Act 18

Paulose wo gatlhana le Akwila kuwa Korente

Paulose a tloga Athene a ya Korente. 2 Ho na hone a gatlhana le Mojuda ye ba reng ke Akwila, ye a belegeleng ku wa Pontiyase, ye ke ho a tlile a yetjwa Itali le mosadi wa ge Prisilla, ka taba la gore Klelodiyase Kasara ke ho a layele Majuda ka moka gore ba tloge Roma. Paulose a ya go ba bonneng, 3 ka taba la gore ke ho yele motho wa go maka ditente go tshwana nabo, a ya a dula nabo a bereka le bona. 4 Ka letjatji le lengwana le lengwana la Sabatha a phegisana nabo senagogeng, a leketsa go fetola dipelo tsa baJuda le Bagerika

5 Ho Silase le Timotewo ba tlile ba yetjwa Masedoniya, Paulose ke ho a berekisa nako ya ge go rera lentju, a pakela bajuda gore Jesu ke Kriste. 6 Mara ho baJuda ba ganetsa Paulose ba yibeye ba morogelela, Paulose a rothotha lerole la dikobo tsage a re: “ Madi ya lune a ho gedimo ga ditlhogo tsa lune, a kena molato, go tloga gana byalo ke ye go rerela Baditjhaba.”

7 Byalo Paulose a tloga hone senagogeng a ya ntlong ya Titose Justose, ye ke ho yile motho wa go khunamela Modimo, ke ho a dula thina le senagoge. 8 Krispase, moyetapele wa senagoge, le batho ka moka bantlo yage ba dumela ga Morena. Ba go tlala ba ba Korente le bona ba kweleng Paulose badumela ke moka ba kolobetsiwa.

9 Boshego byo bongwana Modimo a bolabola le Paulose ka ponong a re: “Wo sa tshoge, tjwela pele wo bolabole, wo sa kgomolele. 10 Ka gore ke nale wene, a gona ye a nyoko gotlhaselang a go kwaletsa, ka gore ke nale baka ba go tlala ho motjing wo.” 11 Paulose a dula hone mongwaga ka wowoshi le hafo, a tjhutisa lentsu la Modimo.

12 Ho Galliyo a yeba mmushishi wa Akhiya, bajuda ba gatlhana ba tlhasela Paulose ba mo tlisa tshekong matlhong ya mmushishi gore a yatlhodiwa. 13 Ba phara Paulose ka molato wa gore wo foranya batho gore ba rapele Modimo ka tsela ya go sa sepedisane le molawo.”

14 Mara ho Paulose a sa thoma go tebolabolela, Galliyo a sokologa a re ga bo ba pharang Paulo ka molato a re: “Theyetselang lune Bajuda, ho nka be molato wo woyelana le dilo tsa go sa loka kela yele molato wo mogolo, nke ke nyoko ba le lebaka la go wo yamogela. 15 Mara ke ya gana go yatlhola taba ye.” 16 Ke moka a balatlhela tawong ga ntlo ya tsheko. 17 Leshaba byalo la tshwara Sosethene, moyetapele wa senagoge, ba mo teya hone ntlong ya tsheko, Mara Galliyo a sa make selo.

Prisilla, Akwila le Apolose

18 Mara yetsere ho Paulose a dule matjatji ya manyana Korente, ke moka a layela bo bhute wage le bo sesi wage a thala ka sekepe a ya Siriya, a ya le Priscilla le Akwila. Pele ga ho a tloga wo tlobiye moriri kuwa Kenkeriya ka baka la keno yo a yemakiyeng. 19 Byalo ba segela Efeso, ho Paulose a shiyeyeng Prisilla le Akwila gona. ke moka yene a ya senagogeng go phegisana le Bajuda. 20 Ba mokgopela gore a dule nyana le nabo, mara a gana. 21 Mara ho a sa tloga, a ba tshepisa ka gore: “Ke nyoko bo ya ho yele thato ya Modimo.” A thala ka sekepe a ya tloga Efeso. 22 Ho a segele kasariya, a rotoga a ya go dumedisa kereke ke moka a boyela morago Antiyoko.

23 Ka morago ga ho Paulose a dule nyana Antiyoko, a boyela morago Galetiya le Ferigiya, a yetela barutiwa gore a batiyise ka moka ga bona.

24 Ye le gore, Mojuda ye bareng ke Apolose wa go belegiwa Alekesandariya ya Egepita, sekgwari ka go bolabola, le setjibe sa mangwalo ya makgetwa, ke ho a tlele Efeso 25 Ke ho a tjhutisiwuwe tsela ya Morena, le yene ke ho a tjhutisa ba bangwana ka Jesu, ka moya wa mafolofolo le nnete. le ho yele gore ke ho a fo tjiba kolobetso ya Johane Motlungwetsi. 26 Ho Prisilla le Akwila ba mo kwele a rera ka sebete kuwa senagogeng, ba mo rapa gore a tle ntlong ya bona, gore ba mo tlhalosele ga butji tsela ya Modimo.

27 Ho Apolose a nyaka go ya Akaya badumedi ba motlhotleletsa le go ngwalela barutiwa gage lengwalo gore ba mo yamogele. Ho a segela wo thushiye ka matla bo ke ho ba dumele ka mogawo wa Modimo. 28 A ganetsa Bajuda ka go phegisa ka matla pepeneneng, a bashupetsa gotjwa mangwalong ya makgetwa gore Jesu ke Kriste.