Utihun ku kyeek ksi Uzi
5
Bohurun Uzi, Aseu na Sakarias, bowk Idu bo tep pzuup ze ktiim Uzi usi Israel ze bojudeu bo hili o ze Juda na Jerusalen. 2 Hunkran Sorobabel, bowk Sealtiel na Jesuwa bowk Josadaki, tepdun plemp ku ksi Uzi ze Jerusalen. Bohurun Uzi hil o na baka antom zinkun boko utihun.3 Zokil ominzun Tetanai, nliin ninsi ojirun-Eufrati na Setar-Boznai na bosinz, boyaa yep baka. "Nonzi zu nde plemp ku kndaaki antoom ibool kolo? 4 Bo yepro uz baña bo klempki ku kndaaki? 5 Ka pkil Uzi hil o ze duzu boyeek bojudeu baña bominz kun bozi nen baka ptihun ze bozi zu olado ze Dariu antom pseh un asembi boko ze karta.
6 Karta ksi Tetanai, nliin ninsi ojirun-Eufrates, Setar-Bosnai, na bosinz, boyeek bosi osaak ilani ze nliin Dariu koki; 7 Bo ilana un onlempoi onjaki jaink: "Ndo jeur nliin pyoŋ. 8 "Ndo jeu nliin me ja ndo ya zosaak osi Juda ze ku ksi Uzi uyeek knlempoki na ilaak yeek. Mndera o zuwoo ze duzu ibool utihun ze lempo na mnjona, uzuun ze ya na urun zosar. 9 Ndo yep boyeek ña nzui boko bo lemp ku kminzki na omur? 10 Ndo sa pot yep baka itiim boko antom ndo hilun pis yolo ndo hilan pzuup ña anhoi nyeek boko. 11 Bo seemb ndo jaink: Ndo ko botihun bosi Uzi duzu na ozee, ndo poto plemp ku khilunk o lempoo ze ŋnlur ŋonko Joni. Nliin nyeek ninsi Israel lempun kolo ankint toomi. 12 Kero ka boliindo nazun oreu Uzi usi duzu, ka uzu boko ziñen isi nkaldeu andaun aknduwoi Nabukodonosor, nliinBabilonia ansoki ku kndaaki jek baña Israel yan Babilonia. 13 Zolur oseke kero Siru lioo ze Babilonia, azuu, antom ku kndaaki ksi Uzi lempo. 14 Injuju indaiun isi mhuru, na prat isi ku ksi Uzi, Nabukodonosor punui ze ku kyeek ksi Uzi ze Jerusalen azuya ze bol psi Babilonia, nliin Siru ya punun ya ze bol, antom ka izuwoo ze kñen ñiinz aknduwoi Sesbazar, asi nliin nyeek zui antom alio ze Juda. 15 Ajaka: "Jekun ŋun ŋndaŋi antom usol, uya na ŋolo ze ku kyeek ksi Uzi ze Jerusalen, antom ulemp ku Uzi ze zun khili oni. 16 Sesbazar bil antom hir bool pseke psi ku ksi Uzi ze Jerusalen zi. Ptep zonu ominzun ka ksa lempoo anjau ze krank kozi toomi. 17 Hunkran ze nliin digzani ña kber ze ŋnliuri ze knjiu ksi nliin ze Babilonia antom pten zokint o un onjinzi, nliin Siru zu baña lemp ku Uzi ze Jerusalen. Antom ol nliin hilanu pzuup ndo un a jewi antom o dolo.