ڒوْحِييْ ن بُولُوسْ
12
1 مَاڒَا إِتّْخصَّا أَذْ ذِينْ يِيڒِي ؤُسمْغَارْ، وَاخَّا مَانْ أَيَا وَارْ إِنفّعْ شَا، مَاعْلِيكْ ؤُفِيغْ أَذْ إِوْضغْ غَارْ إِوحَّانْ ذ إِسَارْڭَابنْ ن سِيذِيثْنغْ. 2 أَقَا سّْنغْ إِجّْ ن بْنَاذمْ ذِي لْمَاسِيحْ، ثُوغَا أَرْبعْطَاشْ إِسڭّْوُوسَا زڭْ وَامِي، مَا ثُوغَا ذِي أَرِّيمثْ نِيغْ بَارَّا إِ أَرِّيمثْ، وَارْ سِّينغْ شَا، أَربِّي إِسّنْ! بْنَاذمْ نِّي إِمّكْسِي غَارْ ؤُجنَّا وِيسّْ ثْڒَاثَا. ▪ 3 ؤُشَا سّْنغْ بْنَاذمْ-أَ، مَا ثُوغَا ذِي أَرِّيمثْ نِيغْ بْڒَا أَرِّيمثْ، وَارْ سِّينغْ شَا، أَربِّي إِسّنْ. 4 بْنَاذمْ نِّي إِمّكْسِي غَارْ جّنّثْ مَانِي إِسْڒَا أَوَاڒنْ إِنِّي وَارْ إِزمَّارْ أَذْ تّْوَانطْقنْ، إِنِّي وَارْ إِحدْجْڒنْ إِ بْنَاذمْ أَذْ ثنْ إِنْطقْ. 5 زڭْ ورْيَازْ-أَ أَذْ سّمْغَارغْ، وَارْ سّمْغَارِيغْ شَا ذڭْ إِخفْ إِنُو، مْغِيرْ ذڭْ وضْعَافْ إِنُو. 6 مَاشَا مَاڒَا خْسغْ أَذْ سّمْغَارغْ، وَارْ تِّيڒِيغْ ذ أَپُوهَاڒِي، مِينْزِي أَذْ إِنِيغْ ثِيذتّْ. مَاشَا أَذْ ث جّغْ حِيمَا ؤُڒَا ذ إِجّْ وَارْ خَافِي إِتّْخَارَّاصْ مَامّشْ دْجِيغْ، سنّجْ مِينْ زَّايِي إِژْرَا نِيغْ سنّجْ مِينْ زَّايِي إِسْڒَا. 7 ؤُ حِيمَا وَارْ تّتّْوَاسّْڭِيعّْذغْ شَا زِي سِّيبّثْ ن طّْبِيعثْ يُوعْڒَانْ ن إِسَارْڭَابنْ نِّي، إِمّوْشْ أَيِي إِجّْ ن ؤُسنَّانْ ذڭْ ويْسُومْ ن أَرِّيمثْ، أَقَا-ث ذ لْمَالَاكْ ن شِّيطَانْ إِ ذ أَيِي إِشَّاثنْ س ڒْپُونِييَّاثْ مَاحنْذْ وَارْ تّسْڭعِّيذغْ شَا إِخفْ إِنُو. 8 ثْڒَاثَا ن ثْوَاڒَاوِينْ تَّارغْ سِيذِي إِنُو مَاحنْذْ أَذْ خَافِي ث إِسّڭّْوجْ، 9 مَاشَا نتَّا إِنَّا أَيِي: ”أَقَا أَرْضَا إِنُو إِشْفَا، مِينْزِي جّهْذْ إِنُو إِتّْوَاكمّڒْ ذِي ثُوضْعفْثْ.“ س ؤُينِّي أَقَا مْلِيحْ مَاڒَا سّمْغَارغْ ذِي ثُوضْعفْثْ إِنُو، حِيمَا أَذْ خَافِي يَارْسَا جّهْذْ ن لْمَاسِيحْ.
10 س ؤُينِّي أَرْضِيغْ س ثُوضْعفْثْ، س ڒفْضِيحثْ، ذِي ڒغْبنْ، ذڭْ ؤُذَارّشْ، ذِي ڒحْبسْ ذِي طّْوعْ ن لْمَاسِيحْ، مِينْزِي خْمِي تِّيڒِيغْ ضعْفغْ، ڒخْذنِّي تِّيڒِيغْ جهّْذغْ.
ثَايْرِي ن بُولُوسْ إِ إِكُورِينْثِييّنْ
11 خْزَارْ، ذوْڒغْ ذ أَپُوهَاڒِي ؤُمِي سّمْغَارغْ أَمُّو، مَاشَا كنِّيوْ ثحْصَارمْ أَيِي غَارسْ. مِينْزِي ثُوغَا إِتّْخصَّا إِ كنِّيوْ أَذْ أَيِي ثْقدَّارمْ أَقَا وَارْ دْجِيغْ قلّْ ؤُڒَا ذڭْ إِشْثْ ن ڒْحَاجّثْ زِي رُّوسُولْ نِّي ’إِمْغَارنْ أَطَّاسْ‘، وَاخَّا نشّْ ذ وَالُو. ▫ ▪
12 ڭِّيغْ جَارْ أَومْ ڒعْڒَامَاثْ ن رَّاسُولْ، س مَارَّا ضّْبَارْ، س ثْمڭَّا إِجّهْذنْ، س لْمُوعْجِيزَاثْ ؤُ س ڒعْجَايبْ. ▪
13 مَاغَارْ ذِي مِينْ ذِي كنِّيوْ جِّيغْ غَارْ ضفَّارْ خْ ثْمسْمُونِينْ إِنّغْنِي، مْغِيرْ ذِي مِينْ ذِي نشّْ وَارْ خَاومْ بسّْڒغْ؟ سَامْحمْ أَيِي خْ ڒْفَارْزْ-أَ! ▪
14 خْزَارْ، ڒخُّو ذ ثْوَاڒَا وِيسّْ ثْڒَاثَا أَقَا أَيِي وجْذغْ حِيمَا أَذْ غَارْومْ د-أَسغْ ؤُشَا وَارْ خَاومْ تّْبسِّيڒغْ، مِينْزِي وَارْ أَرزُّوغْ مِينْ نْومْ، مَاشَا أَرزُّوغْ خَاومْ كنِّيوْ. مِينْزِي وَارْ د-ثُوسِي إِ إِحنْجِيرنْ أَذْ خمّْڒنْ ڒكْنُوزْ إِ لْوَالِيذِينْ نْسنْ، مَاشَا لْوَالِيذِينْ إِ إِحنْجِيرنْ نْسنْ. ▪
15 وجْذغْ س ڒفْرَاحثْ أَذْ خدْجْصغْ ڒحْسَابْ مَارَّا، ؤُ أَذْ سبّْڒغْ إِخفْ إِنُو ذِي طّْوعْ ن ڒعْمُورْ نْومْ، عَاذْ مَاڒَا طّْفغْ زَّايْومْ ثَايْرِي قلّْ مَاڒَا وْشِيغْ أَومْ ثَايْرِي س وَاطَّاسْ. ▪
16 مَاشَا أَذْ ثَاغْ، وَاخَّا نشّْ وَارْ خَاومْ ثبْسِيڒغْ، أَقَا طّْفغْ كنِّيوْ س ثحْرَايْمشْثْ أَمْ إِجّْ ن ورْيَازْ أَقدَّاشْ.
17 نِيغْ مَا أَذْ ثَاغْ مژْرغْ ذِي شَا زَّايْومْ س شَا ن إِجّْ نّغْنِي إِ ثُوغَا غَارْومْ د-سّكّغْ؟
18 خْمِي تَّارغْ ثِيثُوسْ ؤُ سّكّغْ-د أَكِيذسْ ثَاوْمَاثْ، مَا يَارْزُو ثِيثُوسْ شَا زَّايْومْ ذِي ثِيزِي نّسْ؟ مَا وَارْ نُويُورْ شَا س أَرُّوحْ ذ إِجّنْ ذ إِصُورَافْ ذ إِجّنْ؟
19 مَا إِتّْغِيڒْ أَومْ عَاوذْ بلِّي نشِّينْ نسْڒقَّا خْ يِيخفْ نّغْ زَّايْومْ؟ أَقَا قِيبَاتْشْ إِ أَربِّي ذِي لْمَاسِيحْ إِ نسَّاوَاڒْ ؤُشَا مَانْ أَيَا مَارَّا، أَ إِمْعِيزّنْ إِنُو، خْ سِّيبّثْ ن ڒبْنِي نْومْ. 20 مِينْزِي أَقَا تّڭّْوذغْ، خْمِي د غَا يَاوْضغْ غَارْومْ، أَذْ ثَاغْ وَارْ كنِّيوْ تِّيفغْ شَا أَمْ مَامّشْ خْسغْ ؤُڒَا وَارْ ذ أَيِي ثتِّيفمْ شَا أَمْ مَامّشْ ثخْسمْ كنِّيوْ، بَالَاكْ أَذْ إِڒِينْ إِمْشُوبّْشنْ، ڒحْسذْ، ثَافْقحْثْ، ثَاغنَّانْثْ، ثَاخْبَارْجشْثْ، أَخوّجْ، نّْفَاخثْ ؤُڒَا ذ إِخَارْوِيضنْ، 21 خْمِي د غَا يَاوْضغْ غَارْومْ ثْوَاڒَا نّغْنِي، أَذْ ثَاغْ أَربِّي أَذْ أَيِي إِسّْوَاضعْ ؤُشَا ڭُّورْ أَذْ شضْنغْ خْ وَاطَّاسْ ن يِينِّي إِخْضَانْ ؤُشَا وَارْ ثُوبنْ شَا زِي ڒخْمجْ ذ فَارْقْ-شّْغڒْ ذ ؤُفُوشّحْ إِ ڭِّينْ.