Boisralita jiñloo
10
Kero Esdras hil buur jaunk antom ze jiñlo ze pjwa a huri, limoo zurun ku ksi Uzi knzoŋ ksi Boisraelita zoñnor ze kwaŋ lo boiinz bohaz na bopoz bohil ze hur makrin. 2 Sekanias, bowk Jeiel ninsi bowkoliin ksi Elan, a jak Esdras: "Ndo kit ŋiimna ŋnsi Uzi ndo ze mi ndo nimro munk na bohaz boya, ka zolo Israel um ka phiel. 3 Ndo pdo phuuz na Uzi ndo antom ptaas uniima na bohaz uzuuz , na bowk boko uzuuz bosi bo buki. Ndo pdo ze mi uzaŋmi ndo na kzaŋu ksi baña bomoloki ŋiimna ŋnsi Uzi ndo. Ŋun ka pdolo uzuuz ze mi oiimna jaki. 4 Hunkran, uzuun hilun pnazo woun phiesl un ominzi, ka ndo pho na wi. Tanun kziu antom ujek otaknar. 5 Esdras nazoon, zu boyeek bopenen Uzi, bolevita, na Israel uzuuz , antom bo bisro boja bo pdo un Sekanias jaki. Ka bo bisiroo.6 Esdras pun zun ahili oni zurun ku ksi Uzi, neej zun ze piinzi ze zesi Joanan, bowk Eliasib. Kero lo zolo, azi dee un oloŋ, azi daan mnzup zonkont asink kjozi maakrin ze mi baña bombiinki pjuuk kitmi oiimna Uzi. 7 Bozu ŋnsaak uzuuz ŋnsi Judá, Jerusalen na baña uzuuz bon punki ze pjuuk boya zoñnor ze Jerusalen. 8 Ze ña ambi ze mezu ŋnu ngajinz ze mi olado bohuli na boyeek; bohuli ahilun puno ŋun lo uzuuz antom ol a punun zuzoñnor boko.
9 Hunkran ze mezu ŋnu ngajinz, boiinz Juda uzuuz na bosi Benjamiŋ bo zoñnor ze Jerusalen. Ze ŋnu ŋntaaj ŋmpugz ŋnsi pli, pñenklin, baña uzuuz bo zo zuzaanz usi ku ksi Uzi. Ŋnleef ki na baka, zonkont olado oi pdolo, zonkont olur onhili ze lu makrin. 10 Nmpenen aknduoi Esdras nazoon, jak boko: Nde kit oiimna, antom ya nimro na bohaz bompazki; nde bundar pjwa duzu Boisrael. 11 Ze krankanki nde hilun pjak Uzi boliin nde bu jour nde pjwa, nde dol un ujewi, nde taas lor na baña osaaki, na bohaz bompazki. 12 Baña semba uzuuz ze knzoŋ jak lo na irim inhalii: Owadadi hunkranda, ndo pdol un ujakindo. 13 Ka bo jak lo: Ndo sumi, ka nja o zokil olura. Ndo zi hilun pduko zunzi zuri. Uni ozi o utihun onu oloŋ, ka mbaza ŋnu Bopugz ŋa, zonkont baña bonsumki ze nja bo kit oiimna ze minzmi. 14 Bo huli nja hilun pduko zi, zonkont baña nja uzuuz , zolo zimbau nja, ñiinz amari ñaz ampazi a hilun bi ze mezu klee knzuoki na boyeek uzuuz na bo dol olado bosi kmbau lo. Hunkran, oreu onhili ii zu Uzi nja zonkont ŋun ŋndaŋi o hilun phial. 15 Ñazi hil bir ozafu ondai ze mbaza Jonatas a, bowk Asael, na Zazeis, bowk Tikva; Mesulam uz na nlevita andaun Sabetai bozi digzan ozafu ominzun.
16 Hunkran bombiinkunk pjuuk digzanu ozafu ominzun. Nmpenen Uzi aknduoi Esdras dat boiinz, bonhoki yeene bowkoliin boko; itiim boko pisoo. Zonu oseke osi pli pndisiñene bozor antom pyesl olado ominzun. 17 Onu oseke osi pli pseke jawi, kero ka bo hil o toom psunkl olado osi boiinz bo hilunk nim bohaz bompazki
18 Baña bosi bowkoliin bopenen bosi Uzi bo hilunk nim bohaz bompazkunk bo hil oo: Bosi bowk Jesua, bowk Jozadaki, na pzaro boko: 19 Bo udo iñen antom jaa: Bo ptaas na bohar boko, antom digzan pjwa, bo dol wojun na ompalalu oinz osi kmeh zonkont pjwa boko. 20 Bosi kiiñ ksi Iner : Anani Zebadias. 21 Bosi kiiñ ksi Arim: Maaseis, Elias, Semaias, Jeiel e Uzias. 22 Bosi kiiñ ksi Pasur: Elioenai, Maaseias, Israel, Netanel, Jazabadi na Elasa.
23 Bosi bolevita: Jozabadi, Simei, Kelaias, (aknduoi Kelita), Petaias, Juda na Eliezer. 24 Bosi boyeh: Eliasibi./ Bosi boyeŋ plumun: Salun, Telen na Uri.
25 Baña boloŋ bosi Israel: Bosi kiiñ ksi Parós: Ramaias, Izias, Malkias, Miamin, Eleazar, Malkias na Benaia. 26 Bosi kiiñ Elan: Matanias, Zakarias, Jeiel, Abdi, Jeremoti na Elias. 27 Bosi bowk Zatu: Elioenai, Eliasibi, Matanias, Jeremoti, Zabadi na Aziza. 28 Bosi kiiñ ksi Bebai, Joanan, Hananias, Zabai na Atlai. 29 Bosi kiiñ ksi Bani: Mesulan, Maluki, Adaias, Jasubi, Seal na Jeremoti. 30 Bosi kiiñ ksi Paat-Moabi, Adna, Kelal, Benaia, Maseias, Matanias, Bezaleel, Binui na Manases. 31 Bosi kiiñ ksi Arim: Eliezer, Isija, Malkias, Semaias na Simeoŋ. 32 Benjamiŋ, Maluki na Semarias. 33 Bosi kiiñ ksi Asun: Matenai, Matatá, Zabad, Elifeleti, Jeremai, Manases na Simei. 34 Bosi kiiñ ksi Bani: Maadai, Anran, Uel. 35 Benaia, Bedeias, Kelui. 36 Vanias, Meremoti, Eliasibi. 37 Matanias, Matenai, Jaasai. 38 Bani, Binui, Simei. 39 Selemias, Natan, Adaias. 40 Maknadebai, Sasai, Sarias. 41 Azarel, Selemias, Semarias. 42 Salun, Amarias na José. 43 Bosi kiiñ ksi Nebu: Jeiel, Matirias, Zabadi, Zebina, Jadai, Joel na Benaia. 44 Boiinz bominzkun uzuuz bo hil nimro na bohaz bompazki Boloŋ buk bopz na baka.