Sodoma na Gomora soko
19
Ŋiili 2 ŋminzŋun ŋnjau ze Sodoma ze montna, Lo hil zoo ze buum plumun phyeek psi kmbaau. Ka iin ŋolo, nazoo ya jik na ŋolo, liimo siŋ mnkil zozee, 2 Ka jak ŋolo: "Boyeek nji ñaun nde, nde bi ze mez ntihun nde. Zolo nde hilun pñou izima, nde fur zolo, ze nfa, nde knazo ksol. Ŋnjaka: "Ah; ndo pfurun ze kmbaau. 3 Ka añankun na ŋolo maakrin. Ŋnsol na yaa, ya ze mez lo. Ka hul ŋolo kñah, lemp opoŋ onhani pka iferment antom ka ŋnde. 4 Kero bozo piinzi boiinz uzuuz bosi ŋnjir uzuuz ze kmbaau Sodoma, ptep ze bopoz bozala anjau ze boyeek, bo kund mez. 5 Bo du Lo antom jak lo: "Boiinz bombikunk ze wi zurimbi boukon? Bina baka hul ndo moon zuri, antom ndo hilun piinz na boko. 6 Lo pun ya ze boko, dis plumun ze kfez lo, 7 a jak baka: "Nji ñaun nde boiindu ni, nde ika do un onhuzink! 8 Nde tenun, nji ka bompili 2 boani po me ñiinz. Nde yooŋan mpunun boko nhul nde zuri antom nde do boko ze mi nde jeumi. Nde ika lemp bañauki un onjozi, zonkont bo bi zeu ulimbi unkaŋ ni. 9 Ka bo jak lo: "Pun zi! Bo pot sa kiik jaa: "ñiinzi bi zunzi injaka nya antom pho zi. Ze krankanki a jeu pho ndol olado ze ŋun uzuuz! Ze krankanki ndo pdolu khuzin kmpeki ksi boko. Ka bohuk Lo na ofooza antom neej psok plumun. 10 Ka boiinz bominzkunk ze mezu ku bo sulun iñen boko bup Lo antom neejun ze mezu ku, dis plumun. 11 Bozu boiinz bominzkun bo hili o ze plumun antom bo kuuz, ptep ze bopoz an kint jau ze boyeek, ze mi banunk philun piin zun plumun oonzi.12 Boiinz 2 ukun yep Lo: "Upot ka ña loŋ ze kmbaau zi? Boyootun nu, bowku boiinz na bompili, o ñaloŋ awk aliinu? Punan baka zi, 13 Zonkont ndo ptoom na zunzi, Baña ze kiikr NYEEK maakrin, Zuup khuzin ksi baña bosi kmbaau ki. Zonkont un ominzun kaun ka NYEEK hil ndo antom ndo toom na kmbaau kminzkun. 14 Hunkran Lo pundun, lado na boyootun lo, bo hilunk opmar bowk, a jak baka: "Nde kilon, nde pun zi, zonkont NYEEK bamni ptoom na kmbaau kndaaki. Ka boyootun lo jek olado ominzun injaka ononz.
15 Kero onu ka jiinz, ŋiili Uzi huk Lo, jaklo: "Mintun! Jekun aharu na bowku 2 bonhoki zi, uki kmei ze khuzin pjwa psi kmbaau kndaaki. 16 Ze mi Lo kjomunk, boiinz bominzkun bupa ze kñene, na ahar na bowk Lo 2 bo punun baka ze kmbaau yan uri, zonkont NYEEK hil ñago yaa. 17 Kero bo punun boko zuri, aloŋ ze boko jak Lo: "Burun na phila nu! Ika ten ze kfez ka ika naz ze zun zenliŋnorzi! "Burun wya ze nkuŋ, antom uki kez!". 18 Ka Lo seemb ŋolo: "Ah Nyeek nin. 19 Ntihun nu iin kñago ze kil nu, ujaŋi mnjona magmi, ze mi ubaapmunk nji na phila, ka mbazi hilun pzi phya nkuŋ, nji kalo khuzin kminzki ki kbi kbupin, antom nkez. 20 Tenun kmbaau kntikukun kñogki, nji hilun pzidar ka. Hutnan nzidar ko lo, phila nin hilun pbur. Uzi iin ja ktiŋzi? Antom oyek ni hilun pbur. 21 Ka oiili Uzi jaklo: "O na mnjona: "Nji digzan kñahni nu. Mbazo ptoom na kmbaau kminzkun ksi uladokunk zonkont ko lo. 22 "Mulon osar, wya ze ko lo, zonkont mbazo philun plemp un oloŋ ze wampo jau ze kolo. Zonkont un ominzun kaun kmbaau kminzkun dwo Zoar, one ktiŋzi."
Sodoma na Gomora sokoo
23 Lo jau ze Zoar, kero onu ojiinzi. 24 NYEEK hutun olur osi uroo gumlor na mun mnloŋ mikndwomi nsofri duzu Sodoma na Gomora. 25 Hunkran atoomdun na imbau iminzyun zun ze nliŋnorzi na baña uzuuz bo hili o zimbaau iminzyun, na mun uzuuz mmaimi zozee. 26 Ka ahar Lo ten ze kfez, hugloo onsantu ptiil. 27 Abroŋ nazoo ze khanan, aya zun ze minzun zesi ahili oni zurun NYEEK. 28 Aten zojir Sodoma na Gomora, na ŋnjir ŋliŋnorŋi uzuuz ŋnsi osaak ominzun, a iin odu okmpayoi duzu injaka uroo usi onfurnu.
29 Kero Uzi toom na imbau isi zun ze nliŋnorzi, Uzi lel phuuz udopi na Abroŋ, punun Lo ze psoof zun ze nsokozunk, kero uka toom na imbau iminzyun isi Lo hili oni.
Lo na bowk
30 Lo na bowk 2 bo pun ze Zoar, bo ya o zonkuŋ a hili kalo pho ze Zoar, alo na bowk lo 2 bo ya o zwir ilaak. 31 Onwan ninseke lo nmpili jak aza: "Aliin ja o zafi. Ozi ka ñiinz zojir ondai ai nimz na nja ze mi okami mhagzin ze ŋnsaak uzuuz . 32 Biiri nja hul aliin nja pkem a daan nja hilun piinz na lo, antom nja hilun pbaap kiiñ ksi aliin nja. 33 Zurim uminzun bo hul aliin boko pkem ka daani. Ka azi bamb ori apiinzi na lo, ka azi te ori anazoi. 34 Zonu oloŋ awk lo nnsek lo un jak nmpugzanu: "Tenun! Montoŋ zurim nji piinz na nliini. Nja pot nja hulo pkem adaan zurimbi, antom upiinz na lo, antom nja baap kiiñ aliin nja. 35 Bo hul aliin boko pkem antom ka daan zurim uminzun. Hunkran awk lo ampozownk nazodun ya piinz na lo. Lo azi bamb men apiinzi ka men a sa nazoo. 36 Hunkran Lo leempnandun bowk lo 2 uzuuz . 37 Ninsek lo un buki du ktiim nmpoz Moabi: Aminzi a o aliin bomoabita anjau hankri. 38 Awk Lo nmpugzan nu sa buk nmpoz uz, adu ktiim lo Benami. Aminzi o aliin bomonita anjau hankri.