Iisyʉ lya NTWA lɨlɨ na maka amakʉlʉmba
Ʉlwɨmbo ʉlwa Ndaabɨti.
29
Ʉmwe mwe fipeligwa fya kʉmwanya, mumpaalege ɄNTWA.Mubʉpaalege ʉbʉsisya bwake na maka gaake.
2 Mujɨpaalege ɨngamu jaa NTWA,
mummwipuutege ɄNTWA pabʉjo bwake ʉbwikemo.
3 ɄNTWA alɨ pa nyanja pa maka.
Kyala ʉnsisya ikʉtajanika.
Ɨliisyʉ lya NTWA likʉtajanika pamwanya pa nyanja.
4 Ɨliisyʉ lya NTWA lɨlɨ na maka.
Ɨliisyʉ lya NTWA isisya.
5 Ɨliisyʉ lya NTWA likʉkonyolania nɨ mipiki ɨmikafu.
ɄNTWA ikʉkonyolania konyolania ɨmipiki ɨmikafu ɨgya mu Lebanoni.
6 Ikʉpela ɨkyamba Lebanoni ʉkʉkina kina bo ʉlwa ngwata,
ɨkyamba Silioni bo ʉlwa mwana jaa mbogo.
7 Ɨliisyʉ lya NTWA likʉtajanika nʉ kʉsoosya ɨnjasi.
8 Ɨliisyʉ lya NTWA likʉjʉngaania amatengele.
ɄNTWA ikʉgajʉngaania amatengele agaa mu Katesi.
9 Ɨliisyʉ lya NTWA likʉjʉgɨɨsya ɨmyale,
kangɨ likʉpʉlʉla amaani gaa matengele.
Mu tempeli boosa bikʉlaata bikʉtɨ, “Nsisya.”
10 ɄNTWA alɨ pa kɨkota kya bʉtwa, pakabalɨlo kaa pa mweleesyo.
ɄNTWA jo Malafyale, ikʉlagɨla bwila na bwila.
11 ɄNTWA abape amaka abandʉ baake.
ɄNTWA abasaje nʉ lʉtengaano.