မ်ဟ 15

လွင် ပီ အိုင် ဇဝ်ဖြာ

အာဒါဝိတ် ဟဲ့ ဒဲမ် မှုဝ် နီ။

1 အိုယ် မဲ ဇဝ်ဖြာ၊ အာဆေ ဒီ ပွိုန် ဒီ လိုပ် ကွယ် ခဲင် ထိုပ် ဘိက် ဘွတ် မဲ ဇဝ်။း အာဆေ ဒီ ပွိုန် ဒီ ကွယ် ဒဲင် နွန် ဘွတ်။း

2 န့ မုး ဂေ အီ မိုဝ်း နဝ်း ဆိူဝ် နဝ်း မှာန်၊ ဂေ အီ ဘူင် နာ ဘွတ် နာ မွှိုမ်၊ အီ ကာလာင် ဂြုဝ်း မှာန် အီ လေး ခဲင် နဝ်း ဂေ၊ ဂေ ဟဲ့ ပွိုန် ဒီ လိုပ် ကွယ်။

3 ဂေ အီ တူ နပ် ဒီ ကာလာင် စာဝ် လွင် အီ ဟဝ်၊ အီ တူ ဘူင် နာ တူ မွှိုမ် ဒီ ဂိုက် ဂေ၊ အီ တူ နပ် ဒီ နဲန အီ ဟဝ်၊ ဂေ ဟဲ့ ပွိုန် ဒီ ကွယ်။

4 ဘော ဂေ အီ ကာအိး ဒူအီ ဟာယ် ဒူအီ မိူက်၊ ယီ ရုဝ်ဆေ ဒူအီ အီ ဒူပ် ဇဝ်ဖြာ၊ ဘော ဂေ အီ ဟဲ့ ပွိုန် ဒီ ဒိူင်၊ ပီ ဆ ဘဲန် အာဂျိုဝ် မိူဝ်၊ ဂေ တူ ကာဝိဝ် ဂြုဝ်း ဂေ၊ ဂေ ဒူအီ ဇိုဝ် တီ ဟဲ့ ပွိုန် ဒီ ကွယ်။

5 ဘော ဂေ အီ ဒွါ အီ ဟဝ် ကာရဝ်း ဒီ ဂေ၊ ယီ တူ ဒိုဝ်း အျီင် အန်၊ ဘော ဂေ အီ တူ ဒိုဝ်း လက်ဆွင် ပီ ဒွါ အီ၊ တဲး ဒူအီ မွှိုမ် စှိုမ်၊ ဂေ အီ ဘူင် ပါယ် တီ၊ ဂေ ဒီ ဘော ကွယ် ဒါခိုယ် ဆေဆေ၊ တူ လုဝ် ယုဝ် ဒေါ မှဝ်။