Pjinjinzun ñaaz zotoomr lo pbuk
12
NYEEK jak Moises 2 Antom alado na bowk Israel, a jak boko: "Ze ñaaz leempo, buk nmpoz ñiinz apduko na kzopi ŋnu 7, injaka mi akñoomi pli, apduko na kzopi. 3 Zonu obakrin nmpoz ka phato pleke. 4 Ñaaz ka phyoŋ ŋnu 33 antom ajinjinzno pñaak lo. Azi hilun pdapro un onhiimni; azo phya zun ze iimna an akint atoom ŋnu nnsi pjinjinzno. 5 Zabwk nmpili, apduko na kzopi imiŋu 2 injaka mi aika ñoo pli. Aka phyoŋ ŋnu 66 antom pjinjinzno pñaak.6 Zotoomr lo pjinjinzno psi nmpoz ñiinz o nmpili, aphya na owk ompalalu osi olur 1 osi un onhaloi turoo, na owale ompozi osi mez, o osi ksaal injaka un onhaloi osi pjwa. Aphya na ŋa ze kñen nmpenen Uzi, zoneeji oku uzoñnor. 7 Nmpenen Uzi ophul ŋa zurun NYEEK, apdo wojun usi pjwa psi ñaaz. Hunkran aun pjinjinzno pñaak mpumpi ze lo. Ominzi oun oiimna ze ña buk ñiiz o nmpili. 8 "Zampka mi aipzink owk ompalalu, aphya na ŋwale 2 ŋmpozŋi ŋnsi mez.1 injaka un onhaloi turoo 1 injaka un onhaloi osi pjwa. Hunkran nmpenen Uzi oun pdo wojun usi pjwa lo; antom ajiinz."