Dos Iko‑oruwon Sulat ni Pablo Atag ki
TIMOTEO
Unna nod Bosan
Ini en kos iko‑oruwon sulat ni Pablo atag ki Timoteo iddot noprisu sikandin to nouhoy’n timpu riyot Roma (1:8;16‑18; 2:9). Woy ini en kos kotompusan to langun no sulat ni Pablo, oyyos waa nouhoy pomon tadda, od imotayan sikandin pomon to kodponudtuu rin moka‑atag ki Disas Krays (4:6). De‑en iling to ponaantaan din ini ki Timoteo. Inin timpu, diyon pa si Timoteo to Efeso amoy od nonaw to id lolivuung nod pompomakoy rutun. Sokkad no dontulon ni Pablo to kodsulat ka‑ay, idda en so kodpo‑undiyon din ki Timoteo to Roma.
Ka‑ay’n sulat, mo‑uraa kos pomandu ni Pablo ki Timoteo amoy’d ponokkaa to ginawa rin. Id pomandu rin no od ponayun sikandin nod nonaw ahad duwon od supak kandin. Woy ko‑ilangan nod puungan din iddos id sanna to Monama ahad duwon od posuppit kandin.
Id paabbotlabbot din ki Timoteo iddos morat no kodbovotasan to mgo minuvu init morin mgo allow, woy id pomonduwan din sikandin no od poriyu pomon to mgo minuvu no iling tadda. Id pomonduwan din mandad si Timoteo no konnod lonug taddot waa koru‑anon no mgo kodpo‑opuloy, ko konna, ko‑ilangan no od ooyyaran din tod ikuu woy’d nonaw iddos bonnaan nonaw no id pomon to Monama.
Dos mgo Nokota‑aw:
Kodpokilaa (1:1‑2)
Dos kodposolamat woy kod‑inniyat ni Pablo ki Timoteo (1:3‑18)
Dos pomandu ni Pablo to kodti‑is to kosupittan (2:1‑13)
Dos moppiyon uripon to Monama (2:14‑26)
Dos kodbovotasan to minuvu init morin mgo allow (3:1‑9)
Id loglohottan ni Pablo si Timoteo no od ponayun nod ponudtuu to kahit Monama (16-2TI-016.html">16-2TI-016.html">16-2TI-016.html">16-2TI-003.html#v10">16-2TI-016.html">16-2TI-003.html#v10">16-2TI-003.html#v10">3:10 taman to 4:8)
Dos ponaannon ni Pablo ki Timoteo (4:9‑22)
Kodpongumusta (4:19‑22)