Injil Córif or Síyara
KOLÓCIÓL
Síyara Kolóciól or Foriso
E síyara Kolóciól óilde ekkán ceñṛí. Yián or lekóya óilde sáhabi Pául (1:1). Óitofare yóggwa ye e ceñṛí gán ore Rom cóor ottu leikké, kiyólla-hoilé yián lekér de októt yóggwa ziyól ot bon accíl. Yián ore Isá Mosih zormo ói tokoriban háiṭ bosór baade leká gíyeh. E síyara Kolóciól cóo Íficiól, Filíppaiól, edde Filimon ore ziyóli ceñṛí bouli zana zah, kiyólla-hoilé Páule híin ore ziyól ottu tái leikkíl. Yóggwa ye ceñṛí yián ore leikké de Kolóciya cóor or zomát or hañse. Kolóciyat accíl de e zomát ore Páule cúru goijjíl de no, montor yóggwa ye (2:1) ot hoiyé de mozin, yóggwa ttu e zomát twa lla kessú zimma asé bóuli ṭáaitto. Óitofare e zomát twa cúru goijjíl de Epafarase, kiyólla-hoilé íba Kolóciyar manúc accíl.
Pául ottu Kolóciyar zomát ot soler de gollot taalim ókkol or baabute sintabáfana accíl, hétolla yóggwa ye e ceñṛí gán ot beechíssa híin or mutalek leikkíl. Óitofare héṛe Isáyi boinné de Yohúdi ókkol or éggwa dol accíl, zibá ye oinno Isáyi ókkol ore Furana Niyom ottu Yohúdir córiyot ókkol amól gorái bolla bolazuri goittó, háasgori ázomi gorár gán. Páule e síyara wat háasgori leikké de ki hoilé, Alla ye kobul goitté siríf Isá Mosih re bade ar honókiyor yáh honó kessúr zorurot nái (1:15-20) aar insán or demake banaiya taalim ókkol behar (2:8).
Súrki ókkol
1. Kolóciyat asé de zomát ore Pául or sólam (1:1-2)
2. Mosihr ḍoóñr tokkar baabute, háasgori Kolóciyat soler de gollot taalim ókkol ore hétap gorí (1:3—3:4)
3. Isáyi zindigi haṛar baabute kessú cíkka (3:5—4:6)
4. Sólam díye edde e ceñṛí gán ore oinno zomát or hañse yó telawot gorá báyto hoiyé (4:7-18)