ إِشْنَانْ، ▪ 2 خْ مِينِّي إِ غَا ژَترنْ مَامّشْ تّڭُّورنْثْ س ثِيڭّْوُوذِي ذ ثَازْذُوڭِي. 3 وَارْ تّْزهّْجنْثْ س مِينْ إِتّْبَاننْ غَارْ بَارَّا: أَمُوذِي ن ؤُشُووَّافْ، ثِيمڭَّا ن وُورغْ نِيغْ ثْيَارْضِي ن وَارُّوضْ إِصبْحنْ، ▪ 4 مَاشَا زهّْجنْثْ س بْنَاذمْ إِنُّوفَارنْ ذڭْ وُوڒْ، س أَرُّوحْ ن ثمْهِينْثْ إِ وَارْ إِتّْوَاغشّنْ، أَقَا-ث ذ إِجّْ ن ؤُزهّجْ إِصبْحنْ زَّاثْ إِ أَربِّي. 5 أَقَا أَمُّو ثُوغَا زهّْجنْثْ زِيشْ ثمْغَارِينْ ثِيمْقدَّاسِينْ، إِنِّي ثُوغَا إِسِّيثِيمنْ خْ أَربِّي، ڒعْمُورْ نْسنْثْ، ؤُشَا ثُوغَا طَّاعنْثْ إِ يرْيَازنْ نْسنْثْ. 6 أَمُّو ثُوغَا سَارَا ثطَّاعْ إِ إِبْرَاهِيمْ، ثْڒَاغَا أَسْ: ”سِيذِي!“، ؤُشَا كنِّينْثْ ثْذوْڒنْثْ ذ يسِّيسْ أَمْ ثتّڭّنْثْ مِينْ إِصبْحنْ مَاڒَا وَارْ ڭُّورْ أَذْ ثڭّْوذنْثْ. ▪ 7 كنِّيوْ، أَ إِرْيَازنْ، زذْغمْ أَكْ-ذ ثمْغَارِينْ نْومْ س ڒعْقڒْ ؤُ وقَّارمْ ثنْثْ أَمْ إِغَارَّافنْ يَارخْفنْ، حِيمَا وَارْ ثتّْوَامنْعنْثْ شَا ثْژَادْجِيثِينْ نْومْ، مِينْزِي نِيثنْثِي أَذْ وَارْثنْثْ ثِيموْشَا ن ثُوذَارْثْ إِتّْذُومَانْ أَكِيذْومْ. ▪
أَودّبْ ذڭْ إِصُورَافْ ن لْمَاسِيحْ
8 غَارْ ؤُنڭَّارْ، مُونمْ مَارَّا غَارْ أَرَّايْ ذ إِجّنْ، ودّْبمْ أَكْ-ذ ينِّي ودّْبنْ، خْسمْ إِجّنْ ونّغْنِي س ثَايْرِي، أَرحْممْ، إِڒِيمْ ثْضَارْفمْ. ▪ 9 وَارْ د-ثَارِّيمْ خْ ڒْغَارْ س ڒْغَارْ نِيغْ ثِيكّْوُورَا س ثِيكّْوُورَا، مَاشَا س ڒْعكْسْ بَارْكمْ، مِينْزِي كنِّيوْ أَقَا ثتّْوَاڒَاغَامْ-د حِيمَا أَذْ ثْوَارْثمْ لْبَارَاكَا. ▪
10 س ؤُيَا، أجّْ ونِّي إِخْسنْ ثُوذَارْثْ ذ وُوسَّانْ إِشْنَانْ، أَذْ إِحْضَا إِڒسْ نّسْ زِي مِينْ وَارْ إِحْڒِينْ ؤُڒَا ذ إِينْشِيشنْ نّسْ زڭْ وَاوَاڒْ إِشمّْثنْ. ▪
11 أجّْ إِ-ث أَذْ إِڭّْوجْ خْ مِينْ إِدْجَانْ ذ أَعفَّانْ، أَذْ إِڭّْ مِينْ إِصبْحنْ، أَذْ يَارْزُو خْ ڒهْنَا ؤُشَا أَذْ ث إِضْفَارْ س شْضَارثْ. ▪
12 مِينْزِي ثِيطَّاوِينْ ن سِيذِي خْ إِمْسڭَّاذنْ ؤُ إِمزُّوغنْ نّسْ أَقَا أَثنْثْ مَاحنْذْ أَذْ أَسنْ سْڒنْ، مَاشَا ؤُذمْ ن سِيذِي أَقَا-ث ضِيدّْ إِ ؤُمْعفَّانْ. ▪
13 وِي إِزمَّارنْ أَذْ ذَايْومْ إِڭّْ ڒْغَارْ، مَاڒَا كنِّيوْ ثضْفَارمْ مِينْ إِصبْحنْ؟
14 مَاڒَا ثْودّْبمْ ذِي طّْوعْ ن ثْسڭْذَا، أَقَا سّعْذْ نْومْ. وَارْ تّڭّْوذمْ زڭْ ينِّي كنِّيوْ إِسِّيڭّْوذنْ، وَارْ تّْنخْڒِيعمْ شَا، ▪
15 مَاشَا قدّْسمْ سِيذِي، لْمَاسِيحْ، ذڭْ وُوڒَاونْ نْومْ، ؤُ إِڒِيمْ ڒبْذَا ثْوجْذمْ مَاحنْذْ أَذْ ثَارّمْ س ثمْهِينْثْ ذ ؤُوقَّارْ خْ ينِّي كنِّيوْ إِ غَا إِسّقْسَانْ خْ ؤُسِيثمْ ن لْ-إِيمَانْ نْومْ، ▪
16 زِي ثْنفْسشْثْ إِشْنَانْ، حِيمَا إِنِّي خَاومْ إِعَاوْذنْ أَخْمِي خْ إِوْذَانْ إِعفَّاننْ، أَذْ سّضْحَانْ ؤُمِي تّْشقَّافنْ ذِي ثشْرِي ن ثُوذَارْثْ نْومْ إِشْنَانْ ذِي لْمَاسِيحْ. ▪
17 أَقَا إِنفّعْ أَذْ ثْودّْبمْ، مَاڒَا إِخْسْ إِ-ث أَربِّي، أَمْ ثتّڭّمْ مِينْ إِصبْحنْ، مَاشَا وَارْ إِدْجِي مَاڒَا كنِّيوْ ثتّڭّمْ مِينْ إِدْجَانْ ذ أَعفَّانْ.
18 مِينْزِي ؤُڒَا ذ لْمَاسِيحْ ثُوغَا إِمُّوثْ إِشْثْ ن ثْوَاڒَا إِ دّْنُوبْ، أَقَا أَمْسڭَّاذْ ذِي طّْوعْ ن يِينِّي وَارْ إِسڭّْذنْ، حِيمَا أَذْ كنِّيوْ إِسِّيوضْ غَارْ أَربِّي، نتَّا ذ ونِّي إِمُّوثنْ ذِي أَرِّيمثْ مَاشَا أَقَا إِدَّارْ ذِي أَرُّوحْ، ▪
19 ؤُشَا إِبَارّحْ أَمُّو إِ ڒعْمُورْ إِنِّي إِتّْوَاطّْفنْ ذِي ڒَاخَارْثْ، ▪ 20 إِنِّي ثُوغَا وَارْ إِتّْوَاسّْقنْعنْ ذڭْ وُوسَّانْ ن نُوحْ، ؤُمِي ثُومُورْ تَّاسِيعْ ن ڒْخَاضَارْ ن أَربِّي، أَقَا أَذْ ذِينْ يِيڒِي ؤُغَارَّاپُو أَمْ ثُوغَا إِتّْرَاجَا نتَّا أَذْ ثُوبنْ نِيثْنِي. ؤُذْفنْ غَارْ ؤُغَارَّاپُو مْغِيرْ ثْمنْيَا ن ڒعْمُورْ إِنِّي إِتّْوَاحْضَانْ دَّارنْ ذڭْ وَامَانْ. ▪
21 أَقَا ؤُڒَا ذ كنِّيوْ تّْوَاسّْنجْمنْ عْلَاحْسَابْ أَمذْيَا نِّي ذڭْ ؤُسغْضصْ، ونِّي وَارْ إِدْجِي أَسِيزْذڭْ ن ڒخْمجْ ن أَرِّيمثْ، مَاشَا أَذْ يِيڒِي مَاڒَا ثْنعْممْ زِي أَربِّي س ثْنفْسشْثْ إِشْنَانْ س ثْنُوكْرَا ن يشُّو لْمَاسِيحْ، ▪ 22 ونِّي إِتّْوَاسُّوعْڒَانْ غَارْ ؤُجنَّا، إِقِّيمْ غَارْ ؤُفُوسِي ن أَربِّي، أَمْ ذ أَسْ تّْوَامَّارْسنْ لْمَالَاكَاثْ ذ صُّولَاطَاثْ ذ جّهْذْ سَاذُو نتَّا. ▪