Dos Unnon Sulat ni Pablo Atag ki
TIMOTEO
Unna nod Bosan
Ini en kos unnon sulat ni Pablo atag ki Timoteo no sudduwan pa no id pomon diyot Listra no sakup to prubinsya to Galacia. Iddos amoy rin, Griego woy dos inoy rin, Judio.
Si Timoteo, anak ni Pablo riyot kopomakoy (1:2, 18). Mowwet kos sinorollan din to kahit Monama pomon to koddumoruma rin ki Pablo iddot iko‑oruwon kod‑undiyon din to id ponlolivuung nod pompomakoy amoy od ponudtuu to kahit Monama. Na, id po‑ubpa ni Pablo si Timoteo riyot Efeso amoy’d nonaw taddot od pompomakoy rutun woy riyot mgo bonuwa no morani to Efeso.
Iyon dakkoon dontulon ni Pablo to kodsulat ka‑ay, idda en so kod‑inniyat din ki Timoteo no konna pa sikandin od tanan diyot Efeso amoy od suggan din iddos od ponnonaw to konna bonnaa (1:3).
Ka‑ay’n sulat, id pomandu rin ki Timoteo iddos moka‑atag to koddasaa woy dos ollog no kodbovotasan to mgo ponguu tod pompomakoy. Id pomandu rin mandad ki Timoteo, no ko‑ilangan moppiya sikandin no uripon to Monama, oyyos sikandin man kos od piyod tod pompomakoy.
Dos mgo Nokota‑aw:
Kodpokilaa (1:1‑2)
Dos moka‑atag taddot od ponnonaw to konna bonnaa (1:3‑20)
Dos pomandu moka‑atag to kodsimba (2:1‑15)
Dos ollog no kodbovotasan to mgo ponguu tod pompomakoy (3:1‑13)
Dos dontulon to kodsulat ni Pablo (3:14‑16)
Dos moka‑atag to konna bonnaan nonaw (4:1‑5)
Dos moppiyon uripon ni Disas Krays (4:6‑16)
Dos ollog no kodbovotasan tod pompomakoy (15-1TI-015.html">15-1TI-015.html">15-1TI-015.html">15-1TI-005.html#v1">15-1TI-015.html">15-1TI-005.html#v1">15-1TI-005.html#v1">5:1 taman to 6:2)
Dos mooggot no korotuwan (6:3‑10)
Kotompusan no mgo pomandu (6:11‑21)