Ester 9

Bojudeu fiŋ bobir boko

Zozipr kli kloŋo, ze ŋnu ŋndisiñene na ŋnu ngajinz ze pli ondisiñene na pli pugzan, oi pli Adar, o onu onfinoi antom olado nliinhilun pdolo. Zonu ominzun bobir bojudeu bo ika ka phiel pka kpe duzu boko. Ma un uglo zonkont bojudeu kaunk kpe duzu bobir boko. 2 Zonkont bojudeu, zimbau, boko ze knzoŋ ŋnsaak uzuuz ŋnsi nliinAsueru bozoñnori pghutun na bobir boko ozi kaa ña anhilni ptauran na boko zonkont baña ŋrasa ŋnloŋo kalo baka. 3 Bohuli uzuuz bosi ojir ŋnsaak bomitran, botihun nliinbozinkun bojudeu ze mi bokalomunk Mardokeu. 4 Zonkont Mardokeu hil o ña ankai kfa ze mez nlin, ka ktiim lo mag paio zojir ŋnsaak uzuuz ; philun lo pe pmag. 5 Bojudeu jetun bobir boko, fiŋ boko na ieje, toom na boko. Do boko un bojeui. 6 Ze kmbau Susan, bojudeu fiŋ boiinz ŋnsent kñene toom na boko, 7 Bosa fiŋ uz, Parsandata, Dalfon, Aspata, 8 Porata, Adalia, Aridata 9 Parmasta, Arisai, Aridai na Vaizata. 10 Bonhoki bowk ondisiñene bosi Aman, bowk Amedata nmbir bojudeu; ka bozi zu kñene ze mnira boko.

11 Zonu ominzun, bozuup nliinprez baña bonkezki ze kmbau Susan. 12 Nlin jak ahar lo Ester: Ze kmbau Susan klinski bojudeu fiŋ boiinz ŋnsent kñene na bowk Aman ondisiñene. Zafun mi bo lempmi ze ŋjir uzuuz ze ŋnsaak ni! Yel ujeun pñauni ze krankanki? Wo phulo un ominzun. Yee upotun jeui? Wo plempo un ominzun." 13 Ester jaka: Ze nliindigzani apot kzu bojudeu, ze Susan bopot bolemp faan injaka ze mi bodomunk hankri antom bowk Aman bonkezkunk bosiko. 14 Nlin hilan pdo pjaunk. Bohurun oiimna ze Susan bosik bowk Aman bondisiñene ukun. 15 Bojudeu ze Susan pot zoñnor ze ŋnu 14 ze pli Adar, bofiŋ boiinz ŋnsent ngajinz. Ze Susan ka bozi zu kñene ze mnira bokami.

Onah osi Kpe ze bobir boko

16 Bojudeu boloŋo uz bonhoki zojir ŋnsaak ŋnsi nliinbozodo, antom bamni pdek phila boko. Ka bo bi kaa phioŋ ze bobir boko bo fiŋ nkunt ŋntaaj jaand na nkunt kñene ze bombirkunk boko. ka bozi zu kñene ze mnira boko. 17 Un ominzi iri ze ŋnu 13 ze pli Adar. Bo ioŋ ze ŋnu 14 ze pli pminzpun, bo zuu onu ominzun onu onah na mnlina. 18 Bojudeu, bosi Susan bozoñnor ze ŋnu 13 na 14 ze pli pminzpun ze ŋnu 15; bo dol onah na mnlina. 19 Bojudeu bonhoki uz zimbau impozhi na ŋntanka bozu ŋnu 14 ze pli Adar onu mnlina na onah, na ononz phudoŋun. 20 Mardokeu pis ŋun ŋminzŋun; apot sa hilan ikarta ze iñen bojudeu bonhoki zojir osaak nliinAsueru, boñogkunk na bonlokunk. 21 Ahilan baka bo baap ŋnu14 na ŋnu 15 ze pli Adar kana olura, 22 pjaaŋnza onu bojudeu burki ze kñen bobirboko. Ze pli minzpu ol kjozi boko ugloun mnlina, kjozi uglo onu ononz. A jak boko bozu onu ominzun injaka onu onah na mnlina bohudoŋun, na un ohaloi ze boñagina.

23 Hunkran bojudeu digzanu pjaka kaa mhagzin botepi ze mi Mardokeu pisirmunk boko, 24 Zonkont Aman, awk Amedata nsi kiiñ Agag, nmbir bojudeu uzuuz ankai ŋnzafu ptoom na bojudeu. Adol oneejo pten pli antom botoom na boko. 25 Kero nliinbi mee un ominzi, ahilan ikarta antom bosok utihun phuuzweene psi Aman kapi ptoom na bojudeu kak ze weene lo. hunkran alo na bowk bosikokun ze punu. 26 Onu ominzun duo Purin, ompuni ktiim Pur. Zonkont karta kndakun ksi Mardukeu, uz naŋun uzuuz ŋnzipŋi na boko, 27 bojudeu digzani, zu ilul boko, na iiña boko, na baña uzuuz bon hilunki bi phuglo bojudeu, jaa kana olura ozo pzil, bo baap ŋnu ŋmpuguz ŋminzŋun, ze mi Mardokeu pismi. 28 Ŋnu ŋminzŋun ir plelo, pbaapo ze kana iiña ikmbii, ze pliin boko, zojir osaak, zimbau. Bojudeu ka baap ŋnu ŋnsi onah onzañi; mnlelnin boko mozi hilun ptoom ze psoof iiñ boko.

29 Antom, ahar nliinEster, awk Abiail, boflan na njudeu Mardokeu pis karta kpugzan na philun antom pjaaŋ karta ksekeZojir Purin. 30 Bo ilha bojudeu ikarta uzuuz ze ŋnjir ŋnsaak onsent na ŋntaaj jaand, ŋnsi plin Asueru , na olado phioŋ na klinsi, 31 pdigza ŋnu ŋnsi Purin zon tempo on zuoi ze mi Mardokeu na ahar nliinEster onko nazni, bojudeu o fin kle ibur pam pde, puma boko na kiiñ boko. 32 Hunkran, oiimna Ester digzanu ilul iminzun zonkont Purin; opisoo zoliuri oiimna osi plin.