10
Nuh nea Upu nea Momou
1 Areini sahoro Nuh ne hehuka nea upu momou nanao. Nuh ne hehuka mo, Sem, Yafet runa Ham. Waene erekaisunu suka, oyo tonuso osusu haha no hehuka hanaia.
Yafet ne hehuka
2 Yafet ne hehuka mo,
Gomer, Magog, Madai, Yawan, Tubal, Mesekh runa Tiras.
3 Gomer nea upu momou sahoro orueso pani:
Askenas, Rifat runa Togarma.
4 Yawan nea upu momou sahoro orueso pani:
Elisa, Tarsis, nusa Siprus runa Rodes. 5 Sio rei sahoro noa upu momou orueso pena nusau. Orueso pena nua nusua. Reiso sio rei pusiso sahoro Yafet nea upu momou. Orueso pena ruao no niana. Pena niana waroni no sou sakakau.
Ham ne hehuka
6 Ham nea upu momou mo,
sio Kus, Mesir, Libia runa sio Kanaan.
7 Kus nea upu momou mo,
sio Seba, Hawila, Sabta, Raema runa sio Sabtekha.
Raema nea upu momou mo,
sio Syeba runa sio Dedan.
8 Kus anai hanaie isa nanai Nimrod. Ia sahoro iahita iake inesi sio pusiso mai tuniai reini. 9 Anahatana iakahaiki na iakaohu iake inesi sio pusiso. Reiso sio oasau. Oahata, “Uainisi na Anahatana iunaya akaohu iake sani Nimrod.” 10 Mataanoe Nimrod irime Babel, Erekh runa Akad. Kotau tonu rai waropani otoe Babilonia. 11 On pani Babilonia ieui na poe Asur. Hoka poe oyo iapuoo kotau Niniwe, Rehobot-Ir, Kalah 12 runa Resen. Resen wani kua Niniwe runa Kalah uare tihue. Kota rei mo, kota mainae.
13 Mesir nea upu momou mo,
sio Lidia, Anamim, Lehabim, Naftuhim, 14 Patrusim, Kasluhim runa sio Kaftorim. Sio Kasluhim noa upu momou tau sio Filistin.
15 Kanaan ne hehuka mo,
Sidon, ia manaonete, runa Het, ia muie. 16 Kanaan iae nea upu momou tau sio Yebusi, Amori, Girgasi, 17 Hewi, Arki, Sini, 18 Arwadi, Semari runa sio Hamati.
Kanaan nea upu momou rei orue osama-samaso ohainau umau. 19 Reiso no tihua rai nene nenena hainau, on pani Sidon ereeu na poe Gerar erehokai haineke Gaza. Hae napi ranie matae eresaa nanie ereeu na ria Sodom, Gomora, Adma runa Zeboim, rotu-tu haineke Lasa.
20 Sio rei sahoro Ham nea upu momou. Orue sakakau niana, sakakau sou.
Sem ne hehuka
21 Sem wanini tau Yafet. Sem sahoro nea upu momou sio Ibrani.
22 Sem ne hehuka mo,
Elam, Asyur, Arpakhsad, Lud runa Aram.
23 Aram nea upu momou mo,
sio Us, Hul, Geter runa sio Mas.
24 Arpakhsad isusu Selah.
Selah isusu Eber.
25 Eber isusu anai hanaia ua.
Ia manaonete nanai Peleg. Tea mo, tau ne naene sio pusiso mai tuniai reini osama-samaso pena niana. Peleg nene manariti, “Osama-samaso”. Ia muie nanai Yoktan.
26 Yoktan nea upu momou mo,
sio Almodad, Selef, Hazar-Mawet, Yerah, 27 Hadoram, Uzel, Dikla, 28 Obal, Abimael, Syeba, 29 Ofir, Hawila runa sio Yobab. Sio rei pusiso sahoro Yoktan nea upu momou.
30 No tihue wani orueso tanui reimo hekani on nau Mesa ereeu rotu-tu ria Sefar. Sefar areimo, waria pupua napi ranie matae eresaa.
31 Sio rei pusiso, Sem nea upu momou. Orue sakakau otoa, sakakau niana, sakakau sou.
32 Sio rei pusiso utuso sahoro Nuh nea upu momou. Niane osa ereeu mai niane osa. Ipane osa ereeu mai ipane osa. Sio rei pusiso utuso sahoro Nuh nea upu momou. Reiso waene eresaa suka, samatoro sio rei pusiso orati sio niana-niana mai tuniai reini pusiki.
Sem nea Upu nea Momou
10 Areini sahoro Sem nea upu momou nanao. Waene erekaisunu musum ua nea, Sem ne musum utuni. Ne musum utuni samatoro isusu anai hanaie manaonete. Nanai Arpakhsad. 11 Isusu Arpakhsad oyo ikarihuru iamahai rotu-tu musum 500 honu. Ne isusu ne hehuka umau honu.
12 Arpakhsad ne musum 35, isusu anai hanaie manaonete nanai Selah. 13 Isusu Selah oyo ikarihuru iamahai rotu-tu musum 403 honu. Ne isusu ne hehuka umau honu.
14 Selah ne musum 30, isusu anai hanaie manaonete nanai Eber. 15 Isusu Eber oyo ikarihuru iamahai rotu-tu musum 403 honu. Ne isusu ne hehuka umau honu.
16 Eber ne musum 34, isusu anai hanaie manaonete nanai Peleg. 17 Isusu Peleg oyo ikarihuru iamahai rotu-tu musum 430 honu. Ne isusu ne hehuka umau honu.
18 Peleg ne musum 30, isusu anai hanaie manaonete nanai Rehu. 19 Isusu Rehu oyo ikarihuru iamahai rotu-tu musum 209 honu. Ne isusu ne hehuka umau honu.
20 Rehu ne musum 32, isusu anai hanaie manaonete nanai Serug. 21 Isusu Serug oyo ikarihuru iamahai rotu-tu musum 207 honu. Ne isusu ne hehuka umau honu.
22 Serug ne musum 30, isusu anai hanaie manaonete nanai Nahor. 23 Isusu Nahor oyo ikarihuru iamahai rotu-tu musum 200 honu. Ne isusu ne hehuka umau honu.
24 Nahor ne musum 29, isusu anai hanaie manaonete nanai Terah. 25 Isusu Terah oyo ikarihuru iamahai rotu-tu musum 119 honu. Ne isusu ne hehuka umau honu.
26 Terah ne musum 70, isusu ne hehuka hanaia tonu. Ia manaonete nanai Haran. Ia autihue nanai Abram. Ia muie nanai Nahor.
Terah ne Hehuka
27 Areini sou monae arihoni Terah. Terah isusu Haran, Abram, runa Nahor. Haran isusu anai hanaie manaonete nanai Lot. 28 Isusu Lot. Ereeu honu oyo amai, Haran, imatai pani ne niane hahae. Ne niane rei nanae Ur. Ur wapani otoe Babilonia. Haran imatai mo, amai iamahaiki asi. 29 Abram iausahai inana Sarai. Nahor inana Milka. Milka mo, Haran anai pina. Haran, anai hanaie isa honu, nanai Yiska. 30 Ne Sarai mo, imutui. Isusu tewa.