Kalata gwa bʉbɨlɨ ʉgwa
Peeteli
Ɨsyakʉlongosya
Ʉntʉmigwa Peeteli aabasimbiile abiitɨki bamo, bo ameenye ʉkʉtɨ ikʉja pakʉgogigwa. Ɨnyango jaake kwalɨ ko kʉbakʉmbʉsya abiitɨki, ʉkʉtɨ bwila mbʉʉmi bwabo bajege na kajɨɨlo aka kikʉnkyela Kyala. Mwa kalata ʉjʉ ikʉbapyelesya abiitɨki, ʉkʉtɨ balɨngalekaga ʉkʉsikonga ɨmanyisyo sya Kyala na Jesu Kɨlɨsiti, ɨsi baalyambɨliile ʉkʉfuma kʉmyake, na kʉ bangɨ aba baalɨmmbwene Jesu nʉ kʉmpɨlɨka bo mʉʉmi. Ikʉbasoka ɨsya bamanyisi baa bʉtʉngʉlʉ, aba bikwisa mfipanga fya Kyala. Abamanyisi abo baamanyisyaga ɨsya kʉbasofya abiitɨki, ʉkʉtʉʉgala nkajɨɨlo akabiibi, nʉ kʉtɨ Kɨlɨsiti atikwisa kangɨ. Looli Peeteli ikʉbasisimɨkɨsya ʉkʉtɨ nalooli Kɨlɨsiti ikwisa. Po Kyala ikwisa kʉkɨpyuta ɨkiisʉ kyosa ɨkya kabalɨlo aka, nʉ kʉpela ɨkiisʉ ɨkɨpya. Nkiisʉ ɨkyo ʉbʉtʉlanongwa aabʉtikʉjamo.
Ɨsi silimo mwa kalata ʉjʉ
Peeteli ikʉbaponia abiitɨki 1:1-2
Ikʉbakʉmbʉsya ʉkʉtɨ bakooleliigwe ʉkʉja bandʉ baa Kyala 1:3-21
Abamanyisi baa bʉtʉngʉlʉ 2:1-22
Jesu ikwisa kangɨ iisikʉ lɨmo 3:1-18