Ʉkʉsʉʉma ʉbʉtʉʉli nkabalɨlo akaa bʉtolwe
Kʉ mpaali gwa lwɨmbo. Ʉlwɨmbo lwa kwɨmbɨla ɨfyombo fya mbote, ʉkʉkongana nʉ lʉbaatɨko ʉlwa Seminiti.a Ʉlwɨmbo ʉlwa Ndaabɨti.
6
Gwe NTWA, ʉlɨngangemelaga kʉ bʉkalale bwako,pamo ʉkʉʉfunda nɨ ngalalɨsi syako.
2 Gwe NTWA, ʉmbaakɨsye,
namanga amaka gangʉ gamaliike.
Gwe NTWA, ʉʉmbʉmbʉlʉsye,
namanga ɨfifupa fyangʉ fikʉbaba fiijo.
3 Ngʉtaamigwa fiijo mu ndumbula jangʉ.
Gwe NTWA, ngʉjaga bo ʉlʉ mpaka ndɨli?
4 Isaga gwe NTWA, gʉmboke.
Kwi ipyana lyako, ʉʉnyaabʉle.
5 Ʉjʉ afwile akabagɨla ʉkʉkʉkʉmbʉka.
Jwani abagiile ʉkʉkʉpaala ʉgwe kʉ bʉsyʉka?
6 Ngandile kʉnongwa jaa kʉlɨla fiijo.
Kʉkʉtɨ kɨlo ngʉnyopesya ɨkɨtala kyangʉ,
apa ngʉlambalala poolwibe na maasosi.
7 Amaaso gangʉ giiswile kʉnongwa jaa kʉlɨla,
gapʉʉpeele kʉnongwa jaa balʉgʉ bangʉ,
aba bambelile ʉkʉlɨla.
8 Namusookepo kʉmyangʉ, mwe babomba mbiibi ʉmwe,b
paapo ɄNTWA apɨliike ʉkʉlɨla kwangʉ.
9 ɄNTWA apɨliike ʉkʉpyelesya kwangʉ,
ɄNTWA ambɨliile ʉlwipuuto lwangʉ.
10 Abalʉgʉ bangʉ boosa aabikʉsʉʉka nʉ kʉkoligwa nʉ lʉtende.
Aabikʉgomokela kʉnyuma nʉ kʉsʉʉka nakalɨnga.