Yohana 1

Angʼana Anchömu e Yesu Kirisito

kinya ꞉yaandëkuru na

Yohana

Angʼana ꞉niichiri akabha omooto

Simoka hayo, Angʼana neere‑ho. Angʼana iyo neere haghirohamu ne Eryobha. Wiiki Angʼana iyo neere Eryobha. 2 Korwera simoka, Angʼana iyo nibheere haghirohamu ne Eryobha. 3 Eryobha ꞉ndiitëëmiri ebheghiro bhyose gho kohetera ghokooche, ghetaanyi‑ho koru egheghiro kimu kino ꞉ghiitëëmuru iwe ataanyi‑mu. 4 Niwe simoka e bhuhöru, no obhuhöru bhuyo mbokurëëta obhwero kwo bhaato bhoose. 5 Obhwero bhuyo mbohaarëngaari mo‑kengʼuuri, ne ekengʼuuri ghetabhokindiri.

6 ꞉Niichiri omooto umu uno atomuru ne Eryobha, eriina reeche Yohana. 7 Yohana ꞉niichiri ghughambera obhwero bhuyo, kubha kwo bhwibhateri bhooche abhaato bhoose bhatore kobhokumi. 8 Yohana omwene taare obhwero bhuyo, amare ꞉niichiri ghughambera amangʼana gha bhwero bhuyo. 9 Uyo niwe obhwero bho hëënë, nakurëngaareri omooto woose, naare ichiri mo‑se.

10 Mbe, Angʼana neere‑ho mo‑se muno. Amare abhaato bha mo‑se bhatayimënyiri, koru nangabha Eryobha ꞉riitëëmiri ase gho kohetera ghokooche. 11 ꞉Niichiri kwo bhaato bhaache, amare ibho bhataamosongʼaaniri. 12 Amare bhoose bhano ꞉bhaamosongʼaaniri na komokumi, ꞉naabhaheere obhotoro bho kubha abhaana bha Ryobha. 13 Bhayo nibho abhaana bha Ryobha, bhano ꞉bhiibhwiru taanyi kwo masaahë, hamu amiigha gha mobhere, hamu amiigha gha mosubhe, amare n‑kwo Ryobha eryene.

14 Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

15 Yohana ꞉naaghambiri kwo bhaato amangʼana gha mooto uyo, aghatiiri eriiraka arabhugha, “Uno niwe neere nerabhabhoorera nerabhugha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’ ”

16 Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha. 17 Mbe, gho kubha Eryobha ꞉ndeeruusiri emeghiro gheeche gho nchëra e , amare aghareeya no obhuhëënë mbiichiri gho nchëra e Yesu . 18 Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Obhwibhateri bho Yohana Omubhatisaachi

(Mataayo 3:1–12; Maariko 1:1–8; Ruuka 3:1–18)

19 Orosiko rumu, abhakangati bha Bhayahuuti ꞉mbaabhatomiri na Abharaawi koru , bhamobhoori Yohana kubha n‑niwe. Bhuno nibho obhwibhateri bhooche, 20 nabhagharokiiri, taabhisiri obhuhëënë, akabhugha, “Eni taanyi Kirisito.” 21 Bhakamobhoori wiiki bhakabhugha, “Mbe, iye niiye we? Kana, iye n‑omurööti Eriya?” Yohana akabhagharokeri akabhugha, “Tiyaanyi, eni taanyi .” Ibho bhakamobhoori wiiki bhakabhugha, “Kana, iye n‑omurööti wuure toghughanya koru kwo Waryobha?” Yohana akabhagharokeri arabhugha, “Tiyaanyi, taanyi eni.” 22 Bhakamobhoori wiiki bhakabhugha, “Mbe, iye niiye we? Otobhoorere kubha tobhahirere amangʼana bhano bhatotomiri. Iye neke okobhugha ighoro yaacho iye mwene?” 23 Yohana akabhagharokeri kurëngʼaana na amangʼana ghano omurööti Isaaya abhughiri,

“Eni n‑eriiraka re mooto,

ndekobherekera mwibhara rerabhugha,

‘Mughöröröki anchëra e Mutëmi Waryobha!’ ”

24 Niho abhaato bhaare ꞉bhaatomuru na o‑Yohana, 25 bhakamobhoori wiiki bhakabhugha, “Aribha iye taanyi Kirisito, hamu omurööti Eriya, hamu omurööti owonde o Ryobha, ngwake okubhatiisa?” 26 Yohana akabhagharokeri akabhugha, “Eni nekubhatiisa kwo manche agheene. Amare ghateghate yaanyu, naanyi‑ho uno inyu motamweche. 27 Uyo niwe uno akuucha anyuma yaane. Eni nteekurëngʼaanera koru ghusaasura chambasani che bhekwera bheeche.”

28 Ghoose ghayo ꞉ngaaköruru mo‑kyaro ke Bhetaniya, eribhaara re roghoro re rooche ro Yorotaani, hano Yohana are arabhatiisa abhaato.

Yesu niwe Omoona o Ngʼöndu o Ryobha

29 Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose! 30 Uno niwe uno neere nerabhabhoorera ighoro yaache kubha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’ 31 Eni koru ntemumënyiri kubha n‑niwe, amare eni niichiri kubhatiisa kwo manche kubha abhaato bha Isiraeri bhatore komumënya.” 32 Niho Yohana akabhabhoorera ghano arooche arabhugha, “Neyerooche Akörö e Ryobha eriika kinya egheghuuti koru mwishaaro na ghwikara ighoro yaache. 33 Eni ntemumënyiri kubha n‑niwe, amare Eryobha rino rentomiri kubhatiisa abhaato kwo manche ndembooriire, ‘Omooto uno Akörö yaane eghwika na ghwikara ighoro yaache, uyo niwe akubha arabhabhatiisa abhaato gho .’” 34 Niho Yohana akëëndërëra kobhugha, “Eni negharooche, wiiki neghoghaghamba, kubha uyo niwe .”

Yesu ˆakabhaahura abhaanabheegha bhaache a bhambërë

35 Atabhoori yaache, Yohana naare haghirohamu na abhaanabheegha bhabhere ghate e bhaanabheegha bhaache. 36 Niho akamorighi Yesu araheta haghuhe nabho. Akabhabhoorera abhaanabheegha bhaache akabhugha, “Mööhi, uyo n‑Omoona o Ngʼöndu o Ryobha!” 37 Hano abhaanabheegha bha Yohana ꞉bhooghwire ghayo, bhakamutambana Yesu. 38 Mbe, Yesu aghiishoorori, akabharighi abhaanabheegha bhaare bharamutambana. Akabhabhoori akabhugha, “Kana, neke mokwënda?” Ibho bhakamugharokeri bhakabhugha, “Oo Raabhi, kana, hayi umanyiri?” Raabhi egheteemoro keeche n‑Omweghi. 39 Yesu akabhugha, “Muuche, na niinyu mokoharighi.” Niho bhakamutambana. Mo‑chaasa ikomi che mughörööbha, bhakahika hano are amanyiri, bhakahööya nawe orosiko ruyo. 40 Omoonamwegha umu ghate e bhaanabheegha bhaare bhabhere, bhano ꞉bhooghwire amangʼana ghaache koru kwo Yohana na komutambana Yesu, naare arabherekeru Andereya, omonyi o Simiyooni Bheetero. 41 Hayo hayo, aghaye komutabhara Simiyooni omokoro waache. Hano amobhwine, akamobhoorera akabhugha, “Ntomorooche Masiya!” Masiya egheteemoro keeche n‑. 42 Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Yesu ˆakabhaahura bhaanabheegha abhande bhabhere

43 Atabhoori yaache, Yesu akëënda kobhooka ghuye mo‑mukööwa o . Niho akamorighi Bhiiribho, akamobhoorera akabhugha, “Nuuche, untambane.” 44 Bhiiribho naare omooto o moghya o Bhetisaayita, hano Andereya na Bheetero bhoose ꞉bhaare bhamanyiri. 45 Mbe, Bhiiribho akamubhöna Natanaheri, akamobhoorera akabhugha, “Ntomorooche omooto uno Musa andëkiri amangʼana ghaache mo‑ghitabhu ke Meghiro, wiiki uno abharööti ꞉bhaandëkiri amangʼana ghaache. Eriina reeche n‑Yesu o Nasareeti, mwërëëti o Yusubhu.” 46 Amare Natanaheri akamobhoori akabhugha, “N‑gheghiro ke ghichömu gheghotora koru mo‑moghya omosuuhu o Nasareeti?” Bhiiribho akamugharokeri arabhugha, “Nuuche, orighi.”

47 Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.” 48 Natanaheri akamobhoori Yesu akabhugha, “Oo Omutëmi, nibhu uköriri okaamënya?” Yesu akamugharokeri akabhugha, “Koru hano Bhiiribho are akeere ghokobherekera, eni nekorooche wikeere haase e mokoowa.” 49 Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

50 Yesu akamobhoori akabhugha, “Kana, noghokumi gho kubha ꞉neekobhooriire kubha nekorooche wikeere mo‑mokoowa? Noghogharighi aghande amakoro ghokera ghano! 51 Mahëënë ˆnekabhabhoorera, mokuucha korighi Mwishaaro hiighokiri, na mokobharighi bha Ryobha bharatiira na ghwika ighoro yaane eni uno neenyi .”