Kalata gwa kwanda ʉgwa
Johani
Ɨsyakʉlongosya
Ʉntʉmigwa Johani aasimbile kalata ʉjʉ kʉ biitɨki bamo aba aabaganile bo ʉlwa baanaake. Ikʉbapyelesya abiitɨki ʉkwendelela ʉkwɨma kanunu ndwitɨko kwa Kyala mwa Jesu Kɨlɨsiti, kangɨ ikʉbasoka ʉkʉsikaana ɨmanyisyo sya bamanyisi baa bʉtʉngʉlʉ, aba baalimo nkɨpanga kya Kyala. Ikʉbakʉmbʉsya abiitɨki ʉkʉtɨ ʉmwene aalɨ na Jesu, po ʉlo ameenye nalooli ʉkʉtɨ Jesu aalɨ nʉ mbɨlɨ ʉgwa mundʉ bo ʉlwɨtʉ, kangɨ aalɨ Mwana gwa Kyala. Ikʉbasisimɨkɨsya abiitɨki ʉkʉtɨ, aabikʉjaga nʉ bʉʉmi bwa bwila na bwila, lɨnga bikwendelela ʉkʉmmwitɨka Jesu. Ikʉbabʉʉla ʉkʉtɨ abiitɨki bikʉlondigwa bwila bannganege Kyala nʉ kʉganana abeene.
Ɨsi silimo mwa kalata ʉjʉ
Jesu lyo isyʉ ɨlya bʉʉmi 1:1-4
Abiitɨki bajege maaso na bamanyisi baa bʉtʉngʉlʉ, bendelelege ʉkʉja pamopeene na Kyala 4:1-21
Ʉkʉbʉtola ʉbʉtʉlanongwa nʉ kʉja nʉ bʉʉmi bwa bwila na bwila 5:1-21