Baña bosi ŋrasa uzuuz zosaak hil ka zolado oloŋ bo hil a ka lado ze mnloŋ.
2 Kero boiinz ka ya zojir pmair onu bo iin zun ze loŋ ze Sinar zekuŋzi zosaak osi Babilonya, ka bo o zolo.
3 Bo jakroo: "Nja leemp itisol nja tur yolo na mnjona. Bo zu itisol ze kfah ilaak, alkatroŋ ze kfah ksi okal.
4 Bo jakroo: "Nja lemp kmbaau kmagki na ku knhalki khoki pjunk duzu. Nja ber ktiim nja dwo, nja kiktaslor khairo ze ŋnsaak uzuuz.
5 NYEEK yetoo antom pten kmbaau na ku knhalki ksi bowk boiinz hili ze leempi; NYEEK jaa: "Bañauki o zozaafu oloŋ, bo ka zolado oloŋ. Tenun un bo tepi plemp! Zurun, ŋun uzuuz ŋnsi bo jeuŋi plemp bo philun plemp ŋa.
6 NYEEK jaa: "Bañauki bo ozo ozaafu oloŋ, bo ka zolado oloŋ. Tenun un bo tepi plemp! Zurun, ŋun uzuuz ŋnsi bo jeuŋi plemp bo philun plemp ŋa.
7 Nde biir nja yeto, nja atatun mnladar boko antom bo ki ktezor."
8 Hunkran NYEEK taaslanu boko ze zun ze minzun ze ŋnjir uzuuz zosaak. Ka bo hutun plemp kmbaau kminzkun.
9 Onkaanun ka bo du zun ze minzun ktiim Babel, zonkont zoze NYEEK atatnun mnladar baña zosaak uzuuz. Zoze NYEEK taaslanu boko ze ŋnsaak uzuuz .
10 Iiñ indai o isi Seŋ. Kero ŋnlur 2 zipi ŋnsi olur omagunk, kero Seŋ ka ŋnlur 100, abuk Arfasad.
11 Kero ka buk Arfasad, Seŋ ka phila ŋnlur 500, abuk bopoz boiinz na bompili.
12 Arfasad ka ŋnlur 35, antom buk Sala.
13 Kero ka Arfasad buk Sala a ka ŋnlur 403, abuk bopoz boiinz na bompili.
14 Sala ka ŋnlur 30, antom buk Eber.
15 Kero Sala buk Eber a ka ŋnlur 403, abuk boiinz na bompili.
16 Eber ka ŋnlur 34, antom buk Peleg.
17 Kero Eber buk Peleg, a ka ŋnlur 430, antom buk bopoz boiinz na bompili.
18 Peleg ka ŋnlur 30 antom buk Reu.
19 Kero Peleg buk Reu, a ka ŋnlur 209, abuk bowk boiinz na bompili.
20 Reu ka ŋnlur 32, antom buk Serug.
21 Kero Reu buk Serug, Reu ka ŋnlur 207, abuk bowk boiinz na bompili.
22 Serug ka ŋnlur 30, antom buk Naor.
23 Kero Serug buk Naor aka ŋnlur 200, abuk bowk boiinz na bompili.
24 Naor ka ŋnlur 29, antom buk Tera.
25 Kero ka buk Tera, Naor ka ŋnlur 119 buk bowk boiinz na bompili.
26 Tera ka ŋnlur 70, buk Abroŋ, Naor, na Araŋ.
27 Iiñ indai o isi Tera. Tera buk Abroŋ, Naor na Araŋ. Araŋ buk Lo.
28 Kero aliin lo Tera um hili, Araŋ kez zosaak bowkoliin okndwoi Ur zosaak osi Bokaldeu.
29 Abroŋ na Naor bo mari. Ktiim ahar Abroŋ dwo Sarai, ka ksi ahar Naor dwo Milka awk Araŋ anhoi aliin Milka na Iska.
30 Sarai hil feuzoo azi ka nmpoz.
31 Tera jek awk lo Abroŋ, na Lo awk Araŋ awawi lo na Sarai awawi lo, ahar awk lo Abroŋ, ka pun na boko ze Ur dsi bokaldeu, antom phya osaak osi Kanaan, bo ya ankit jau ze Araŋ zun bo duknozi.
32 Tera ka ŋnlur 205 ze phila lo uzuuz, antom kez ze Araŋ.