အင် 20

1 ဒူအီ အီ ဒျီင် အိုမ် ဆာဘျိတ်၊အန် နပ် ဒီ ကာညး ဘဲန် မျုဝ် ဘဲန် မျုဝ်။ ဒူအီ အီ ယိုတ့် ပဝ်း၊ အန် နပ် ဒီ ဘူင် တဲး ဆီနန် ဆီနိူင်။ အာဆေ ဒူပ် ဒူအီ ဇိုဝ် တီ၊ အန် ဒီ ကာလိုပ်။

2 နဝ်း ရူ ခုန်ဒီခမ်၊ န့ ပီ မာခြင်ဆီ ရျီင်။ ဆေ မဲ ကာဆုး တဲး အန် ရူ၊ န့ ပီ မဲ ဘူင် တဲး မဲ ယမ်။

3 ဒူအီ ရိုဝ် ဒွန် အီ၊ ဂေ နပ် ဒီ လာယ် ကာအေး ကာထဲန့်။ ဒူအီ အီ မိုဝ်း ဆာရေ၊ အန် တူ ဟာဝ် ညိူဝ် ဂေ။

4 ဆေ ဒူအီ အီ ရန့် ဒူင် နာ ဟဲ့ ကြာန် ဒီ ထဲ ဒေါ မုး အာခြာဝ် ထဲ၊ ဟီ ဇမ် အာခြာဝ် ဆုဝ့်၊ အန် မိူဝ် တူ ပွိုန် ဒီ ဆုဝ့် မာဆေ။

5 ပီ ခြာမ် ဒူအီ ခဲင် နဝ်း ဂေ၊ န့ ဘော ပီ ကြုဝ် အီ ကွယ် ကာဒမ် အိုမ် လိုက်။ ဒူအီ အီ မိုဝ်း အာငျာန် ဘော နပ် ဒီ ဒိုဝ်း လေး။

6 ဒူအီ ကိူန် ဟဲ့ တဝ်း ဟဲ့ ပွိုန် ညှိုမ် ဂေ။ မာလဲ၊ ဆေ ဟီ ဝီ ယွတ် ဆီချာ၊ တူ ဘော ယိုဝ် ခဲ့ မှဝ်။

7 ဂုန့် အီ မိုဝ်း နဝ်း ဆိူဝ် နဝ်း မှာန်၊ အန် မိူဝ် ဘူင် အီ မှာန် အီ မွှိုမ်။ ဂွန် အန် ဂေ လှုက်လှာန် အန်၊ ဂေ ဒီ ဘော ပွိုန် ဒီ ကွယ် ဒါခိုယ်။

8 ဆေ ခုန်ဒီခမ် ကွယ် ဒဲင် မာလာင် အန်၊ တဝ်း ဒီ ဆုင်ဖျာတ် အာမူ အီ၊ အန် ဒီ ဘော ယွတ် ဘော ယိုဝ် အီ တူ မွှိုမ် ဒွန် မျုဝ်။

9 အာဝ် မိုဝ်း အာဆေ အီ ပွိုန် တဝ်း၊ “အုဝ် ဟဲ့ ဟွတ့် တဲး နဝ်း အုဝ် ဆီငါ။ အုဝ် ဟူ မိုဝ်း မှာပ်။”

10 ဇဝ်ဖြာ ဇွင့် ဂေ အီ ယွင့် ကြုဝ် တာ ဘ့လေ ဆ အီ တူ မှာန်၊ ဘော ခွန် အီ တူ ကာရမ်။

11 ဂွန် မိူဝ် ဆီ ဘော နပ် ဒီ ဘျ တဲး န့ လိုဝ်း ဆီချာ လွင် ပီ ဘူင် အန်။ န့ တဲး အီ နပ်၊ ယုဝ် န့ မှာန်၊ အာဝ် မှာန်၊ ယုဝ် န့ မွှိုမ်၊ အာဝ် မွှိုမ်။

12 ငါယ် အီ နပ် ဒီ ယွတ်၊ ဘော ဟျုဝ့် အီ နပ် ဒီ ထူမ်၊ အာ မျုဝ် တီ၊ န့ မုး ဇဝ်ဖြာ အီ ဒွါ။

13 ကွဲ့ တဲး မဲ အိတ် ဆေဆေ၊ ယုဝ် မဲ ဂိန်၊ ယုဝ် မဲ အေတ့်။ ဆေ မဲ ယီ အွန်၊ မဲ ဒီ ဘော ပွိုန် ဒီ ဟူမ် လိုင် တာ လိုင်။

14 ဂေ ဒူအီ အီ စိုဝ်း ကြုဝ် အီ၊ ဂေ ဘော နပ် ဒီ တဝ်း၊ “န့ ငဝ်း ကာဆဝ်၊ အာဝ် မွှိုမ်။” မာလဲ၊ ဂေ ဟီ ဟွတ့် စိုဝ်း၊ ဂေ ဘော ပီဖုင် ဂေ ကူပ် ဟဲ့ ပွိုန် ဂေ ဒီ စိုဝ်း ခြေ။

15 ခြိဝ် ဂေ ဆဲန့် ဟဲ့ ကိူန် ဒဲင် ကာဒါယ်။ ဆေ န့ ယီ မိုဝ်း ဒူအီ အီ နပ် ဒီ ကာလာင် လွင် ဘဲန် မျုဝ် ဘဲန် မျုဝ်၊ န့ ဟဲ့ ငဝ်း တာင် လွှိုမ် ဆဲန့် အီ ဘွတ် ကာဆဝ် တီ။

16 ဆေ ဒူအီ ဟီ ရိုဝ် ဒီ ကီခမ် ဒါင် အီ ဟဝ် အီ မုး ဒူအီ ပီ တူ နပ် အန်၊ ဆေ အန် ဆီ ဝီ ကာရဝ်း ဒီ မဲ၊ တဲး မဲ ဒိုဝ်း အုန် ကြုဝ် အန်၊ တဲး န့ ဘဲန် ကြုဝ် ကမ် အန်။

17 ဆေ ဒူအီ ဟဲ့ ပွိုန် ပီ ဒီ ဟူမ် ကူပ် ကာလုဝ် အန် ဒီ အီ၊ န့ ဘော ဆီငဲး ကာဆဝ်။ မာလဲ၊ ဝါယ် အန် တီ အာဝ် လှေန့်၊ ပီ ဒီ ဟူမ် တီ ဒီ ဝီ ဘဲန် ပီ ကာဟာတ့် နုဝ့် ခဲင် မူတ့် အန်။

18 ဆေ မဲ လာယ် ကာမွုန် ဆင်ချာင် ဆီချာ၊ မဲ ဒီ အွင်။ ဆေ မဲ တူ ရဲန် ဒုဝ်၊ အာဝ် ပွိုန် ဟာဝ် ကာဂုဝ်း။

19 အာဆေ အွန် ဒီ ခဲ အာဂျာင် အီ၊ အန် ဘော နပ် ဒီ ကာလာင် ဘျ ပီ ချြီင် အီ။ ခုဝ်၊ ကွဲ့ တဲး ဘေ ဘဲန် ဂိုက် ဂေ ဒူအီ အီ မူတ့် ကိူန် ဂြုဝ်း ကိူန်။

20 ဆေ မဲ ဒိူင် ဂုန့် မာ မဲ၊ အာဆာက် မဲ၊ န့ ဒီ ပီ ငဝ် အွမ် အီ ဟဲ့ ယတ် အပ် ဝွင့်။

21 ဆေ ဒူအီ ဘူင် တဲး အန် ပွိုန် ခြန် ခြန် ခါဂုန်၊ ဒေါ ဂုဝ် အန် ဟဲ့ မွှိုမ်။ ဟဲ့ ဟွတ့်၊ န့ ယီ တူ ဝီ ဘဲန် အာဂျိုဝ် မာဆေ။

22 ကွဲ့ တဝ်း၊ “အုဝ် ဒီ ဝီ ဝျီ့ နာ တူ မွှိုမ်။” တဲး မဲ ဘ်ု ဒီ ယွတ် ဇဝ်ဖြာ။ အန် အီ ဒီ စွယ် မဲ။

23 ဇဝ်ဖြာ ဇွင့် ဘ့လေ ဆ အီ တူ မှာန်။ ဘော ညွယ် ဘာ အန် တူ အိုင်။

24 ဇဝ်ဖြာ ဟဲ့ ဟွတ့် ရဲန် အုန် န့တေန့် ပီ လုဝ် ဒူပ် အေ။ ကူပ် တူ ပွိုန် အေ နပ် ရာင် အေ။

25 အာတ့် ကာဆဲန့် မဲ ဒီ လှူ ဒီ ဇဝ်ဖြာ၊ မဲ လုဝ် ဇေန့်ဇာ ဆီချာ၊ ယုဝ် မဲ ဝီ လှယ် ဝါယ် နီ။

26 ခုန်ဒီခမ် အီ မိုဝ်း အာငျာန်၊ အန် ဝဲန် ဂေ အီ ဟဲ့ လုတ့်။ အန် မိူဝ် တူ မိုဝ်း နဝ်း ကာဝေ ဒေါ ဒမ် အန် မှာပ် ဒီ ဂေ။

27 ဇဝ်ဖြာ ဟဲ့ တဲး ဒူအီ မိုဝ်း နဝ်း ဖွိုမ်၊ တဲး ဂေ နပ် ဒီ ကာယဝ်း အီ မွှိုမ် အီ တူ မွှိုမ် အီ ကွယ် ခဲင် နဝ်း ဂေ။

28 ဆေ ခုန်ဒီခမ် ဘူင် နာ ဆိူဝ် နာ မှာန်၊ ဆေ အန် ဘော ရွက့် ဒူအီ ပီ အိုပ် အန်၊ အန် ဒီ ပွိုန် ဒီ အိုပ် လှေန့် ဘော ကွယ် ဂတ် ဂျီတ်။

29 ဟဲန့် ဂေ ဒူအီ နှိုမ် ဝီ တဲး ဂေ မိုဝ်း ဆာရေ။ ဂိန့် လုယ် ယီ ဘဲန် ဆာရေ ဂေ ဒူအီ ကတ်။

30 ဆေ ဒူအီ ကာဒုး ဆဝ်၊ န့ ဒီ တဲး ဂေ ဝဲန် မှာပ် ဂေ။ ဆေ ဂေ ခမ် အီ မး၊ န့ တဲး ဂေ ဝး ဘော အီ တူ မွှိုမ် အီ ကွယ် လိုက် ခဲင် နဝ်း။