မ်ဟ 13

ပီ ဆာခိုဝ် တဲး ဇဝ်ဖြာ စွယ်

အာဒါဝိတ် ဟဲ့ ဒဲမ် မှုဝ် နီ။ တဲး ဒါ အီ ယဲတ့် ဂေ အီ တဝ်း မှုဝ် တိး။

1 အိုယ် မဲ ဇဝ်ဖြာ၊ ဟဲ့ လှေန့် ကာဆဝ်၊ မဲ ဇဝ် ဟဲ့ ပိဝ် အုဝ်။ မဲ တူ စွယ် အုဝ် ဒီ ဘော လှေန့် ခဲ့ မှဝ်။း

2 လွင် ဒုက် ခဲင် နဝ်း အုဝ်၊ အုဝ် ဘော ဇေန့်ဇာ ဆေဆေ။ ဒွန် မှိုဝ် ဒွန် ညှာ နဝ်း အုဝ် ပါယ် တီ။ မဲ ဒီ ဘော တဲး ရန်ဆူ အုဝ် ပဲ အုဝ် လှေန့် ခဲ့ မှဝ်။း

3 အိုယ် မဲ ဇဝ်ဖြာ၊ တဲး မဲ စွယ် အုဝ် ဘော ထူမ် ဂြုဝ်း အုဝ်။ တဲး အုဝ် ယိုဝ် ဆီချာ၊ တဲး န့ ဘ့လာင် ဒီ နဝ်း အုဝ်၊ ကွဲ့ တဲး အုဝ် ကာဒုး ဒီ ယမ်။

4 ဂေ ရန်ဆူ အုဝ် ဒီ ဘော တဝ်း၊ “ယေ ဟဲ့ ဟွတ့် ပဲ အန်။” ဂေ အီ ဆီ ပျာတ့် အုဝ်၊ ဂေ ဒီ ဘော ခူယ် ဒေါ ကေး အုဝ်။

5 အုဝ် ဘိုင် မဲ ဇဝ်ဖြာ ကူပ် ရွက့် ကာဝေ မဲ ဒီ အီ။ အုဝ် ဘော ခူယ် ကာဆဝ် ကူပ် ဒီ ချွတ် မဲ ဒီ အုဝ်။

6 မဲ ဟဲ့ ဂေဇူ အုဝ်။ ခုဝ်၊ အုဝ် ဒီ တဝ်း မှုဝ် အီ အိူပ် မဲ ဇဝ်။