Kereke ya tlhorisiwa le go tlalagana.
8
Ka lona letjatji lone gwa tsoga go tlhorisiwa go gogolo kgatlhanong le kereke ya Jerusalema, ka moka ba tlalagana le naga ka moka ya Juda le Samariya gwa shala hela baapostola.2 Banna ba go tjhaba Modimo ba boloka Stefane, ba mo llela ka maatla. 3 Mara Saulo a thoma go tlhorisa kereke. A kena ntlo ka ntlo, a goga banna le basadi a ba latlhela jele
Filipose wo Samariya
4 Bo ke ho ba tlalaganne le naga ba tsama ba rera lentsu ka moka ho ba yang gona. 5 Filipose a ya motjing wo mongwana Samariya a gowelela Kriste gona hone. 6 Ho mashaba a yekwa Filipose ba biye ba bona metlholo yo ke ho a ye maka, ba theyetsela ka tlhokomelo tso a di bolabolang. 7 Memoya ya go tlala ye mebe ke ho ye rakiwa,ye gowelela ho yetjwa bathong, ba go shepaditho le bagolofadi ke ho ba fodisiwa. 8 Ka gona gwa ba le go dyabola ka maatla motjing wone.
Simone wa maletlana
9 Nako ye telele ke ho go na monna ye a bitsiwang Simone, a berekisa maletlana hone motjing a makatsa batho ba Samariya ba go tlala. A tekganyisa ka gore ke yene ye mogolo, 10 go thoma ka ye monyana go segela ka ye mogolo e ba fela ba mmolabola gore: “Ke ye mogolo, ke maatla ya Modimo.” 11 Ba mo latele ka go ba a ba makatsiye nako ye telele ka maletlana yage. 12 Mara ho ba dumele Filipose ho a rera taba ye butji ya mmusho wa Modimo le Jesu Kriste, ba kolobetsiwa ka go tlungwetsiwa, banna le basadi. 13 Simone le yene a dumela a kolobetsiwa. Wo latele Filipose ka moka ho ke ho a ya gona, a makatsa ke metlholo ye megolo le matshwawo wo ke ho a ye bona.
14 Ho baapostola ba Jerusalema ba kwele gore batho ba Samariya ba yamogele lentsu la Modimo, ba romela Petrose le Johanese Samariya. 15 Ho ba segele ba ba rapelela gore ba yamogele Moya wo Mokgetwa, 16 ka gore Moya wo Mokgetwa ke ho wo so ko ba wo tla gedimo ga bona, ke ho ba kolobetsiwuwe hela lebitsong la Morena Jesu. 17 Ke moka Petrose le Johanese ba ba beya diyatla ba yamogela Moya wo Mokgetwa.
18 Ho Simone a bona Moya wo Mokgetwa wo neyiwa ka go beyiwa diyatla ke baapostola, a teneyela go neya baapostola tjheleta a re: 19 “ Le nna mpheneng bokgoni byo gore ye mongwana le ye mogwana ye ke mmeyang diyatla a yamogele Moya wo Mokgetwa”
20 Petrose a fetola a re: “Hwane le tjheleta yone yago ka gore wo nagana gore wo ka kgona go reka newo ya Modimo ka tjheleta. 21 A wo na kabelo morerong wo ka gore pelo yago a ye ya loka matlhong ya Modimo. 22 Sokologa bobeng byo wo rapele Morena. Motlhomongwana wo nyoko go lebalela goba wona le moya wa mohuta wone kgopolong le pelong yago. 23 Ka gore ke ya bona gore wo tlele ka go galaka le go tlemiwa ke sebe”
24 Ke moka Simone a re: “Nrapelele ga Morena gore tso wo di bolabodiyeng di sa mmakegele.”
25 Ho ba tlhatsele le go rera lentsu la Morena, Petrose le Johanese ba boyela Jerusalema ba tsama ba rera ebangedi metjaneng ka moka ya Samariya.
Filipose le Moitopiya
26 Byalo lengeloyi la Morena la re ga Filipose: “Ariye thoko ya bodikela pateng ya leganata, pata yo ye tlogang Jerusalema ye phologela Gasa.” 27 Ke moka Filipose a ya, a sa le tseleng a gatlhana le Moitopiya, ntona le motshwara ditjheleta tsa kgoshigadi Kantasi wa Itopiya. Monna ye ke ho a yiye Jerusalema go rapeleng, 28 a boyela gaye a kalamme sekotjikara a bala puku ya moporofeta Jesaya. 29 Moya wo Mokgetwa a botsa Filipose a re: “Ariye hone thina le sekotjikara.”
30 Ke moka Filipose a taboga a ya a kwa monna yela a bala puku ya moporofeta Jesaya. Filipose a mmotsisa a re: “Naa wo kwesisa so wo se balang?”
31 Yene a fetolola a re: “Naa nka kwisisa byang go sena motho wa go ntlhalosela?” Ke moka a kgopela Filipose gore a kalame a dule naye.
32 Monna ke ho a bala temana ya lengwalo lo le reng:
‘Wo gapiwuwe byalo ka nku ye yang tlhabiweng,
a kogomolele go tshwana le nku matlhong ya bo ba ye tlhobang,
a sa bule molomo.
33 Go kokobetsiweng gage wo tlhokiye le katlholo ya toka.
Ke mang a ka bolabolang ka batlogolo bage?
Wo yamogiwuwe bophelo lefaseng.’
34 Monna a botsisa Filipose a re: “Mpotse tlhe, moporofeta wo bolabola ka mang, ka yene mong kela ye mongwana?” 35 Ke moka Filipose a thoma ka yona temana yone ya lengwalo a mmotsa taba ye butji ka Jesu.
36 Ho ba le gare ba sepela tseleng, ba segela ho go nang le meetji, monna yela a re: “Bona, meetji ke wo. Ke ying taba ke sa kolobetsiwe? 37 Filipose a re: Ho wo dumela ka pelo yago ka moka wo ka kolobetsiwa”. Monna a fetola a re: “Ke ya dumela gore Jesu Kriste ke Morwayi wa Modimo. 38 A layela gore a yemise sekotjikara. Ke moka ka babedi ga bona, ba phologela meetjing ke moka Filipose a mo kolobetsa ka go mo tlungwetsa meetjing. 39 Ho ba tjwele meetjing, Moya wa Morena wa tseya Filipose ka go yakgoswa, monna yela a sa sa mmona, le ho go le byalo a tjwela pele ka leyeto lage a dyabodiye. 40 Le ho go le byalo Filipose a bonagala Asotase a sepela a rera ebangedi metjing ka moka a ba a segela Kesariya.